اللى عايز يعرف ممدوح ساب المنتدى ليه يبعت لى الميل بتاعه وانا هابعت له التفاصيل
بمنتهى البساطة الاداره رافضه انى انشر الموضوع
بس فى اعتقدى ان ممدوح يستاهل انى احارب علشانه حتى لو عضويتى هاتتلغى
عرض للطباعة
اللى عايز يعرف ممدوح ساب المنتدى ليه يبعت لى الميل بتاعه وانا هابعت له التفاصيل
بمنتهى البساطة الاداره رافضه انى انشر الموضوع
بس فى اعتقدى ان ممدوح يستاهل انى احارب علشانه حتى لو عضويتى هاتتلغى
برجاء عدم الغاء الموضوع
لو سمحتم
يا جماعة قبل ما الموضوع يتقفل يا ريت اللى وصل له الميل يبعته لباقى الاعضاء .... المهتمين....
___________________
والدى الله يرحمه علمنى حاجة مهمه جدا
انى لازم ارد الجميل على قد ما اقدر مهما كانت العواقب
الغريب انى متأكد ان فيه ناس كتير من الاداره اصحاب ممدوح طيب ليه الرفض الغريب ده
هل طريقة الصياغة للموضوع مش كويسه ولا ايه بالظبط
على العموم للمره التانية ده الموضوع
تحبوا تعرفوا محمد ممدوح ساب المنتدى ليه
قبل أى حاجه احب اوضح شوية قواعد فى الموضوع بتاعى
انا عارف ان كل واحد من حقه يقول رأيه – لكن فى نفس الوقت كل واحد ليه الحرية انه يتصرف فى الشئ اللى يملكه كيفما شاء – وانا من وجهة نظرى ان الموضوع ده بتاعى ومن حقى انى أضع أى قوانين أو قواعد زى ما أنا عايز
وهى ديه القوانين
1- ممنوع بأى شكل من الاشكال مهاجمة ممدوح فى الموضوع الخاص بى
2- ممنوع عمل اى موضوع اخر يهاجم ممدوح بسبب موضوعى (رجاء شخصى)
3- ممنوع مهاجمة أى عضو أو التلميح بأى شئ جارح لأى عضو (هام جدا)
4- عدم تحويل الموضوع الى قتال وخناقات وجماعة تبع فلان الفلانى وجماعة اخرى تبع علان العلانى والهدف الاساسى من الموضوع يضيع
5- يحق لأى عضو مهاجمتى (ريحوا نفسكم لأنى مش هارد) أو التعقيب على كلامى أو تعديله أو حتى تكذيبه بشرط عدم التعرض لأى عضو مهما كانت الظروف
.................................................. ..................*
قبل أى حاجة أنا باعتذر مقدما لمحمد ممدوح لو قلت أى حاجة هاتضيقه أو أى حاجة غلط فى اللى هاقوله
أنا زى – زى أى عضو فى المنتدى أفتقدت محمد ممدوح بشده – الراجل علمنا حاجات كتير وانا هاتكلم عن نفسى ان خيره عليا – عملت زى كل الاعضاء رخمت عليه شويه فى المواضيع بتاعنا يمكن يظهر لكن برضو مختفى – انا بصراحة قلت يمكن عنده ظروف أو ضغط شغل
لكن بصراحة الموضوع ابتدى يبقى مقلق حبتين
أتصلت بيه النهارده وبعد أذنك يا ممدوح انا هاكتب اللى حصل فى المكالمة مع احتفظى بجزء خاص ليه - مع العلم ان الجزء اللى هاحتفظ بيه ولا هايقدم ولا ها يأخر
بعد السلامات والاطمئنان عليه
صبحى : ايه يا ممدوح باشا ايه اللى بعدك عننا انتا زعلان مننا ولا ايه
ممدوح : (بالعافيه بيرد) لا والله مفيش حاجه
صبحى : هو انت زهقت ولا ايه ياممدوح
ممدوح : (بغيظ وزهق) بصراحة اه زهقت ومليت من الناس الغريبة اللى بقت موجوده فى المنتدى – الواحد بيحاول يساعد الناس على قد ما يقدر لكن بيلاقى ناس بتهد اللى هو بيعمل
صبحى : يا عم اهدأ شويه - احنا ياما قابلنا نوعيات من الناس ديه ايه الجديد – لو تفتكر يا ممدوح انى كنت زماان بهاجم الناس ديه لكن بعد كده بقيت بكبر دماغى
ممدوح :أنا بقى مش بعرف أكبر دماغى – انا بدور على الحاجه الصح وبأعملها – لكن دلوقتى كل لما أقول حاجة او أعمل حاجة ألاقى واحد ولا اتنين يعارضونى لمجرد المعارضة – ناس بقى هدفها الاول والاخر الكلام والظهور فقط – مش فارق اذا كان اللى بيقولوه صح ولا غلط – المهم انهم يتكلموا وخلاااااص
