agaa555@yahoo.com
عرض للطباعة
السلام عليكم ورحمة الله وبركاته
انا ليا راي
الراجل ده فعلا واخد من وقته كتير عشان يساعد الناس
ويقولهم معلومة ( صحيحة ومتجربة ) (بيقولك اسال مجرب)
اكيد ده واخد من وقته كتيرجدااااااااااااااا وبياثر علي شغله وبيته
له الحق كاملا انه يبعد شوية او يقلل مداخلاته او يبعد خالص مادام قراره ده هو شايف انه احسن له
بس طبعا انا احب انه يكون موجود معانا
اولا هو مش هيقدر يبعد عن عمل الخير لان اللي بيعمل الخير ميقدرش يبطله
واكيد هو دلوقتي بيفكر في حل يوازن بيه بين بيته وعمله والمنتدي وميظلمش حد وفي نفس الوقت يبعد عن الردود اللي هو مش حاببها (مع اني عايزه ياخد الموضوع ببساطة ويكبر دماغه)
اكيد انت بتفكر (انا افكر اذن انا موجود)
انا عندي مجرد اقتراحات:(بغض النظر ان احنا عايزين نشوفك لشخصك ولصداقتك وليس لمساعدتك لنا)
- ممكن اللي مهتم انه يعرف منك معلومة ييجي في مقابله لينا وتكون موجود معانا
- وممكن تخصص يوم تدخل فيه علي المنتدي وترد علي مشاكل واستفسارات الناس بطريقة ما ممكن نبقي نفكر فيها
خد وقتك في التفكير بس ياريت نشوفك في المقابلة عشان نتعرف عليك شخصيا ونفكر مع بعض
هنستناك في المقابلة ان شاء الله يا ممدوح
لك مني كل احترام و تقدير
مصطفي
هنستناك فى المقابلة اللى جايه يا ممدوح
هى مشاركتى اتحذفت خالص ولا ايه هو ايه اللى بيحصل
والموضوع يتلغى ليه هو ايه اللى فيه ممكن حد يفهمنى
ممدوح مين ممدوح ده
ممدوح من الاخر رمز الانسانيه و الجدعنه و الرجوله الراجل
ده انا ياما قرفته وفى عيشته كل شويه تليفونات سواء على عربيه تبعى او تبع اى حد من اصدقائى و ياما صحيته من النوم و الراجل ماكنش بيتضرر من كده
بجد انا قرفته كتير و من خلال التوبك ده انا بوجهله اقل شيى ممكن اقد اقدمهوله
انا فى فكرة بعتها للاستاذ محمد صبحى وقالى اعرضها على المنتدى وهى
وكمان انا مستغرب هو حد يسيب بيته للضيوف ويمشىاقتباس:
ممكن ممدوح باشا يخش تحت اسم (استشارى قسم الدايو)و
ونعمل موضوع للاسئلة ويكون خاص باستشارى قسم الدايو
ويكتب فى اول الموضوع تمنع المناقشة تماما
واللى عاوز يناقش يقتبس ويفتح موضوع جديد يناقش فيه
واللى هيكتب مناقشة جوه الموضوع مشرف القسم يحذفها
واللى عاوز يناقش يناقش بره الموضوع
تالتا ممكن نسمى الموضوع
(اسال واستشارى قسم الدايويجيب(
انا عارف انه فيلم بس ده الحل اللى جه فى دماغى
الدايو طول عمره بيت محمد ممدوح وملهاش طعم من غيره
وكمان ده انا زمان مكنتش بحتقر اد الدايو ومكنتش مقتنع بيها ولما قريت لممدوح
وكلامه عنها اقتنعت بيها وعرفت انها عربية تستحمل و بالتجربة اثبتت كلامه
ولما شفته بيجاوب الاعضاء عن كل كبيرة وصغيرة حسيت انى لو اشتريت دايو
هيكون لى حد الجائله و بعد فترة كبيرة لما فكرت اشترى ما فكرتش غير فى الدايو
وانا حاطط فى بطنى بطيخة صيفى
وختاما : مينفعش تسيب الناس اللى بتحبك فى الله وتمشى ارجع باى شروط واحنا قبلنها كلها
يا جماعة محتوى الميل موجود فى الصفحة رقم 2
فعلا
موضوع متعب
والراجل استحملنا كتير
ولو اى حد مكانه كان زهق
بس هو هيرجع تانى
لانه عارف اننا كلنا بنحبه حتى اللى بيجادله مننا
وكمان منتدى الدايو من غير محمد ممدوح مش هيبقى منتدى الدايو اللى احنا عارفينه
ممكن نغير عربياتنا بقى
يا استاذ محمد لو سمحت
لو عاوز متشاركش فى منتدى الدايو بيع عربيتك وغير اللانوس بس قولنا هتجيب ايه علشان نفكر نغير احنا كمان
ممدوح يستاهل اننا كلنا نحرب علشانه.اقتباس:
اللى عايز يعرف ممدوح ساب المنتدى ليه يبعت لى الميل بتاعه وانا هابعت له التفاصيل
بمنتهى البساطة الاداره رافضه انى انشر الموضوع
بس فى اعتقدى ان ممدوح يستاهل انى احارب علشانه حتى لو عضويتى هاتتلغى
اسف الياهو مش شغال
