الموضوع: أعطــــــــــال النيو النترا من مالكى السيارة

المشاركة الأصلية كتبت بواسطة alhamza

من الملاحظ انها عربيه تستحق بس مشكلتها الوحيده عدم وجود كماليات في عربيات الوكيل زيabs

عندك حق بدليل انتشار العربية الكبير وحتى هنا مفيش حد من ملكها طلع فيها عيوب بمعنى الكملة على عكس المتوقع كنتا لسة فى التوكيل النهاردة بردة على عكس المتوقع انى الاقى ناس بتشتكى من العربية بس مفيش كل الشكاوى الموجودة فى الصيانة كانت من الفيرنا بجد العربية ممتازة

المشاركة الأصلية كتبت بواسطة sameh.acc

الحمدلله انا مالك من ملاك الالنترا 2008 وعامل بيها لحد دلوقتى 14080 كيلو بس ظهرت معايا شوية مشكلات واللى بتتلخص فى الأتى :

# الدبرياج بيزيق وصوتة بيبقى عالى كأن مثلا سلك الدبرياج بيكحت فى حاجة بس اللى سمعته ان الدبرياج على ماستر مش سلك العيب دة مخلية العربية مش سلسة واما باجى اطلع بيها لاحظت انها لازم اكبس بنزين كتير شوية يعنى الاربى ام ميقلش عن 1500-2000 علشان متكركرش والاربى ام بينزل بسرعة بمجرد ما ارفع رجلى من ع الدبرياج وفعلا العيب دة مزعج العربية صعب يتطلع ع الدبرياج ومتكركرش والتكييف مفتوح و العربية السحب بتاعها حاسس انه بقى اقل من الاول مع ان العربية اسطوانة الدبرياج كويسة لو امركت بتأمرك كويس جدا والغيارات اخرها زى ماهو من بعد الصيانة بتاعة ال 10.000 وقبل ظهور المشكلة دية يعنى الاول 50 والتانى 90 وهكذا لكن كانت احسن قبل صيانة ال 10.000 حاسس انهم عملوا او قفلوا فيها حاجة العربية كان الاول بتاعها 60 والتانى 100 مقفل مش عارف اية اللى حصل فى السحب .

# الكلكس فعلا بقى صوته كوميدى جدا مش عارف ماله هخلية يغيروة فى ال 15000 باذن الله .

# الدركسيون اما بيعمل لوك مبيبقاش فى النص بالظبط بيبقى ملفوف سنة حوالى مثلا نص سم او 1 سم .

# الفرامل ماشاء الله عليها فعلا و ملاحظ ان التيل او الطنابير مش هتعمر .

# الاشارات مثلا بكون داخل منعطف بدى الاشارة مثلا يمين اما الدركسيون بيعدل بعد مالعربية تتعدل دراع الاشارات بيرجع لوحدة بيروح مدى سنة اشاره شمال او الاتجاه العكسى بس دية مش على طوول بس بتزعل الناس علشان بيفتكرونى بديهم يمين فى شمال وبشتمهم .

# الفتيس المارشدير بتاعة مكانش سلس فى الاول بس الحمدلله دلوقتى بقى مية مية الله اعلم طبع ولا مسأله تعود ههههههههه.

صيانة ال 15.000 حاسس انها هتبقى مهزلة لانها كدا كدا مجانية بس مش همشى باذن الله الا وكل حاجة من دول معمولة وهجرب قبل ما امشى جوه علشان يبقى فى ساعتها لو المشكلة لسه موجودة وربنا يستر :_alshmokh11:

المهم روح بدرى قوى واحجز قبليها بكذا يوم عشان تلحق تخلص اللى عايزة انا امبارح الراجل كان رقمة فى الحجز واحد ووصل 9 الصبح العربية خلصت 4 ونص ومكنش فيها حاجة غير الصيانة

المشاركة الأصلية كتبت بواسطة sameh.acc

كلام حضرتك صح يا استاذ بيشوى فعلا انا لازم اروحلهم من اول النهار خالصصصصص علشان ميهربوش منى ويقولولى سيبها لو هتاخد وقت او يقولى تعالى بيها بكرة وادب مشوار تانى للمركز بتاع قليوب ... ربنا يستر :(

هوة قليوب كمان كدة ده انا بتكلم على ابو رواش واضح ان الأتنين كدة بقى ههههههههههه

المشاركة الأصلية كتبت بواسطة sameh.acc

هههههههههه قليوب برضة كدا بس على خفيف بصراحة يعنى احسن الوحشين علشان الضغط عليهم مش كبير ويوم مبتحصل مشكلة بزعق واعلى صوتى وبدخل للمدير وبصراحة بيتفهم الأمر المشكلة مش من الاداريين هناك المشكلة من الصنايعية فيهم ناس بصراحة جهله خالص وبيعملوا مصايب والله مرة لقيت الصنايعى اللى شغال فى عربيتى بيغسل الموتور بمية وهوا نزلت طينت عيشته وزعقت راحوا غسلوه بفوم ببلاش هههههههه بس بصراحة الوحش فيهم قليل والاكتريه حلو يعنى مرة نزلت تحت واللى كان بيظبط الموتور كمبيوتر شرحلى بيعمل اية ع الجهاز راجل محترم جدا وزوق .

إيه ده دول اللى فى ابو رواش اصلا بيغسلوا الموتور اوتماتيك بالمية لو عايز تغسلوا بالفوم زود 20 جنية هههههههههه