صبحى : ايه المشكله يا يا ممدوح ناس كتير للأسف بالشكل ده – كبر دماغك منهم المهم انك تعمل اللى عليك وخلاص – انا لأول مره ابدأ احس أنى بخدم المجتمع ولو بشكل بسيط فى المنتدى بتاعنا – ومش هانكر انى اتعلمت منك كتير – وبعيد عن العربيات احنا فعلا أصبحنا أخوه وأصحاب بنخاف على بعض وبندور على بعض
ممدوح : فعلا انا أتعرفت على ناس كتيييييييييييييير محترمه عن طريق المنتدى ومنهم ناس كنت أعرفهم أيام الدراسه
صبحى : طيب يا سيدى الناس اللى انت تعرفهم واللى بتحبوهم وبيحبوك عايزينك ترجع
ممدوح : والله يا صبحى انا فعلا مبقتش قادر- أنا وقتى كله أغلبه بقى فى المنتدى وده طبعا ليه تأثيره على بيتى وعلى شغلى - وانا بقيت باحسبها كالتالى – انا كل اللى بدور عليه انى اساعد الناس – اكتب رد على سؤال الاقى واحد كتب لى رد غلط 100% - أبدأ أرد عليه – يبدأ يتحول الموضوع لحرب وأنا اللى بيتحرق دمى فيها
صبحى : يا عم كبر دماغك واللى عايز ياخد معلومة منك ياخدها واللى مش عايز هو حر
ممدوح :ما ينفعش يا صبحى أشوف حاجة غلط وأسكت – فى ناس بتقول معلومات غلط ممكن تخسر الاعضاء فلوسهم ووقتهم – وأوقات بتكون معلومات ممكن تؤدى الى كوارث – والمشكله ان فى أعضاء كثيرون معلوماتهم محدوده (زى أنا *محمد صبحى* على سبيل المثال) وبياخدوا المعلومة على اساس انها سليمه 100 % بدون تفكير(مش زى أنا *محمد صبحى* خااااااااااالص)
صبحى : للأسف انا لاحظت فى الفتره اللى فاتت النوعيتين دول من الاعضاء
النوعية الاول بترد على أى سؤال والسلام المهم انها ترد – تعمل search على google وترد أى رد
والنوعيه التانيه للأسف بتاخد أى معلومه بدون التأكد من صحتها
ممدوح : بالظبط هو ده اللى بيحصل واحد تلاقيه بيقول محاضره طويله عريضة عند أى سؤال وفى النهايه المحصله صفر – وطبعا لو عضو جديد مش بيبقى فاهم ايه اللى بيتقال واذا كان صح أو خطأ وبيمشى وراه – يا صبحى مش عارف اذا كنت انت معانا فى المنتدى ساعتها ولا لأ – فاكر لما الناس كانت دايما تسأل هل فيه حل لمشكلة فرامل اللانوس – متكلمتش فيها لغاية لما أتأكدت ان التجربة نجحت على عربيتى 100% لأن ديه أرواح ناس ومسئوليه
صبحى :والله يا ممدوح انا عندى مهندس فى الشغل مطلع عين اهلينا – لما بتحصل أى مشكله يفضل يعمل تحاليل وافتراضات واحتمالات وفى النهايه المشكله بتفضل زى ما هيه- ولما احنا نحل المشكله تقريبا فى 1/10 الوقت اللى بياخده يقول اننا شغلنا كفته – الراجل ده اكاديمى أكتر من انه ممكن يشتغل بأيده – والغريبة برضو ان كل اللى بيدور عليه هو الظهور وبس
ممدوح :بالظبط هو ده اللى انا بقوله - حتى العضو XXXXXX أتصل بيه وقلنا نفس الكلام – ردود أكاديميه وشرح مفصل لحاجات ليس لها أى علاقه بالسؤال
صبحى :يا عم ممدوح ريحنى وأرجع تانى حتى لو بشكل مبسط – حتى لو 10 % بس من وقت فراغك – كلنا بنتعلم منك ومحتاجين كتييير لسه منك
ممدوح :والله يا صبحى انا تقريبا اديت كل اللى عندى والناس كانت ناقصها موضوع تنظيف المينفوالد والايديل ليرنينج واعتقد كده خلاص
صبحى :هو ايه اللى خلاص
ممدوح : انا عندى بيتى وشغلى – ولو شغلى اتأثر المنتدى مش هاينفعنى .................................................. ......................................
