هي دي الصيانة ولا بلاش

**AshrafMetwally** · 04-05-2009 08:43 PM

طبعاً الكل مستغرب من العنوان أحكيلكوم الموضوع أية

يوم الجمعة الي فاتت كنت آعد بعد الصلة كدة كالعادة و مكسل حتي أقوم أعملي كباية شاي و آعد أقرأ الو سيط و أقلب في الصفح أتفرج على الأعلانات

لمحت أعلان أفتتاح مركز جديد عندنا في طنطا و كاتبين أنهم عاملين فحص شامل مجاني

أولت الواحد ينفض الكسل دة بقا و يقوم يروح يشوف الموضوع دة و بصراحة العربية كانت عدت معاد الصيانة ب 2000 كم و كنت أبتديت أقلق عليها

و الي شجعني كمان أن المكان قريب قوي في أخر شارع أسكندريه عند مرور سالم يعني تقريباً في وسط البلد

المهم لبست و نزلت عبال ما وصلت مكنتش مكمل الربع ساعة و لا و جع القلب بتاع السفر عشان الوحد يعمل الصيانة كان بيبقي يوم ما يعلم بيه إلا ربنا

المهم وصلت على الوصفة أستقبلني المهندس

و كشف على العربية بالجهاز و رفعولي العربية و كشفو على العفشة و الموتور و التكييف و الكبالن و الفرامل

بعدها قولتلو أني عايز أعمل صيانة ال 20000

بصراحة ناس آخر زوق و أحترام

المهندس قالي العربية حاتخلص الساعة 5:30 فعلاً كانت خالصانة في معادها

بعد كدة المهندس قعد شرحلي أية الي أتعمل في العربية حتة حتة و عملي خصم علي المصنعيات و قطع الغيار

و قالي الصيانة الجاية حنعمل فيها أية كمان

فعلاً هي دي الصيانة ولا بلاش

علي فكره يا شباب

المركز أسمو مركز الدلتا لصيانة السيارات و دة مركز معتمد من غبور

مكانة في آخر شارع الأسكندرية عند نقطة مرور سالم

التليفون 0403354964

دة عشان الي عايز يتصل يسأل عن أي حاجة

يا رب الموضوع يكون مفيد و مستني ردود أحلي شباب

**midoonesaid** · 04-05-2009 09:28 PM

شكرا ليك ياباشا
انا لسه عارف الخبر دا من شوية والله مكنتش مسدق على الرغم من اني بحب اعمل الصيانة بره ارخص

**AshrafMetwally** · 05-05-2009 08:35 AM

شكراً يا محمد علي ردودك الحلوة

و الله بتنور موضوعي بردودك الحلوة دي

بس عايز أوضحلك نقطة صغيرة

صيانة التوكيل بتختلف تماما عن الصيانة برة خد عنك بقا

1- الي بيتعامل مع عربيتك بيبقي راجل محترف واخد تدريب شامل على كل الموديلات في التوكيل و علي أطلاع علي آخر المشاكل و أحسن الطرق لحلها
2- بتضمن أن العيب الي أنت رايح عشان تصلحة زال تماما و دة طبعاً حيوفر عليك أنك تاخد العربية و تروح تاني لميكانيكي عشان يظبطهالك
3-بتضمن أن الي شغال في العربية فاهم بيعمل إية يعني مش حيخرب حاجة و هو شغال في عربيتك
4- صيانة و أصلاح التوكيل بيدي قيمة أعلي لعربيتك و بيخلي حالتها أحسن و دة طبعاً حيعود عليك لما تنوي تبيع العربية أن سعرها حيكون عالي و الطلب عليها كبير
غير كدة بقا أن التوكيل بيدي ضمان علي الصيانة و الأصلاحات الي عملها و لو حسبتها حتلاقي أنها أرخص من أنك تعمل شغل عربيتك برة التوكيل

طبعا كل الي أتقال دة بيسري علي الوكيل و المراكز المعتمدة لأن مستوا الخدمه عندهم واحد و أسعار المراكز المعتمدة كمان بتبقي أرخص من التوكيل

أنا بس حبيت أوضح نقطة حسيت أنها كانت عاملة لبس عند ناس كتير و شكراً

**AshrafMetwally** · 05-05-2009 09:18 AM

أية يا شباب فين الردود؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟

**د.محمد** · 05-05-2009 09:48 AM

احنا متشكرين جدا بس استفسار بسيط هل فيه مراكز خدمة اخري تعرفها فى المنصورة

**AshrafMetwally** · 05-05-2009 10:15 AM

شكراً يا د.محمد للأسف المركز الوحيد الي أعرفة في المنصورة هو

مركز الدلتا المنصورة
و تقدر تتصل بيهم علي التليفون دة 0109332257

**mohaahmed** · 05-05-2009 11:35 AM

تسلم إيدك يا أستاذ أشرف

أنا بردو روحت هناك بالفرنا بتعتي كان عندي صوت خشانة في الموتور

روحت و كشفولي على العربية حتي المهندس الى هناك كان بيدور على الصوت بحاجة عاملة زي سماعة الدكاترة و طالع منها طرف حديد طويل حاجة كدة أول مرة أشوفها في حياتي حتي أنا سألتو إية دة
قالي دي سماعة عشان أعرف مكان الصوت منين من غير ما أفك حاجة

و فعلان طلعت المشكلة في بلية الكاتينة

المهندس قالي لازم نغير بلية الكاتينة و السير معاها عشان بدأ يتاكل و خطر أني أمشي عالية كدة

و بعد ما غيرت السير أختفي الصوت تماماً ور جع صوت الموتور زي زمان هادي على الأخر

انا قررت أني أعمل كل صياناتي هناك بعد كدة

**AshrafMetwally** · 05-05-2009 02:14 PM

شكراً يا موحا

و الحمد لله أن العربية رجعت زي الأول

**momomania22** · 05-05-2009 03:18 PM

طيب ،،، تمام جدا ،،، ان شاء الله اجربه في صيانة ال 50 الف
لأن اخر مرة كنت في مركز اوتو هاوس اللي في المنوفية ركبولي بوجيهات مرطبة
ورحت غيرتها ببوجيهات كورولا وشغالة زي الفل
وشكرا على الخبر
ودمتم بخير