العربية بتتنفض

**samirayad** · 08-05-2009 09:12 PM

طيب ماتجرب يا أستاذ / أحمد .....تنضف برضه فيشة حساس الماب ......وتركبها تانى كويس جدا (يمكن تكون مهويه شويه ).....أو جواها شوائب بتحجب الأشاره وتضعفها وهى رايحه لوحدة التحكم ولا حاجه

**samirayad** · 08-05-2009 09:23 PM

و البوجيهات هى 2 شمعة و انا مغيرها من اسبوعين فقط و لكن فكيت بوجيه منهم لقيته متوسخ و مهبب ؟؟؟؟؟؟؟؟؟؟؟؟

ممكن برضه تنقل البوجيه ده ....مكان واحد من النظاف ....علشان تعرف العيب منه ولا من الرشاش بتاعه ........

_ وممكن برضه تختبر قوة الشراره اللى رايحه للبوجيهات الأربعه ( ممكن تكون شرارة البوجيه ده ضعيفه أساسا وكده العيب حيكون من البوبينا ).....وده ممكن تعمله قبل نقل البوجيه لمكان تانى..............

**ahmedfra** · 08-05-2009 10:13 PM

شكرا يا بوسمرا و سوف اقوم بتنظيف الفيشة و اجرب

**samirayad** · 08-05-2009 10:21 PM

المشاركة الأصلية كتبت بواسطة ahmedfra

شكرا يا بوسمرا و سوف اقوم بتنظيف الفيشة و اجرب

الله يخليك يا أبو حميد ......وشوف برضه حتة البوجيه دى بالمره اللى أنا قولتها فى ردى السابق ..............لأن لو فيه بوجيه شرارته ضعيفه ( حيعملك النفضه دى ).......وأنا مش ناسى حتة تتجللى فى أقصى حالاتها السابقه وقت السلانسيه ................

_ لأن فعلا دى غالبا بيكون سببها بوجيه برضه ........

_ ياريت تخللى موضوع الفيشه بعدين على منشوف موضوع البوجيهات ده ....

.

**samirayad** · 08-05-2009 10:29 PM

المشاركة الأصلية كتبت بواسطة waleed_home

هل لو بيبقى فيه تعريق زيت بسيط على السن والبوجيه ريحته بنزين جامد ومهبب اسود يبقى ده عيب رشاشات

بعد أذن مستشارنا الفاضل : ...................................

_ زى ماقولنا قبل كده يا أستاذ/ وليد .........سبب وجود زيت عند البوجيهات عامة بيكون سببه حاجه من أثنين ..........

_ زيت رايح من عند خرطوم الفائظ الى مجمع الهواء ....وبيدخل مع الهواء الذاهب لغرف الحريق........وده بيكون بسبب نسب تفويت فى شنابر المحرك..........

_ أو نازل من عند منطقة التاكيهات بسبب تلف سيلات الصبابات .....

_ وطبعا كده الرشاشات بتكون سليمه ......والعيب بتاع تواجد بنزين على البوجيه بيكون بسبب الزيت اللى بيتجمع على البوجيهات وبكده بتقل كفاءتها على حرق البنزين اللى داخل للغرف مع الهواء من صباب السحب............

_ دى صوره عامه عن الأحتمالات ...................

.

**waleed_home** · 09-05-2009 11:18 AM

باشمهندس سمير
لو حضرتك تفتكر ان احنا اتناقشنا فى الموضوع ده قبل كدة وشرحت لحضرتك الحالة بالتفصيل وقولت لك الأحتمال ال انا شاكك فيه وكان راى حضرتك :

المشاركة الأصلية كتبت بواسطة samirayad

لا هو الزيت مابيشفش ( ياينحرق ....يايفضل منه آثار على البوجيه ).....................................

_ وعاوزين نسأل نفسنا (على فرض أن الزيت ده رايح من بخار التنفيس بتاع الكرتير لمانيفولد دخول الهوا ء ).........طيب أشمعنى البوجيه ده .........

