تعديلات علي بلف الطواريء بمترو الانفاق لقطع يد من يعبث بها

**mragh** · 03-05-2009 01:07 AM

القاهرة - محرر مصراوي - تجري شركة مترو الانفاق تعديلات علي صناديق "بلف الطوارئ" بكل عربة من عربات قطارات المترو البالغ عددها 9 عربات.

ويأتي هذا التعديل لمواجهة عمليات العبث بهذه الصناديق التي زادت في الفترة الأخيرة.

التعديل الجديد يؤدي إلي قطع يد أي شخص يحاول كسر أو العبث بصندوق البلف بأي صورة من الصور.

أكد المهندس عبدالله فوزي رئيس الادارة المركزية للتشغيل أن قطارات المترو شهدت 3 حالات عبث مما أدي لتعطل القطارات بالدمرداش والسادات ومبارك وتسبب في ارتباك الركاب والحركة.

المصدر: صحيفة المساء

**iBiZa** · 03-05-2009 12:02 PM

المشاركة الأصلية كتبت بواسطة mragh

التعديل الجديد يؤدي إلي قطع يد أي شخص يحاول كسر أو العبث بصندوق البلف بأي صورة من الصور.

يعنى واصلة على سكينة عشان اول ما حد يحط ايدة تقوم تقطعها ؟؟؟

**bishoy02010** · 03-05-2009 12:24 PM

مش مقتنع

**NaderNabil** · 03-05-2009 12:30 PM

هو فيه تعديل فعلاًُ شوفته إمبارح في المترو...

التعديل عبارة عن إستيكر تحت الزرار بيقول اللي هادوس عليه بدون سبب...هايتعرض لمسألة قانونية

لكن قطع إيد اللي هايدوس عليه دي ماشوفتهاش!!!!

و بعدين يعني لو كان فيه طوارئ بجد...هايقطعوا إيدي برضو؟؟؟

كلام خايبان قوي :)

**abdelaziz-waleed** · 03-05-2009 01:19 PM

طب ماهو لو فيه حالة طوارئ بجد
الكل هايخاف يستخدمه لحسن ايده تتقطع
انا اسف في اللفظ
ايه الهبل اللي بيقولوه ويكتبوه ده

**Ahmed Samy** · 03-05-2009 01:32 PM

يا لهوي على الجهل و سياسة الحضانة اللي احنا عايشين فيها دي

بصوا بقى يا شعب يا"غبي" يا "جاهل" احنا كده بالصلاة على النبي اللي هايفكر يمد ايده على البلف ....و حياة الغالية ...لا هانقطع ايده ...آآآه قطع قطع كده على طول ....

نقوم احنا بقى ايه ....نخاف
و مانلعبش في البلف

ده بدل توعية الناس أو تركيب كااميرا أو ضرورة ادخال البطاقة مثلا وسحبها لتفعيل البلف ...

بلد عايزة بلف

**SAMER_ENGINES** · 03-05-2009 05:57 PM

المشاركة الأصلية كتبت بواسطة Ahmed Samy

يا لهوي على الجهل و سياسة الحضانة اللي احنا عايشين فيها دي

بصوا بقى يا شعب يا"غبي" يا "جاهل" احنا كده بالصلاة على النبي اللي هايفكر يمد ايده على البلف ....و حياة الغالية ...لا هانقطع ايده ...آآآه قطع قطع كده على طول ....

نقوم احنا بقى ايه ....نخاف
و مانلعبش في البلف

ده بدل توعية الناس أو تركيب كااميرا أو ضرورة ادخال البطاقة مثلا وسحبها لتفعيل البلف ...

بلد عايزة بلف

هيييييييييييييييييه

لقينا واحد بيعرف يفكر في مصر (بجد رأيك حلو جدااااااااا).
أمتي نبقي حضاريين و نحترم القانون بدون قطع أيد و بدون الكلام ده؟؟

**NaderNabil** · 03-05-2009 07:47 PM

يا جماعة الخبر غالباً متفبرك....لأن النهاردة برضو كنت في المترو و مكانش فيه أي مقصلة :)

ده الريس لسة مُطلع علي تقرير منظمة حقوق الإنسان عن مصر....أكيد هايبقي فيه شوية إختشاء (معرفش بتتكتب كده صح ولا لأ؟)

**ams** · 03-05-2009 08:43 PM

المشاركة الأصلية كتبت بواسطة NaderNabil

يا جماعة الخبر غالباً متفبرك....لأن النهاردة برضو كنت في المترو و مكانش فيه أي مقصلة :)

ده الريس لسة مُطلع علي تقرير منظمة حقوق الإنسان عن مصر....أكيد هايبقي فيه شوية إختشاء (معرفش بتتكتب كده صح ولا لأ؟)

أكيد حضرتك مش هتلاقى حاجة
لان الخبر زى ما قال دكتور احمد كأنه "اشرب اللبن يا حماده أحسن ما ابو رجل مسلوخة يجى ياكلك"
و هم لو عاوزين يعملو تعديل كانو لغوه اسهل ولكن ده طبعا مينفعش باى حال من الاحوال
و اعتقد ان الخبر مدان حتى تثبت ادانته

و بمناسبة اختشاء اللى اول مره اشوفها فى حياتى
فى مثل بيقول اللى اختشوا ماتو وقريت ان اصله هو ان كان فيه حمام للسيدات-شرقى او مغربى- وحصل زلزال و الحمام بدا ينهار فالستات خرجو عرايا و اللى اختشوا ماتو

**ashraf_fathy** · 04-05-2009 10:23 AM

يا جماعه اكيد ميقصدوش الزرار بتاع الطوارئ اللي جوه المترو - اكيد يقصدوا المكنه اللي بره اللي بتتحكم في الفرامل من بره عربيه المترو و دي زي كده بلوف القطارات اللي كان في ناس تلعب فيها فيحصل مشكله في فرامل القطر

الموضوع: تعديلات علي بلف الطواريء بمترو الانفاق لقطع يد من يعبث بها

LinkBack

أدوات الموضوع

عرض

-

-

-

-

-

-

-

-

المواضيع المتشابهه

تحذير امني بوقوع حالات اختناق بمترو الانفاق عند محطة السادات

اعتصام العاملين بمترو الانفاق غذا من التاسعة صباحا

ازالة اسم مبارك من محطة رمسيس بمترو الانفاق ...!!!

الكلمات الدلالية لهذا الموضوع

المفضلات

المفضلات

ضوابط المشاركة