وبعد كده شوية كلام شبه تكرار للكلام اللى فات وانتهت المكالمه على كده
خلاصة الكلام
محمد ممدوح فى قمة الاحباط من اللى بيحصل
الراجل فعلا كان شغال علشان الناس وبس
فجأه لقى نفسه فى صراع سخيف لأثبات الاراء – والظهور فقط
أسف انى طولت جدا جدا جدااااااااا عليكم بس فعلا محمد ممدوح يستاهل ان أسهر أكتب الكلام ده علشانه – الراجل علمنى كتيييييييير وده اقل واجب – انى لازم احافظ على وجوده معانا – وفى نفس الوقت انا عن نفسى لسه عايز اتعلم كتتتتتتتتتتتتتتتتير وكتتتتتير من ممدوح
أنا باقترح اقتراح ممكن يكون غريب وانا نفسى مش مقتنع بيه – ان يكون فيه شبه موضوع ثابت للأسئله الموجهه لمحمد ممدوح وان الراجل يرد عليها واحنا بينا وبين بعضنا نبدأ نتناقش فيها
- يا ريت لو فى اى حد يقترح اى حل لأن فعلا دماغى فاضيه خااااااااالص ومش قادر أركز من كتر التعب
فى النهايه برجو من حضراتكم للمره الاخيره عدم مهاجمة أى عضو فى موضوعى سواء محمد ممدوح أو غيره
ويا ريت تنسوا فكرة المجموعات والفرق ديه شويه
رجاء هام : برجاء ان تكون المشاركات جديه فقط – ممكن نأجل الهزار شويه بعد أذنكم – ممكن
اعتذر لعدم ردى فى الفتره القادمه لأنى هاسافر كمان 4 ساعات وان شاء الله هارجع بعد بكره
انا عارف انى قاعد اكتب كتير لكن انا لسه راجع من السفر وسايق اكتر من 7 ساعات النهارده وفعلا بأكتب وانا مش شايف قدامى
يا ريت حد يكمل مكانى
وياريت كل واحد يفتكر حاجة ممدوح علمها له
والكلام ده مش هدفه حرب ضضد أى شخص
الهدف الاول والاخير تقدير الراجل اللى علمنا حاجات كتير
وفى نفس الوقت انه يرجع لأسرتنا تانى
+111111111111111 و لو انه صعب موت...بس انا معاك فى كل كلمة قلتها فى حق الراجل ده و انا صحيح مش من ملاك الدايو الا انى متابعه كويس اوى و استفدت منه كتير و يمكن بدخل قسم الدايو اكتر من قسم الكيا بتاع عربيتى عشان استفيد منه بالذات..اتمنى نلاقى اى طريقه نرجعه بيها حتى لو اتجمعنا و رحناله نكلمة وجها لوجه و نتناقش معاه و ربنا يقدم ما فيه الخير
ممدوح علمنا كتير طبعا ومابيبخلش على اى حد فى معلوماته وكمان بيرد على التليفون لاى شخص ويفضل معاه ومتابعه لغايه ما المشكله تتحل وبصراحه انا واحد من الناس اللى مفتقداه بس اتمنى انه يكون معانا فى المقابله الجايه ان شاء الله
شكرا علي اهتمامك بالاستاذ محمد ممدوح وانا انضم ليك فيما ذكرت
مع ان تخصيص موضوع بالشكل الذي اقترحته يعتبر تكرار لمواضيع قسم الدايو لكن ممكن يكون الاقتراح في ان صاحب السؤال ممكن يوجه سؤاله لمجموعه معينه من الاعضاء يطلب فيها مشورتهم ولا يلتفت الا لتلك الاراء فقط
