لازم نتكلم بصراحه عن ال i 30

**Ghost2** · 05-05-2009 07:20 PM

السلام عليكم

واضح ان منتدى هيونداي من اكبر الاقسام اللي فيه اعضاء وناس بترد على المواضيع
لازم نتكلم بصراحة عن العربية دي (i 30) يعني اللي عنده معلومه سواء كويسه او وحشة يقولها عشان اللي بيبفكر يشتري يبقى استفاد برده بس لما نيجي نتكلم يبقى في حاجات كتير :
1- الموتور
2- العفشة
3- الصلابة
4- الثبات
5- الاداء على الطريق
6- الوكيل ومراكز الخدمة والصيانة
7- اسعار قطع الغيار
8- استهلاك الوقود
9- الراحة في الصالون

وانا منتظر الردود

وارجو تثبيت الموضوع

**Ghost2** · 06-05-2009 07:59 PM

ايه يا جماعه محدش عنده كلام عن العربية .. هو احنا بنتكلم عن هامر ولا حاجه
يا ريت اللي عنده معلومه يقولها

**Ghost2** · 07-05-2009 05:19 PM

هو كده الكلام كويس والعربية من وجهة نظر كتير من الناس كويسة اوي وان شاء الله هيكون في تقرير كويس عن العربية دي وانا خلاص تقدرو تقولو اني حجزت العربية وهديكو تقرير كامل عن الاداء والثبات ومش هقدر اقولكو حاجه عن الصلابه لاني بصراحة مش ناوي اعمل بيها حادثة :)

**fahd_628** · 17-05-2009 12:57 PM

العربية معايا يا باشا من سنة و حكلمك بصراحة

1- الموتور

ممتاااااااااز مع ان العربية معايا اوتوماتيك بس والله العظيم مفيش عربية 1600 عدت منى من الى جربت معاهم و الكيك داون بتاعها على سرعة 30 تحححححححححححفة و على سرعة 80 برضة

2- العفشة

ناشفة و غير مريحة بس الثبات حدث و لا حرج

3- الصلابة

مش فاهم قصدك اية بس لو على الصاج فهية ورق خالص :)

4- الثبات

ممتاز ممتاز ممتاز ممتاز الى اقصى درجة

5- الاداء على الطريق

ممتاااااااااااز و تحس بأمان كدة على الطريق و انك متحكم تحكم كامل بالعربية

6- الوكيل ومراكز الخدمة والصيانة

مش حفيدك اوى علشان انا من الأسكندرية

7- اسعار قطع الغيار

عادية زى الألنترا تقريبا

8- استهلاك الوقود

لو بتسوق بالراحة استهلاكها حلو اوى لكن لو بتجرى استهلاكها حيزيد جامد

9- الراحة في الصالون

الكراسى مريحة جدا جدا بس المطبات بتبقى صعبة شوية علشان العربية ناشفة بس لو الطريق مفيهوش مطبات العربية بتبقى جميلة جدا جدا جدا

و صحيح العربية واطية شوية و بالزات لو ركبت حد معاك بتحك فى اغلب المطبات