بغض النظر عن الاشراف على منتدى دايو او غيره ،تركك للمنتدى يعتبر خسارة و خسارة على المستوى الاخلاقى و الشخصى قبل العلمى يا محمد ...اهدأ و فكر و خد وقتك و ريح اعصابك شوية ما فيش حاجة مستاهلة حرقة دم ...مستنينك فى بيتك يا محمد
أخوك محمد شرين
عرض للطباعة
بغض النظر عن الاشراف على منتدى دايو او غيره ،تركك للمنتدى يعتبر خسارة و خسارة على المستوى الاخلاقى و الشخصى قبل العلمى يا محمد ...اهدأ و فكر و خد وقتك و ريح اعصابك شوية ما فيش حاجة مستاهلة حرقة دم ...مستنينك فى بيتك يا محمد
أخوك محمد شرين
رربنا يقدم الى فية الخير :Ob_mak1[1]:
بنا يوفق
بصراحه يا جماعه الراجل محترم جدآ وغير كدا كان بيرد علي جميع الاسئله والاستفسارات بتاعنا وكان بيتعب معانا وغير كدا كان خبير في السيارات فخسارة للمنتدي كله مش قسم الدايو بس فياريت نحاول نحارب عشان يرجع ونشوف ايه السبب والمشكله ونحاول نحلها احنا كاعضاء مع بعضينا
يا جماعة
الأستاذ محمد ممدوح راجل محترم جدا وراجل فاضل وعنده معلومات جميلة وحلوة أوى
لو المنتدى خسره هايبقى خسارة لينا كلنا
على فكرة انا أعرفه من ايام لما كان بيكتب فى كونتاكت كارز
ومعنى انه ينسحب من المنتدى ممكن يأثر على الناس اللى دخلت المنتدى عن طريق كوناتكت كارز
زى انا مثلا وزى ناس تانية كتير
ياريت يا أ\ ممدوح تفكر كويس
................................*وزى ما صبحى قالك كبر دماغك تعيش مرتاح
______________________
لا داعي لمثل هذه الأمثال التي قد تُفهم بشكل غير صحيح تعرضك للمشاكل.
إدارة المنتدى2
(إ.م.2)
أظن عيب قوى ....أن يكون تعليقك بالشكل ده ......ولازم يكون أسلوبك متحضر فى الردود .....لأن كلامك فيه توريه .....لا نقبلها .....بغض النظر عن قصدك ........لأنها تمس أى عضو فى المنتدى .....ومش شرط هو مين ( وأعتقد الأداره .....لا تقبل التوريه بهذا الشكل الغير لا ئق ) وبالفعل قمت بالأبلاغ عن هذه المشاركه الغير مقبوله.....ويمكنك أن تحتفظ برأيك لنفسك ........_ قال رسول الله (ص ) من كان يؤمن بالله واليوم الآخر فليقل خيرا أو ليصمت..........
استاذ ممدوح ...
أظن عشان مش مجموعة ........تهوى الظهور و الكلام ع فاضى انك تسيب اكتر من 99% من الناس المحترمين اللى هنا فى حيص بيص عشان قلة
يا راجل دة انا بقيت قبل ما روح التوكيل اخد رأيك و اشوف مواضيعك القديمة و اخليهم ينفذوها بدون مناقشة
بعدين احنا عايزينك معانا و متسبش الناس الحلوة دى كلها عشان مجموعة تعبانة فى دماغها
نحن كلنا نعلم من هو ممدوح باشا و نعلم ان ردودة علينا من الاخر و على فكرة احنا برضة ناس كبيرة و نقدر نميز مين اللى بيفتى و مين اللى ذيك بيتكلم صح
و الاعضاء الجدد امثالى و امثال كتيير اية ذنبهم تسيبهم يتجرب فيهوم؟؟!!!!!
مش معقول بعد كل الردود دى ليك برضة تكبر دماغك و تطنش
ع الاقل لو فى سؤال معاد ادى لينك للموضوع بتاعة ولو سؤال جديد جاوب علية
ولو كنت انا ذات نفسى حصل منى بدون ما اخد بالى و رديت رد غلط عليك فوالله اعلم انة بدون قصد الظهور و اعتذر ليك و للجميع...
كفاية كدة و رد علينا انا حغير فرامل العربية و خايف البس و محتاج نصيحتك :))))))))))))))))))))))
واعلم ان الثواب عند الله و انة حيخلصك من مشاكل كتيير فحياتك ذى ما خلصت ناس كتير هنا من مشاكلهم
_______________________
الأخ الكريم،،
يمكنك التعبير عن مشاعرك بحرية تجاة الأعضاء لكن بدون إهانة أعضاء اخريـن.