ihabyossef@alex4all.com
_ بدون أدنى شك .....أخونا محمد من الناس القلائل اللى فاهمه فى السيارات_ دا غير أنه من الناس المجتهده ........دا غير أنه بيقبل النقاش والتحاور ........_ ودرأ للوساوس والنزعات الشيطانيه .........._ أتمنى من كل قلبى أن يحاورنا جميعا لكى نتعرف منه على سبب كل هذا ........._ ومعروف فى لغة الحوار ....أن أفضل طريقه لوضع النقاط على الحروف ......هى لغة التحاور ......._ وأعتقد بل أنا واثق بأن المنتدى عامة بنى على ذلك ......وهو التحاور....._ وبالأنابه عن نفسى .....ودرأ لكل نفس قد يكون لها هدف فى أثارة الفتنه فى منتدانا الغالى نايل موتورز..........._ وبأسمى وبأسمكم .....بأناشده وأقوله ......._ أخى العزيز ( أبو يوسف ) ......ماذا يغضبك ..........وده الواجب نحونا كأخوه نحو أخيهم ......_ ولن أستفيض عن ذلك .......الى أن يرد علينا ........._ راجيا الله بأن يكون فى صحه جيده ( وأن لا يترك نفسه لنزعات شياطين الأنس والجن )
بص يا استاذ ممدوح
اولا انا اول مرة اسمع عنك (مع الاسف) لاني بوضوح مش معايا دايو ومش مهتم بالدايو
لكن بعد أن قرأت هذا الموضوع ووجدت ولمست حب الناس ليك
اناشدك بكل عزيز وغالي بالدخول والرد
واعتقد ان في ناس كاتبة في الموضوع ده انت عارف انها بتحبك
يبقى اكيد واجب عليك تقدر الناس دي وترد عليها
شكرا
أضم صوتى للكل ... و أتمنى عودة أستاذ ممدوح ولو يوم فى الأسبوع ..
يا جدعان الراجل ده انا معرفوش شخصيا بس من الاخر كده و مع احترامي لكل الاعضاء اكتر واحد فاهم في العربيات في المنتدى و خاصة الميكانيكا .... يا ريت ترجع للمنتدى يا أ\ ممدوح عشان بجد هنخسر كتييير اوي من غيرك ...
الي الاخ العزيز محمد ممدوح لو انت زعلان من حد ايه ذنبنا تحرمنا منك ومن عبقريتك اذا كان لقسم الدايو رونق وشهره فهي نابعه من الروح الطيبه التي تنبع من شخصيتك المحترمه انت انسان اجتماعي ومحب للجميع
ارجو منك الرجوع الي عائلتك واخواتك في قسم الدايو وكما قال اخ لنا في رد سابق لا يصح ان تترك منزلك وهو قسم الدايو للضيف الغريب كن فارسا كما انت فارس نبيل وحارب بروح الحب كما عوتنا
نرجوك جميعا العوده سريعا
فنحن لا ذنب لنا ان تتركنا وترحل
وشكرا لك من القلب
الجميع يعلق ويكتب حتي اللذين لم يعرفوك
الظاهر لهم من حب من جميع القسم يظهر للجميع معدنك الاصيل
\kaboo4@yahoo.com
هى المشاركات بتتحذف لييييييييييييه
هو احنا بنتكلم عن سلاح نووى ولا تهريب مخدرات
ياريت حد يوضح ايه الغلط فى كلامنا
انا حزين حزن الدنيا كلها والتعبير بدون مبالغة بكرره واقصدة انا حزين حزن الدنيا كلها على فراقق المنتدي يا ممدوح
ياجماعة انا حاولت افهم ايه الموضوع بس مش عارف ايه اللى بيحصل بس اللى انا عارفة ومتاكد منه ان استاذ محمد ممدوح رجال جدع اوى وفاهم اوى وبصراحه هو اللى حببني فى الدايو وخلانى اشتريها وحاسس ان له جميل كبير فى رقبتى يارب يقرا الرد ده وحب الاعضاء له ويرجع للمنتدى
pepo7111@hotmail.com
احب اقول ده رساله ليك يا استاذ محمد ممدوح بصراحةانا عضو جديد جداً في المنتدي ومعرفش اصلا اي حاجه عن اللي حضرتك عملته في المنتدي لاني لسه بدور علي عربيه بس كان لافت نظري ان منتدي الدايو فيه ناس بتفهم بعد لما قريت الموضوع وبصيت علي انجازاتك اللي انت عملتها في المنتدي .... فعلا بدون مجامله انت عملت حاجات كتتتتتتتتتتتتتتتتتتتتتر قوي مفيده ونافعة وهاتفضل تنفع الناس حتي لو مرجعتش للمنتدي بس احب اقوللك واضم صوتي لكل الاعضاء اللي فاتو احنا ميردناش ليك الخساره في سبيل مكسبنا احنا الاعضاء بس ممكن ترجع و لو مره واحده في الاسبوع كفايه رد فعل الناس في الموضوع ده علي فكره انت طلعت ليك شعبيه كبيره قوي وانت مش عارف...