فمثلا انا ممكن اسأل الاستاذ ممدوح علي سبيل المثال وأقوم بذكر اسمه في عنوان الموضوع كطلب من الاستاذ ممدوح
وفي النهايه يا ريت تعمل اتصال اخر تعرف بيه اللي يرضيه علشان يرجع في حدود عدم اغضاب اي من الاعضاء اللذين نكن لهم جميعا كل احترام وتقدير فما يجمعنا هنا ليست سيارة وانما صداقة تساوي في نظري الف سيارة مع انني جديد في المنتدي لكن لفت نظري الاحترام المتوفر بالمنتدي بالرغم من عدم معرفتي بكم عن قرب
اخيكم المستشار بلال عبد الونيس
والله أنا مش هقول اكتر من أن الراجل دا راجل زى العسل وخدوم جداا وبجد انا أستفدت منو جدا بأمانة لما كان معايا الأونو وكنت بسئلة عن الفلتر الأسبور وهل ينفع يركب عندى ولا لا وهل هيدينى أداء ولا لا والراجل متأخرش عنى وقالى أعمل كذا وسوى كذا وفك كذا ووالله بعد ما عملت ألى قالى علية لقيت النتيجة المرجوة وجزاة الله خير لأنة مكبرش دماغة أو قالى أنا مالى ياعم أنا بتاع دايو بس لاكن الراجل متأخرش وقالى أعمل أية والحمد لله عملت ولقيت أداء
ووالله ممدوح فعلا لو ساب المنتدى الأعضاء كلهم هيخسروا حاجات كتير لو مش دلوقتى هيبقى قدام وأنا عن نفسى ممكن اتصل بية بس اخاف يتضايق ولا حاجة والله الموفق
________
lalafuncky@hotmail.com:I_angr1[1]:
اتمنى ان المشاكل دى كلها تتحل والأستاذ محمد ممدوح يرجع تانى . وبعدين هو الهدف الأساسى من المنتدى ان الناس تفيد بعض
استاذ ممدوح دة راجل محترم جدا جدا وانا عن نفسى استفد منة فى كذا موضوع قبل كدة ومرة عملت موضوع وهو بس الى رد عليا فية وكان فى اكتر من 8 ردود انا بسال وهو عمال يواجب عل كل اسالتى
و بالنسبة للناس الى بيقول عليهم الستاذ محمد ممدوح دول عملين ذى مهندس الاستقبال فى التوكيل يما تبقى العربية بايظة يعد يشرح لصاحبها معلومات ميكانيكية ملهاش علاقة بالموضوع المهم يتوهة وخلاص
لكان استاذ محمد ذى مهندس الورشة الى فى التوكيل عارف العيب فين ويصلحوا من غير كلام و لعب فى حاجات ملهاش دعوة بالعيب
shosho_7271@yahoo.com
عاوز الموضوع ياجماعه
فعلاً الراجل ليه حق يعمل اكتر من كده كمان لما يعمل كل المجهود ده ويستقطع من وقته الى ممكن يستفاد بيه في بيته مع اسرته وكمان شغلة عشان يفيد الناس وبعد ده كله يلاقي حد لسه مش عارف اى حاجه يهاجمه من غير حتى ما يكلف نفسه انه يبص على مشاركات ومواضيع ممدوح القديمة ويشوف ويعرف هوه بيكلم مين .... للأسف فعلآ حاجه تغيظ وتحرق الدم ..