هذ مجرد تنبية، ولك إذا تكرر الأمر ستجبرنا على توجية عقوبات لك...
إدارة المنتدى2
(إ.م.2)
بجد م/ ممدوح من الناس اللى فاهمه كويس جدااااااااا و مفيش كلمه غلط علميا بتطلع منه + خبرته العملية اللى محدش يقدر يقول تلت التلاتة كام فيها!!! و بجد بستفيد منه جداااا و من القلة القليلة اللى فى المنتدى اللى تقدر تثق فى كلامهم و مقدرش ادخل اقول جديد فى موضوع هو اتكلم فيه لانه بيكون قال كل اللى ممكن يتقال رغم انى تخصص ميكانيكا قوى و معظم دراستى و مشروعى فى محركات الاحتراق الداخلى..
و قراره فى ترك المنتدى ده شىء يرجعله و طالما افضل ليه يبقى نسيبه على راحته لان فعلا الناس اللى بتفتى لا تحصى فى المنتدى و بيدخلوا فى نقاشات ملهاش لزمه مع واحد بيتكلم كلام علمى منطقى!!!!!!!! بالتالى حرام كلام ملوش لزمه زى ده يأثر على شغلك و مستقبلك
انا اتوقفت عضويتى بسبب بردوا النقاشات اللى ملهاش لزمه مع اشخاص ملهومش لزمه و المنتدى فعلا كان بيضيع وقتى ما بالكم فى الدكتور ممدوح.. انا محصلش تلميذ ليه و لا تتعدى مشاركاتى %1 منه.
بجد انت مواضيعك قيمة و تستاهل الشكر عليها و علمتنا كلنا.
و شكر للاخ صاحب الموضوع للوفاء الذى يقدمه لممدوح.
اللى بيحدث فى المنتدى هنا صورة مصغرة لما يحدث فى وطننا العربى وبالاخص فى بلدنا الحبيب مصر
و اللى مرجعنا ورا ثلاثة احزاب
1- حزب ( منافقون ) اقصد ( موافقون ) اللى هما اى حاجة تتعرض عليهم ......! موافقة وبالاجماع لية ؟ ازاى ؟ ميعرفوش
2- حزب (انا معترض ) اللى هما مالقيوش نفسهم ظاهرين فى حزب ( موافقون ) فقالوا نعترض علشان الناس تعرفنا طيب بتعترض على اساس اية يا استاذ ميعرفش طيب اية مدى علمك ميعرفش طيب جربت حاجة لأ طيب بتعترض لية ولا على اية بردة ميعرفش
3- حزب ( أعداء النجاح ) اى حد نجمة يعلى او يظهر على الساحة او الناس تحبة ميخلصهمش نعمل فية اية ؟ نعمل فية اية ؟ ايوة نشنقة من رجلية.......! حرب من اى نوع وباى طريقة المهم يزهق ويفارقنا ونبقا لوحدنا تانى. ولو طلع نفسة طويل .......... هو عارف هيجرالة اية
طبعا فى المقابل فية احزاب تانية
1- حزب ( يكش تولع ) اللى هو فاقد الامل فى اى حاجة و فى كل حاجة ومتنفسة الوحيد الحجرين اللى بيحرقهم ولا بيصد ولا بيرد عايش وخلاص يتبع قائمة المتفرجين ولو شافها والعة مش هيمد ايدة يطفيها ( يكش تولع )
2- حزب ( المجتهدين ) وليس ( المجاهدين ) اللى هما بيتعبوا ويجربوا ويطوروا وبعدين يعطونا النتائج على طبق من فضة ( لا نريد منكم جزاء ولا شكورا انما نريد مرضاة الله )
3- حزب ( الزهقانين ) ودول بيبقو فى الاول من النوع الثانى ( المجتهدين ) وبعدين يتصلط عليهم النوعين الثانى و الثالث من فوق (انا معترض ) و ( أعداء النجاح ) ويوصلوهم مع الوقت الى النوع الاول ( يكش تولع )
استاذ ( محمد محمود ) انا فعلا استفدت من حضرتك معلومات كتير ولاكن اللى اهم من المعلومات واهم من العربيات واهم من المنتدى انى كسبت معرفة ( راجل محترم) . ولو سمحت لى و ( صديق ) و.... ( معرفة الرجال كنوز )
و من اجل ذلك اتأسف لك بالنيابة عن كل من ضايقك بأسلوبة فى الحوار واترك لك حرية العودة الى اصدقائك .
