يوم الأربعاء الماضي وبالتحديد 29 / 4 / 2009 ذهبت لمنصور اللي في شارع الطيران - مدينة نصر وطبعا فضلت ملطوع ساعتين ونص علشان مش حاجز !! وكأني رايح أكشف عند الدكتور !!

طبعا في صفين انتظار سيارات .. والمكان ضيق جدااا بين الصفين .. يعني خلي بالك من مرايات عربيتك لما تلاقي حد ماشي عايز يعدي .. وكل أربع خمس عربيات حاجزة بيدخل عربية مش حاجزه .. المهم مش ده الموضوع

فرع مدينة نصر ده فعلا فرع تعبان جدااااا .. والمهندسين مش عارفين حاجة وكلهم عيال لسه متخرجه كل وظيفته يستقبل العربية وينظم دخولها (بالظبط زي سايس العربيات) !! وطبعا مش بيتابع العربية والميكانيكية بيفعصوا فيها و بيقلبوا جيب العميل .. ولما تعوزه تفضل نص ساعة تدور عليه علشان تلاقيه في الاخر واقف مع صحابة وراء السور بيشربوا شاي وسجاير !! اسف برضه طلعت بره الموضوع بس بصراحة دمي فاااااااير

المهم واحنا واقفين طابور الانتظار الطويل اللي ملوش اخر .. وحوالي الساعة 2 الظهر .. فوجئنا جميعا بدخول (سيارة لادا) توكيل منصور لعمل صيانة بكل ثقة



وطبعا العربية اللادا مش وقفت في الطابور دي أكيد حاجزة



وطبعا العربية اترفعت على طول وكان الاهتمام بيها فوق الوصف .. طبعا تلاقيها عربية واحد من المحاسيب .. أو واحدة ... وحسبي الله ونعم الوكيل





وفي الاخر لازم نعرف ان هيا دي مصر .. وعجبي عليك يا زمن