تعديلات علي بلف الطواريء بمترو الانفاق لقطع يد من يعبث بها

**PoweRPassioN** · 04-05-2009 10:35 AM

اكيد يقصدوا المكنه اللي بره اللي بتتحكم في الفرامل من بره عربيه المترو و دي زي كده بلوف القطارات اللي كان في ناس تلعب فيها فيحصل مشكله في فرامل القطر

+999999

**abzoabzo** · 04-05-2009 10:58 AM

ميفصلوه خالص ملوش لازمة واى ميكانيكى هيقولك كده
بلد المستهترين وضياع التربية

**Salamonti** · 06-05-2009 05:30 AM

المفروض مثلا يعملوا تحت البلف مكان لسحب بطاقة رقم قومي ولا يعمل البلف إلا بعد إدخال البطاقة في المكان المخصص لها
وبكده يعرفوا مين اللي ضرب البلف ويقدروا يجيبوه

أو كاميرا مراقبة تكون موجهة على البلف وتسجل مين اللي ضربه ويقفشوه وهو نازل من القطار

أو عمل مكافأة مالية قدرها 100 جنيه مثلا للي يمسك الحيوان اللي بيضرب البلف بدون داعي

أو حتى يخلوا البلف يفرمل القطار بس بدون ما يفتح الأبواب.. ولما القطار يقف يزنقوا كل الناس اللي محبوسين في العربية اللي انضرب منها البلف لحد ما يعرفوا مين اللي ضربه ويكون فيه عقوبة مشددة فيها حبس سنة ولا اتنين على الأقل

أو ممكن يخلوا بلف واحد لوحده مايعملش حاجة ... عشان القطر يقف أو الابواب تفتح لازم ينضرب 3 أو 4 بلوف مختلفين في عربات متفرقة لنتشيط حالة الطوارئ ... انما واحد لوحده مايعملش حاجة ،،، والمنطقي ان القطر عبارة عن 9 عربيات.. وكل عربية فيها 4 ابواب وكل باب جنبه بلف... يعني عندنا 36 بلف في القطار الواحد
أكيد لو فيه خطر حقيقي عدد كبير هايضرب البلوف دي وأكيد أكيد العدد ده هايزيد عن 4 أفراد في عربيات متفرقة

الحلول كتييييييييييييييييييييييي ر أوي

بس تقول لمين !!!

**rammoo** · 09-05-2009 01:50 AM

يا جماعة الناس تقصد ان اللى هايسرق البلف هنقطع ايده حسب الشريعة يعنى انتوا مش فاهمينة بس ركزوا كده
وكمان مين اللى قال ان البلف من جوه لا زم يكون البلف من بره عشان عجل المترو مايفسيش ..................

**Terrible_DaRsH** · 09-05-2009 01:54 AM

انا سمعت ان اللى هيعمل كده هيتذنب على الباب لحد اخر الخط .

و هياخد اربع عصيان على ايده . و هيتحرم من ركوب المترو لمدة 334 سنة .

لكن مش مقتنع بحكاية قطع اليد دى .!! ( غريبة بصراحة ) .

**Abo_Lina** · 09-05-2009 05:50 PM

ايده تتقطع دي المرحلة الاولى من العقاب..
بعد ما ايده تتقطع بيتم توجيه بونيه في وشه من الجهاز ده مما ينجم عنه انه يفتح بوقه..ساعتها بيدخل جهاز تاني جوه زوره بيقطعله لسانه من لغاليغه..(شوف اللغلوغ بكام في الشواربي دلوقتي) بعد كده بينبثق من الجهاز سيف حاد بيوجه ضربة للجاني في وسط جسمه بالظبط مما ينجم عنه فصل نصفه الفوقاني عن نصفه التحتاني (طب يتجوز ازاي دلوقتي) بعد كده بيتم حدفه من القطار و هو ماشي فبيقع يتمرمغ على القضبان مما ينتج عنه حالة من الاعياء و فقد الوعي و الوزن و الذاكرة..بعد كده بيعدي قطر من الناحية التانية على رجليه مما يتسبب في قطعهم..

بس كده
اعتقد عقاب كافي الى حد ما..و بيتهيألي هايفكر كويس قبل ما يعمل الحركة دي مرة تانية ..