_ برضه فيه حاجه جات فى تفكيرى ( أحتمال فعلا يكون زى مابتقول ) على أساس أن صباب الحر بتاعه هو اللى فاتح وفتحته بتسمح بهذا.....................

_ وده فعلا وارد بدليل أن تانى مره لما أنت كشفت ملقيتش عليه زيت .....علشان كانت بلوف أسطوانته قافله المره دى وكان فيه أسطوانه تانيه هى اللى فاتحه ( وأكيد أنت كشفت على ده بس ).....

_ وعلشان تتأكد برضه أن ده المصدر (مجمع الهواء هو السبب ).......................

_ أكشف على كل البوجيهات مره تانيه ............

__ لو لقيته هو أو واحد تانى عليه زيت ......يبقى تفكيرنا صح ( أن الزيت جاى من خلال خرطوم الفائظ)...........

وانا بعد متابعة حالة البوجيهات صباحا قبل ما ادور السيارة دائما بلاحظ ان نفس البوجيه غرقان بنزين مع العلم ان انا بنضف البوجيهات اخر اليوم علشان اعرف اتابعها تانى يوم الصبح.

وبما اننا رجعنا للموضوع تانى فياريت نعرف راى مستشارنا الأستاذ محمد ممدوح

و ده رابط الموضوع :
http://www.nilemotors.net/Nile/showt...C8%E4%D2%ED%E4

**samirayad** · 09-05-2009 02:38 PM

وانا بعد متابعة حالة البوجيهات صباحا قبل ما ادور السيارة دائما بلاحظ ان نفس البوجيه غرقان بنزين مع العلم ان انا بنضف البوجيهات اخر اليوم علشان اعرف اتابعها تانى يوم الصبح.

طالما نفس البوجيه بيكون غرقان بنزين يبقى رشاشه بيسيل.............

_ وكنت عاوز أسألك برضه .....وأنت بتنظف البوجيهات آخر النهار .....بتلاقى زيت على البوجيه ده بالذات ....ولا الحاله عامله أزاى قبل النظافه لجميع البوجيهات....بتاعة آخر النهار قبل مرحلة التشغيل تانى يوم الصبح............

**midoecho** · 09-05-2009 05:24 PM

على فكرة انا كان عندى نفس مشكلة النفضة دى وكان الاكتر من كدة كمان انها كانت بتفصل كتير و تحس من الصوت انك راكب عربية موديل سنة 60 ,بس الحمد لله طلعت المشكلة فى ((حساس الكرانك ))و لما اتغير رجعت الحمدلله زى الاول , فحاول تخللى الميكانيكى بتاعك يشوفة كدة

**ahmedfra** · 09-05-2009 08:30 PM

النهاردة رحت غيرت سير الكاتينة و الدينامو . و بعد التغير الولد قالى دور العربية و لقيتها بتتنفض اكتر و اكتر . ايه يا بنى ده قالى معرفش مش حضرتك قلت ان فيها نفضة اصلا ؟؟؟؟ قلتله بس مش كده . المهم جه الباشمهندس بتاع المكان و قالى نبص على البوجيهات و فكها و قالى البوجيهات دى مش بتاعتها ؟؟؟؟؟؟؟؟؟ قلتله انا شريها من كام يوم و المفروض انها بتاعت اللانوس قالى بص مكتوب تحت الـــ ngk حرف R و قالى كلمة نسيتها بالإنجليزى طبعا و قالى البوجيهات دى بتاعت هيونداى مش لانوس و هى الى عاملة الرعشة دى ؟؟؟؟ المهم جابى بوجيهات تانية ngk معلهاش حرف الــــ R و ركب و جرب كان الحال احسن بس برضة فى النفضة العادية بتاعت الأول .
المهم انا مش عارف الكلام ده مظبوط و لا كان بيشتغلنى و يكون مركبين سير الكاتينة غلط . اصل انا اعرف ان السير لو مش مظبوط يلخبط الدنيا . و يا ريت نعرف الأعراض الى بدل على ان سير الكاتينة راكب مش مظبوط .......