الموضوع: شىء غريب عجيب فعلا

المشاركة الأصلية كتبت بواسطة zocor742

ايوة الحركة دى شوفتها بعينى من سواق عربية الشغل تيوتا دبل كابينة العالية 2008 واعتقد ان ليها سنس مع تقريبا بتكون دايس على دواسة البنزين او الجاز وبتسيب وتديها دوسة بسيطة كدة وترفع وتنقل النقلة بس اعتقد مش على اى غيار انا السواق قالى جربها بس وانا بعملها مجاليش قلب الصراحة خفت على العربية لو اتعملت غلط ولا حاجة مع انها مش عربيتى

واعتقد ان نفس الحوار دة اتعمل معاك قبل لما تدى الغيار

المشاركة الأصلية كتبت بواسطة checo

فعلا انا كنت بشيل رجلى من على دواسة البنزين و انا بنقل
انا بقالى يومين دلوقتى بسوق بالطريقة دى و مستمتع جدا
كفاية انى هحافظ على الكوتشيات اللى بتبوظ من الدبرياح :10D5C8~1107:

لدى والدى سياره فيرنا 1600 موديل 2007 و فى احد المرات و اثناء الصيانه فى احد مراكز الخدمه احد المهندسيين هناك قال انه يوجد لدينا مشكله فى الدسك و الاسطوانه فلما تعجب والدى لانه لم يواجه اى صعوبات اثناء النقل قال له المهندس اركب معى و سوف اوضح لك لك اين تكمن المشكله و اثناء السير قام المهندس بنقل الغيارات صعودا و هبوطا بدون الضغط على الدبرياج نهائى . و اوضح ان هذا العيب السبب فيه مشكله فى الديسك و الاسطوانه , تركنا مركز الصيانه بدون اجراء التغيير و قمت بسؤال بعض الاصدقاء ممن لديهم الخبره و اكد لى معظمهم ان كلام المهندس صحيح , و لكن فات على هذا الكلام حوالى 6 اشهر و لم نقم بالتغيير بسبب انه لم تواجهنا مشكله فى الغيارات عند الضغط على الدبرياج و السياره لم يصدر منها اى شىء يدل على انها بها مشكله و نقودها عادى جدا بالطريقه المتعارف عليها

مش عارف ان كان كلامى ده له علاقه بمشكلتك ام لا بس حبيت اتشارك معاك فى مشكلتك على قدر معلوماتى

شكرا اخى العزيز على سعه صدرك

ميرسى جدا على مساعدتك بس اعتقد ان المهندس ده كان بيفتى او حاجة زى كده و الدليل انك بتقول ان العربية مافيهاش مشاكل لحد دلوقتى و ربنا يباركلك فيها و تفضل كده دايما على طول
بس للاسف انا مش حاسس بمشكلة .... انا سؤالى لو حد يعرف فعلا ان الموضوع ده ممكن يجيب مشاكل فى العربية يوضحهلنا عشان ماعدناش نعمله تانى
المهم انا سألت والدى على الموضوع ده و هو مهندس فنى مدرعات (جيش بقى )
المهم قالى ان النقل بيحصل فعلا لما بيبقى فيه تقارب فى السرعات بين التروس اللى بتنقل بينها - و ده طبعا بيعتمد على سرعة العربية - بدون مشاكل
بس ده بيعتمد على السائق اولا انه ماينقلش فى ميعاد غلط عشان ده ممكن يكسر صندوق التروس اصلا و قالى ماعنتش تعملها تانى
بس للاسف انا عندى و عاجبنى قوى الموضوع ده
لو حد يقدر يفيدنا يا جماعة يبقى كتر الف خيره

المشاركة الأصلية كتبت بواسطة zocor742

ايوة الحركة دى شوفتها بعينى من سواق عربية الشغل تيوتا دبل كابينة العالية 2008 واعتقد ان ليها سنس مع تقريبا بتكون دايس على دواسة البنزين او الجاز وبتسيب وتديها دوسة بسيطة كدة وترفع وتنقل النقلة بس اعتقد مش على اى غيار انا السواق قالى جربها بس وانا بعملها مجاليش قلب الصراحة خفت على العربية لو اتعملت غلط ولا حاجة مع انها مش عربيتى

واعتقد ان نفس الحوار دة اتعمل معاك قبل لما تدى الغيار

انا فعلا بشيل رجلى من على دواسة البنزين قبل مانقل

المشاركة الأصلية كتبت بواسطة Bossy_Fadl

انا اول مرة اعرف كده

بس ممكن افهم تقصدوا ايه بالنقل بالوقت المناسب؟

يعنى تنقلى عند انتهاء سرعة الغيار فى الوقت المناسب.

يعنى الاول بينتهى عند سرعة 30 كم مثلا .. فانتى تنقلى فى حدود سرعة 25 كم مثلا.. و كذلك بقية النقلات .