انا معرقش اللى حصل بس اى كانت الاسباب إدارة المنتدى غريبة فى تصرفاتها وده على ناس كتير بس لو الموضوع كده يبقى نعمل منتدى خاص بينا وفكك من التحكمات علشان هى خلاص مش ناقصة
وياريت يابو مروان تبعتلى ايه اللى حصل
لو انت سيبتنا يا استاذ ممدوح فثق تماما ان روح المنتدى الدايو اطفت
انت اللى عملت روح الدايو فى المنتدى
محمد ممدوح راجل محترم وغنى واللهى عن الدفاع عنه كفايه اننا اتعلمنا منه حاجات كتير ومكانش بيتأخر عن اى حد فى اى سؤال
انا بعتذرله بالنيابه عن اى حد ضايقه
يا جماعه المنتدى ده زى بيتنا فالمفروض نحافظ بقدر الامكان على اهل البيت
معلش طولت عليكم
بس ممدوح يستاهل كل خير
الراجل ده من الناس اللى حبيتهم فى الله
و كمان ماليش معاه مصلحه
و اكن له الكثير من الاحترام
المره اللى فاتت انت حطيت موضوع و جيت اعلق فيه و لقيت الموضوع اختفى قبل ماكتب حاجه
tarek.omar@gmai.com
انا اعرف محمد ممدوح من 4 سنين او اكتر بجد انسان محترم و خدوم بدرجه محدش يتصورها وكلنا هنا في قسم الدايو مافيش حد فينا كان عنده مشكله الا محمد ممدوح وقف جنبه و ساعده و حلله المشكله وانا واحد من الناس ديه بجد راجل بيبان في الاوقات الصعبه انا اخر مشكله في العربيه عندي جننتني لدرجه اني كنت هحرق العربيه بجد لولا وقوف محمد ممدوح جنبي بعد ربنا سبحانه و تعالي
و المشكله الحمد الله اتحلت و مش ديه وبس لاحاجات تانيه كتير حصلتلي و كنت لما ارجع لممدوح بيفدني و مابيتاخرش علي ولا علي وعلي اي حد عايز مساعده في حاجه بجد
بجد محمد ممدوح لو ساب المنتدي فعلا احنا خسرناه هنا
أنا شايف إن محمد ممدوح متابع الموضوع ده وبعت شكر لشريف ، فأنا بنتهز الفرصة دى وبقوله إنه يدخل ويتعامل تانى وهو عارف وإحنا عارفين خلاص نوعية المشاركات الجدية من المشاركات الأخرى ، فإيه رأيك إنك تستمر كما كنت وتتجاهل الردود من النوعية المزعجة ، وكلنا هنكون فاهمين إيه المغزى من الرد وإيه المغزى من تجاهل الرد ، وبكدة (تريح دماغك) بدون الدخول فى مجادلات مافيش من وراها فايدة أو الحوار يتحول إلى تبادل إتهامات أو غيره
فياريت بعد ما تناخد فرصة راحة (قصيرة) تبدأ تستعيد حماسك تانى وخصوصاً مع من يقدر المعلومة والنصيحة وأنت غير مجبر على الرد على المشاركات التى تزعجك ، وصدقنى إحنا فاهمين إن الرد والمجادلة دايماً بتكون من منطلق الحرص على المصلحة العامة لو كانت النصيحة خطاً ، بس أعتقد إن الأعضاء وصلوا لمستوى كويس فعلاً وهتلاقى ناس تانية بتشكك فى المعلومة الخطأ منها لنفسها
اولاً انا تقريباً عارف ممدوح زعلان من ايه لكن زياده في التأكيد اينيلي اهوazamell@hotmail.com يمكن اكون غلطان واكون انا اللي مزعله
اما عن ممدوح انا اشتريت العربية الانوس دي من 4 شهور من المنتدى هنا وقبل مااشتريها بعتله على الخاص وقولتله العربية شكلها كذا ومواصفتها كذا وكذا وهو قاللي اتكل على الله بعد ماميكانيكي يشوفها وخدتها وانا لا علاقة لي بالسيارات من قريب او بعيد وبحمد الله بجد على اني لاقيت واحد زي ممدوح عرفني حاجات كتيييييييير عن الانوس وقال لي اروح لمين في الميكانيكا والكهربا وكنت بتصل بيه وبيقول لي روح لفلان وخليه يعملك كذا وكذا انا بجد مش عارف اكتب عن ممدوح ايه ولا ايه
لكن انا راجل عملي وانا شايف ان الناس التانية بتفتي لكن ماشوفتش حد نفذ وخد خطوات فعلية غير ممدوح شوفوا تعديل الفرامل الامامية والخلفية شوفوا تقوية الكابلات شوفوا دهان التابلوه ده جزء من كل هاتولي حد من اللي بيفتي نفذ حاجة على عربيته قبل ما يتكلم
احنا هنستناك في المقابلة الجمعة الجاية يا ممدوح عشان خاطرنا ماتخذلناش