أنا بصراحة أول ما أشتريت العربية شيلت الترموستات ورجعت ركبته تانى ومفيش أى فرق عالشان كدة بفكر أروح أشيله
عرض للطباعة
بص يا باشا أنا رأى قبل ما الصيف يدخل جامد تعمل صيانة لدورة التبريد بالكامل ولو تقدر تخلى حد بتاع رداتير يفتح الرداتير وينضفه من جوه يكون أفضل وفى ناس هتقولك كده هتبوظه بس عن تجربة شخصية يستحسن تفتحه وتنظفه
أنا لما فتحت الرداتير ونظفته من الداخل الحرارة فرقت معايا جامد.
ولو مش هتعمل كدة يبقى ممكن تغسل دورة التبريد فى أى بنزينة وتحط مياه خضرا وممكن تشيل الترموستات الداخلى
وتتأكد أن غطاء القربة تمام
وبعد كدة تتدخل على الصيف وأنت قلبك جامد:049:
وعلى فكرة الصيانه لدورة التبريد قبل الصيف تغنيك عن عطل فى ساعة ذروة بسبب الحرارة
فحاول تشيك على الدورة
كلامك تمام ياكينج باشا بس انا الحمد لله الحرارة عندي مبتعلاش خالص ودايما مظبوطة بس في مقابل الكلام دا بقيت بحس ان المروحة بتشتغل كتير عشان تحافظ علي المؤشر في المستوي المظبوط فهل دا بئي طبيعي عشان الجو اليومين دول بالذات بالنهار كاننا في شهر 7و8 ولا كدا يبقي عايز اشيك علي دورة التبريد زي مابتقول؟؟فهمت قصدي ياباشا؟
الى الزميل wkisho2005 يا باشا قلت لك ان كدة الدورة مظبوطه كدا تمام والعادى انا كل ما تسخن المروحه تشتغل وهكذا ولسه شغلها هيزيد اكتر كل ما الحرارة فى الجو تعلا
المهم بقى موضوع الترموستات مش موافق على شيله وسورى يا جماعه دى كدا يكون يخنى عجب الترموستات بيحافظ على الموتور وعلى مدة بقاء اطول بالاضافه الى ان الترموستات بيحافظ لك على درجة حرارة 90 ومتزدش اما لو زادت يبقى مشكله فى الدورة تتحل مش نسيب العيب ونشيل الترموستات واللهى دى وجهة نظرى
أنا مش فاهم أزاى الترموستات الداخلى بيحافظ على درجة حرارة 90 ومتزيدش
بس أنا أعرف أن الترموستات ده وظيفته كلها أنه بيقفل على الماء داخل الموتور عند بداية التشغيل عالشان المية تسخن بسرعة وبالذات الصبح وعند درجة حرارة معينة بيفتح وبعد كدة مبيعملش أى حاجة لدورة المية طول الأستخدام غير لما بتقف والعربية بتبرد فيقفل تانى وهكذا
وده بيكون كويس قوى فى دول الخارج فى درجات حرارة تحت الصفر
(يعنى ملخص إستخدامه كله بيسخن العربية بسرعة شوية الصبح)
لكن موضوع بيحافظ على درجة حرارة 90 ومتزدش يريت تشرحلى أزاى:U_thin1[1]:
انا معاك في كلامك الترموستات دة علشان يسخن العربية بسرعة واهميتة في فصل الشتاء اكتر علشان كدة لو لحظتو انة في العربيت الجديدة اوي مابتحتجش تتسخن مدة طويلة وفي ناس بتقول فيها نظام تسخيين اتوماتيك بس دة علشان الترموستات دة راكب في العربية ولسة جديد وشغال كويس لاكن لو عايز نصحتي هو مالوش لزمة قوي ياما كل فترة تغييرة مع عملية غسيل دورية لدورة المياة علشان مايعملكش مشاكل وخلي بالكوان دورة الغسيل دية مش للريداتير ولكن لدورة مياة المتور ودة لازم يتفككلة وش السيلندر و يتم الغسيل وتستخدم مية مقطرة في العربية او المية الخضراء او الحمراء او الزرقاء او اقتراح تستخدم مياة من فلتر بس بشرط يكون خمس مراحل علشان درجة نقاء المياة يكون عالي بس لازم تحت معها مانع للصداء
الصورة دى للمجموعة بتاعت ترموستات المياه للموتور الزيتيك الألمانى للفورد
لاحظ الأرقام:
http://www.geocities.com/archi_tipo/...thermostat.jpg
1- حساس الحرارة وده بيشغل المروحة لما الحرارة تزيد.
2- ترموستات الحرارة (وظيفتها المساعدة على تسخين المحرك عند بداية التشغيل warm up mode)
3- قارء الحرارة
___________________________________________
أ) لو عربيتك فابريكة خلى على كل حاجة موجودة وصح زى توصيات المهندسبن الألمان اللى صنعوا الموتور.
ب)لو العربية بتسخن جداً والمروحة مابتشتغلش شيل السلك اللى واصل للحساس (رقم 1) لو المروحة أشتغلت يبقى عيب فيه وغييره.
ج)لو المروحة ما اشتغلتش لما شيلت السلك يبقى تروح للمركز القريب أو الإتقاذ السريع 150جنيه مش خسارة فى موتورك.
د) لو عربيتك مافهاش الترموستات أصلاً، يبقى .......ما تشغلهاش (دماغك)
ملحوظة :
انا لما العربية بتسخن منى مببطلهاش لكن كل اللى بعملة انى بقف وانزل افتح الرادياتير او القربة على حسب العربية ، طبعا لازم تاخد بالك لأن المية هتكون بتغلى وهتفور .. ممكن تحط دواسة على القربة
بعد لما العربية تخلص نفخ المية المغلية ابتدى زود مياة وهتلاقى العربية بردت بسرعة
باختصار العربية وهيا دايرة هتكون دورة التبريد شغالة والعربية هتبرد على طول بمجرد ما تزود مياة بدل اللى هتفور
لكن لو بطلت العربية يبقى لازم تسيبها لما تبرد تماما ودة هياخد وقت لأن كل حاجة فى الموتور هتبقى سخنة حتى المياة هتكون بتغلى ولما تبطل العربية المياة هتفضل واقفة فى دورة التبريد ومحتفظة بدرجة حرارتها
مجرد وجهة نظر وجربتها كتير قبل كدة