بروتن جين 2

**amir** · 10-06-2009 10:43 PM

المشاركة الأصلية كتبت بواسطة tamer_aj

يعني يا جماعة أنا بفكر أشتري عربية, فا أشتري جين 2 ولا نيسان صني الجديدة؟ مع إعتبار إن النيسان المانوال العادية؟

أرجو الرد سريعا , حيث أنني في طور التنفيذ.
وشكرا,
م. تامر حافظ

عموما الاتنين حلوين
بس انا هاقولك علي تجربتي الشخصيه و انا معايا صني اهوه
انا كان نفسي في الجين
شكلها قعدتها تابلوها سواقتها ثباتها اوففففف
بص شوف انت ميال ناحيه انهي فيهم
مادام انت حطيت الاتنين قصاد بعض يبقي مقتنع بدي و بدي
لكن ايه اللي هيرجح كفه علي التانيه عندك؟
الشكل التكييف الصالون الثبات التقفيل؟
انهي النقط اللي ناوي علي اساسها تختار ما بينهم؟

**amir** · 11-06-2009 01:15 AM

المشاركة الأصلية كتبت بواسطة ahmed20_08nubira

دكتور امير ..حضرتك كنت عايز تغير النيسان بجين 2..

ياترا اية اللى تم فى الموضوع دة؟

و الله عملت اعلان في المنتدي و بعد كده عملت واحد في الجرنال
للاسف الاسعار بتاعت العربيات نزلت
و انا مكنتش عامل حسابي علي كده
فدلوقتي الفرق بين سعر بيع عربيتي و سعر الجين بقي عالي قوي عليا
انت تريد و انا اريد و الله يفعل ما يريد
قدر الله و ما شاء فعل
هستني بالصني سنه ولا اتنين و مين عارف يمكن اكون اول واحد يشتري الجين الجديده

**solyahmed** · 11-06-2009 01:23 AM

الجين2 1-عيوب تقفيل انت وحظك
2-قطع غيار مش كلها موجوده
3-سعر اعاده البيع

**Ayman_52** · 11-06-2009 01:32 AM

المشاركة الأصلية كتبت بواسطة solyelissa

الجين2 1-عيوب تقفيل انت وحظك
2-قطع غيار مش كلها موجوده
3-سعر اعاده البيع

وحضرتك مالقيتش ميزه بقى فى الجين على كده ؟؟؟؟؟

اصل دى مقارنه ... والمقارنه بتكون فيها العيوب والمميزات ... !!!!!!!!!

**amir** · 11-06-2009 01:37 AM

لو هنتكلم عن عيوب الجين فالموضوع مش عيوب بالظبط
عيوب التقفيل دي عباره عن زرار معلق كاسيت يعلق او اي حاجه كده من العينه دي و في صيانه الالف كيلو بيظبطوها و حتي مبقتش موجوده زي الاول
انما موتور و عفشه و اساسيات مفيش اي مشكله الحمد لله
قطع الغيار مسيرها تبقي مرطرطه زي باقي الموديلات في الاول بتكون نادره شويه و حتي حاليا في توسع عام في توافر قطع غيار الجين سواء الجديده او المستورده خارج التوكيل و ده راجع لانتشارها الواسع الجاري حاليا
سعر اعاده البيع مبقاش نازل قوي زي الاول لأن العربيه بقي لها سوق و طلب

**amir** · 11-06-2009 01:53 AM

عموما للاخ صاحب الموضوع العربيات بجانب انها مواصفات و موديلات فهي برضو عشق من نوع خاص
لو تحب تجرب الصني انا تحت امرك
لو حبيت تجرب الجين مظنش اصحابها هيبخلو عليك
انما نصيحتين
الاولي: متجبش عربيه مش عجباك و واقع في غارمها من اللحظه الاولي
الثانيه: لو بتفكر في الصني و عاجباك قوي متركبش جين تو نهائي, علشان لو ركبتها بجد هتعملك سحر و مش هتعجب الا بيها و هتلاقي كل الكلام اللي ممكن تسمعه عليها يهون في سبيل مميزاتها و خصوصا ثباتها الرهيب و الهاندلنج بتاعها
و الله بكره الناس تشوف الجين هيكون مكانها فين في السوق