فعلا الفائدة الاولى لهذا المنتدى هى معرفتنا لبعض وانا سعيد فعلا بالصداقات التى كونتها عبر هذا المنتدى العزيز
لذلك ارجو من جميع الاعضاء الاعزاء ان يحافظوا على اواصر المحبة والاحترام المتبادل بينهم والتى هى من وجهة نظرى اهم من علب الصفيح التى نركبها والتى من الممكن ان تزول لاى سبب ولاكن الصداقة لا تزول .
لذلك اتمنى من الجميع ان تنحصر مشاركاتهم مابين سؤال وجواب ومناقشة اما من يريدون الجدال من اجل الجدال ( كتر الكلام و مهاجمة الناس و تجريحهم بدون علم ) فنسألهم الرحيل .
وشكرا .
"إن لله عباداً اختصهم بقضاء حوائج الناس، حببهم إلى الخير، وحبب الخير إليهم، هم الآمنون من عذاب الله يوم القيامة"
يمكن انا معرفكش شخصيا ومتكلمتش معاك بشكل مباشر فى المشاركات غير مرتين
لكن أحسبك منهم ولا ازكيك على الله
ومش هقولك ارجع لأنى عارف انك فترة على ما تهدى وهنلاقيك بتشارك تانى ، على الأقل مش هتقدر تشوف فتاوى غلط وتسكت عليها مراعاة لمصلحة الأعضاء
واتمنى اتشرف بيك فى يوم من الأيام ان شاء الله
عايزك فى خدمة بقى دبرياج البى ام بايظ و واقفة بقالها يومين على الكورنيش تعالى اعملها :36_1_1[1]:
انا اول ما لاقيت المنتدى لما كان حصل مشكلة فى العربية واخويا مسافر بيها ودخلت اسأل على حاجة قعدت اقلب كتير فى قسم الدايو ومش عايز اقولك والله انت تقريبا الأسم الوحيد اللى علق معايا من كل المواضيع مع انى لسة اول مرة ادخل المنتدى ساعتها
ولما عملت الموضوع كنت مستنيك انت تحديدا ترد عليا مع انى معرفكش
وعموما انت لو شايف ان مصلحتك تسيب المنتدى فاحنا كلنا نتمنالك الخير وانك تكون مرتاح
بس انا عارف انك مش هتقدر تخلع ببساطة كدة
بصراحه انا متضايق فعلا ..عشان دايما الحظ السئ ان الناس الكويسه هي اللي بتروح ...في ناس كتير بجد هنا مع احترامي الشديد و بدون ذكر اسامي مايهمهاش غير الظهور والهزار ...المنتدي من غيرك يادوحه خلاصة الكلام هايقل كتير
بص يامان انا راجل بشتغل وطالعان عيني في الشغل وحوار المنتديات ده عمره ما دخل دماغي
بس بأمانه انت جزء كبير جدا من اسباب دخولي هنا و انتظامي لرؤية ردودك و امناقشتك في حاجه انا مش فاهمها
بصراح انا مجرؤش اقولك سيب بيتك وتعالا اتكلم لاني هاكون اناني ساعتها
من واحد مش بيحب الرغي لواحد مش بيحب الرغي
بس كل اللي اقدر اقولهولك ربنا يوفقك يا صحبي
Mazzori@hotmail.com
ياريت يا استاذ محمد ترجعلنا و متسبش بيتك الثانى و اتمنى انك تكون بخير
السلام عليكم ورحمة الله...
ما أعتقدش إنه بقى فيه كلام بعد إلي إتقال من الأعضاء المحترمين,
لكن عايز أذكرك وإيانا بأن الله لا يضيع أجر من أحسن عملا.
