الموضوع: بتسلف عربيتك لحد ........

أعتقد المحدد الرئيسي هنا هو بتسلفها لمين

إن حد ييجي يطلب منك عربيتك ده معناه - في الأغلب - إن علاقته معاك قوية لدرجة بعيدة ومنها بتكون قدرت تحكم على الشخص وبالتالي تقرر تديهاله ولا لأ.

لو حد واثق في أمانته وعارف إنه هيتقي ربنا في حاجتي - لسه في منهم شوية الحمد لله - مبترددش؛ بس دايما مبخليش تسليف العربية ده قاعدة عامة إنما على حسب كل موقف وظروفه حتى للناس اللي بأثق فيهم لأن الطريق ما لوش كبير

وإن شاء الله ما تكونش ندمان على خير عملته في حد وأكيد ربنا هيجازيك خير عنه

وعلى فكرة أنا باسجل اعتراضي بشدة على المثل اللي حضرتك ذكرته لأن مهما كانت عربيتي غالية عليا مش هتوصل لمرتبة زوجتي - باعتبار ما سيكون إن شاء الله.

العربيه في اطار انا و ابويا و اخويا اللي اول ما يطلع الرخصه حينطلنا متروحش لحد

المشاركة الأصلية كتبت بواسطة Heshaam

أعتقد المحدد الرئيسي هنا هو بتسلفها لمين

إن حد ييجي يطلب منك عربيتك ده معناه - في الأغلب - إن علاقته معاك قوية لدرجة بعيدة ومنها بتكون قدرت تحكم على الشخص وبالتالي تقرر تديهاله ولا لأ.

لو حد واثق في أمانته وعارف إنه هيتقي ربنا في حاجتي - لسه في منهم شوية الحمد لله - مبترددش؛ بس دايما مبخليش تسليف العربية ده قاعدة عامة إنما على حسب كل موقف وظروفه حتى للناس اللي بأثق فيهم لأن الطريق ما لوش كبير

وإن شاء الله ما تكونش ندمان على خير عملته في حد وأكيد ربنا هيجازيك خير عنه

وعلى فكرة أنا باسجل اعتراضي بشدة على المثل اللي حضرتك ذكرته لأن مهما كانت عربيتي غالية عليا مش هتوصل لمرتبة زوجتي - باعتبار ما سيكون إن شاء الله.

• بص يا استاذ هشام علشان التوضيح اكتر
  
  تسليف العربية لجوز اختى فى الاول من فترة عمل حاثة بعربيته
  
  فبقالها حوالى ثلاث اشهر فى التصليح حتى الان فى مرة والدتى
  
  عرضت عليه ان يأخد العربية يقضى بيها مشوار مهم فلم ارفض تماما
  
  ولاكن كان ليا تحفظات ان هو مش بيحافظ على العربية حتى فى عربيته نفسها
  
  فى مرة كنت راكب معاه وانا قولتلو سوق انت طبعا علشاان هو اكبر منى
  
  فأحتراما وكده فقولتلو سوق انت اولا بيمشى متهور شوية يعنى
  
  ممكن ياكل مطبات جامدة يعنى فى فى المرة ديه دخل فى مطب ممكن كانت
  
  العربية سقطت عفشة وكان وقتها لسه مابقالهش اسبوع مستلمها وقولت
  
  معلش مافيش مشكلة فبعد ما عرضت والدتى انو ياخد العربية فخدها
  
  مشواره ومرة اخرى باردو خدها ومرة ثالثة هو اللى طلب العربية والرابعة
  
  ايضا جيت قريب طلب العربية انا اللى رفضت تماما وحصل مشكلة
  
  بينى وبين ولدتى بسبب هذا الموضوع فسبتلو العربية وقررت بيع السيارة
  
  بلنسبة للمثل مش يا استاذ هشام انا مش اقصد اللى انت فهمتو بس اللى
  
  كنت عاوز اقولو ان عربيتك علشان تحافظ عليها مايسوقهاش غير اتنين
  

انا ممكن لو الظروف حكمت اسلفها لحد انا اعرفه كويس سواء من اصحابى او قرايبى

يا أخي الفاضل كان الله في عونك

وبرضه إنت عملت الخير وأعتقد إن إحنا كده مش مختافين في الرأي تقريبا - لو أنا فهمتك صح طبعا- حضرتك اتحطيت في موقف محرج وكان أمر ولابد منه وبعدين أما العملية ابتدت تاخد شكل القاعدة العامة اعترضت - خاصة إن مفيش خوف عالعربية مش لسوء نية بالضرورة يعني - وده حقك (وفي أحيانا ناس بتطرح فكرة تأجير سيارة بديلة عشان تخرج من الموقف بأضرار أقل وإن كانت بتبقى محرجة أحيانا).

المهم في الموضوع إنك ما تكونش زعلت ست الحبايب بس.

وبخصوص المثل ولا يهمك؛ أنا بعترض على صياغته واستخدامه عموما مش بس على السياق اللي حضرتك استخدمته فيه.

يا رب ما كونش قلبت عليك المواجع بس حبيت اشاركك برأيي.

المشاركة الأصلية كتبت بواسطة معاذ الشرباصى

انا ممكن لو الظروف حكمت اسلفها لحد انا اعرفه كويس سواء من اصحابى او قرايبى

+1

الحمد لله انا اخر واحد في العيله جبت عربيه بحكم السفر و ضيق ذات اليد :lol:
لكن الصراحه لو كريم منير قالي هات العربيه حسيبها له و حواظب علي دفع الاقساط
يعني فيه ناس تحس انهم بيخافوا عليك و علي عربيتك اكتر منك :arrow:

المشاركة الأصلية كتبت بواسطة hussein

ان اللى يسلف عربيته يسلف مراته

يا سيدى العربيه دى حتة حديده لا راحت ولا جت ملهاش احساس و لا مشاعر ولا دين و لا رأى
اللى بيسلف عربيته فى الغالب بيسلفها لانو كريم او لانو اتحرج من الشخص اللى طلبها منه (يعنى هو كريم او عندو حياء ودى صفات كويسة)
اما اللى بيسمح بالكلام التانى دا ديوث
و ياريت متزعلش من كلامى و رمضان كريم

• مش زعلان ولا حاجة ياباشا وعلى فكرة انا علاقتى بيه زى الفل
  
  العربية حاجة خارجية وعمرها ما بتأثر بعلاقتنا الشخصية
  
  بس طلبها بأسم مشوار مثلا للدكتور وبعدين يروح بيها مشاوير ثانية
  
  هيا اللى خلتنى ارفض اديهالو لاى مشوار اخر
  
  مع العلم ان عمرى ما طلبت ولا هطلب عربيته لاى مشوار كان
  
  لان مش كل واحد بيحب يدى عربيته لحد
  
  بالنسبة للمثل يا جماعة مش انا اللى قايلو والله
  
  ده مثل عموما انا اصلا ضدو فى حاجات ومعاه فى حاجات
  
  ومش معناها انى ما اسلفش عربيتى خالص اسلف عربيتى فى حالات معينة