الموضوع: يعنى ايه دبل شيفت والنقل من غير دبرياج

انا حصلت معايا قبل كده
وكان معايا فيتارا
وسلك الدبرياج اتقطع
وعشان ادورها كنت بديها الاول
وادورها وهي واخدة غيار
تمشي لغاية ما تدور وهي عالغيار
وبعدين عشان اغير
احرق الغيار لغاية ما صوت الموتور يعلى
وادي التاني

وهكذا في التالت و الرابع
كل ده ومفيش دبرياج ولما كنت اقف بالعربية ابطل
انت فعلا ممكن تنقل من غير ما تدوس دبرياج
بس تفسيرها العلمي ايه معرفوش بصراحة

المشاركة الأصلية كتبت بواسطة KIA_SEPHIA_2001_K

انا كنت بتفرج على فديوهات لقيت حاجة غريبه اوى

دبل شيفت يعنى بيدوس مرتين ورا بعض على الدبرياج وبيقول انها مهمه

ممكن حد يفهمهالى وبالنسبه انى انقل من غير دبرياج على السرعات
هل ده خطر

الدبل شيفت أنا لا أعرف عنها حاجة
أما النقل من غير غيار زي ما عم مصطفى قال لك بالظبط
هو موش خطر طالما إنك لن تسعملها بإستمرار ولكن للضرورة فقط عند إنقطاع سلك الدبرياج فجأة أو كنت في مكان يصعب إصلاحه ( كنت أعرف ميكانيكي أحضر سيارة من الغردقة بهذه الطريقة )
وأنا شخصياً حصلت معايا والدبرياج إتقطع مني في شارع البحر الأعظم عند كوبري عباس وكنت عائد لمنزلي في حلوان ومشيت بهذه الطريقة لغاية ما روحت بسلام والحمد لله والطريف بقى إني كنت وقتها مبتدئ في القيادة ...

انا شفت الفديو ده http://www.youtube.com/watch?v=pI3cHXnGEx4 لل دبل كلتش اعتقد ملهاش لزمه انو يشيل رجله من على الدبرياج و يرجع يحطها ممكن يفضل دايس من اول ما يفك الغيار و يظبط ال rpm و لحد ما يسقط الغيار الاقل. والله اعلم ده رايى