وإذا كنت بنيت فأنت بنيت حب الناس ليك يا محمد
وده إلي غمرك ما هتخسره أبدا
مستنيك في المقابله علشان تكون بدايه جديده لمرحله جديده ان شاء الرحمن
في الحقيقة كنت أنوي عدم المشاركة بهذا الموضوع لاعتراضي عليه شكلا و لكن هذا لايقلل من أحترامي و تقديري لكاتبه طبعا , و لكن مادعاني للكتابة فيه هو ماوجدته من تجريح لبعض الاعضاء من قبل البعض الاخر الذي يحاول أن يجامل "محمد ممدوح"
طبعا الاستاذ "محمد ممدوح" غني عن التعريف و لا أحد يستطيع أن ينكر دوره و أفضاله علي المنتدي و من يريد أن يرد له الجميل أو يعترف له بالفضل فليمدحه هو - رغم أنه لايحتاج هذا المديح فهو أسمي منه - و لكن دون تجريح للاخرين أو أتهام لأحد أو ألقاء اللوم علي أحد
ياجماعة كلنا هنا أخوة و طبيعي أن يحدث الخلاف و الشد و الجذب بين أعضاء الاسرة الواحدة فمابالكم بمنتدي يضم ألاف الاعضاء , و لكن المهم هو أن ننسي و نعلو فوق الصغائر و أن تصفوا نفوسنا بسرعة , و هذا ما أردته من قبل من خلال توجيهي للدعوة لكل من الاستاذ/ محمد ممدوح و المهندس/ سمير عياد بوصفهما كبيرا هذا المنتدي و السادة الاعضاء الافاضل من أجل التحاور الهادئ وجها لوجه و تهدئة الامور و التصالح و تصفية النفوس
و أنا مرة أخري أكرر الدعوة للجميع للحضور في لقاء الدايو المقبل يوم الجمعة بأذن الله كي يكون مؤتمرا نتحاور فيه و نضع ميثاق شرف بيننا نعمل علي أساسه حتي نتجنب الخلافات التي لا داعي لها و لانفسد هذا الصرح الذي تحسدنا عليه باقي المنتديات
و سلامي الي الجميع و خالص تمنياتي لكم بالتوفيق الي مافيه الخير و الصلاح
م / سمير الشهاوي
الله ينورعليك يا م/سمير الشهاوي.........................هذه دعوة لعمل جمعية عمومية لقسم الدايو
فعلا يا أستاذ/ وليد هي دعوة لعقد جمعية عمومية طارئة ووضع ميثاق شرف جديد لأعضاء منتدي دايواقتباس:
هذه دعوة لعمل جمعية عمومية لقسم الدايو
اعتقد انه الموضوع ما كنش محتاج لكل ده، لكن قيام بعض الاخوة الاعضاء ب "تكبيير و تهوييل الموضوع" اعطى ابعاد أخرى للموضوع كانت مدمرة اكتر من كونها مفيدة.
انا احيي الاخ SE_coralsea و أؤيد فكرته.
السيد ممدوح و السيد سمير هما الهوا و الميا للمنتدى... لا غنى عنهما
و دمتم
m.kohyea@tas.gov.eg
وشكراً مقدماً
الكام يوم اللي غيبتهم عن المنتدى حصل فيها حاجات كتير
بس حقيقي كانت مفاجأة غير سارة بالنسبة لي لما عرفت ان ممدح ساب المنتدى
انا كنت فاهمة في الاول انه ساب الاشراف بس لاني عارفه ان الاشراف ده وجع قلب وصداع
لكن انه يسيب المنتدى كله دي خسارة حقيقية للمنتدى يا ممدوح
ارجو انك تاخد فترة تهدي اعصابك فيها شوية وتتراجع عن القرار ده
ممدوح فعلا اقل ما يقال عنه عن عمود اساسي من اعمدة نايل موتورز
ممدوح فعلا من اعمده المنتدى الاساسيه
وبصراحه الراجل ده فاهم جدا جدا جدا بسم الله ماشاء الله عليه
والناس كلها بيساعدها وبيديها معلوماته وبطيبه واراده للخير لا غير
وعلى فكره انا مليش اختلاط بيه معاه تقريبا
بس كلمه الحق تتقال
هو فعلا راجل زي العسل
almasry_819@hotmail.com
نفسي اعرف بصراحه ايه الي حصل
:S_thum1[1]:اقتباس:
ممدوح فعلا اقل ما يقال عنه عن عمود اساسي من اعمدة نايل موتورز
انا كلمته وعرفت منه الاسباب
my e-mail is twice_m@yahoo.com
Mohamed is very nice man and very helpfull
what is the wrong with him?
أنت فين ياريس .....وحشنى والله من زمان :B4_611:اقتباس:
--------------------------------------------------------------------------------
khater87@yahoo.com
__________________
ان لم اكن لانوسيا لوددت ان اكون نوبيرايا او سيفيك ايا
أجمل حاجة ان في ناس لحد دلوقتي بتحط ايميلاتها
نظام المشي في الجنازة