السلام عليكم ورحمة الله وبركاته
اولا ممدوح مش عضو عادي في نايل موتورز .... ببساطة هو من أعمدة المنتدي
وقلما تجد شخص مثله ... فاهم تماما يعني ايه عربيات ..... وبيحب يخدم لوجه الله بدون مصلحة ...
وممدوح مشرف في منتديات سيارات أخري .... ويعتبر من خبراء الدايو المعدودين في مصر ...ومعروف تماما على النت كله ... يعني مش ناقص شهره
انا بصراحة مقتنع وواثق ان ممدوح مش ح يقدر يسيب المنتدي ....لعدة اسباب
اولا : هو اكيد مرتبط بالمنتدى ده عاطفيا قبل ما يكون فنيا ..... يعني مرتبط بالناس اللي هنا .... قد لا يكون سبق ان رأى الكثير منهم .... لكن اللي بيننا اكتر من كدة .... ده عيش وملح .... قصدي نت وملح
ثانيا : ان اللي بيعمله ممدوح ده مش مجرد كتابة في منتدى ... ده اكتر من كدة بكتير ..... ده زكاة .... زي زكاة المال والثمار والتجارة .... اسمها زكاة العلم .... والقاعدة الفقهية معروفة .... زكاة العلم تعليمه .... يعني لو مثلا انا ربنا انعم عليا واتعلمت قراءة القرآن .... وبدأت اعلم الناس اللي حولي قواعد التجويد كزكاة عن العلم اللي اتعلمته بفضل ربنا ..... هل ممكن علشان زعلت من اي شيء او اي شخص اني اقول انا ماشي ومش ح اعلم حد ؟؟؟؟ أكيد مش ممكن ....
وده اللي مخليني واثق ان ممدوح مش ممكن يمنع علمه عن الزملاء ....
انا يمكن لم اقابله الا مرة او مرتين .... لكن اعتقد ان حكمي عليه صائب .... انا شايف انه راجل بيخدم الناس لوجه الله .... واكيد ردود الناس في الموضوع ده اكبر دليل على حب الناس ليه .... ولما كان في ظروف الحادثة قبل كدة كانت الناس كلها ملهوفه عليه كأنه أخ أو أكتر ....أكيد مش ممكن حد يلاقي ناس بتحبه بالشكل ده ويسيبهم .... يا راجل هو حد بيلاقي حد يحبه كده في الزمان ده
انا شايف انه واخد أجازة للراحة والاستجمام و تهدئة الاعصاب ....وده حقه أكيد ...... وانا اول المنتظرين لعودته بالسلامه
انا يمكن مش باشارك في دايو كتير ... لكن انا متابع معظم الموضوعات وباكون مستمتع جدا بالحوارات الفنية حول المشاكل اللي بيشتكي منها الاعضاء وباستفيد منها لأبعد الحدود
منتظر عودتك يا محمد
اخي الحبيب محمد ممدوح
اللي زيك مش كتير متحرمناش من علمك وخبرتك
ازاي تفيد الناس في المنتديات التانيه وتسيب ولاد بلدك
لو كلنا هنزهق يبقي الناس هتدنيها جاهله ومتخلفه
اللي بتعمله ده صدقه علي كل اللي بتفيده
احنا كلنا بنحبك وبنقدرك وربنا يعلم من اول مادخلت المنتدي ده كل ماقرا مشاركه ليك اقول (والله الراجل ده بيفهم)