هو ده حل كويس ممكن يناسب أنواع عربيات كتير
بس الفورد بتسخن ومنسوب المياه الخضرا فى القربة على Max
وعلى مستوى الفورد انا بلغت المعلومة بما يردى الله.
عرض للطباعة
هو ده حل كويس ممكن يناسب أنواع عربيات كتير
بس الفورد بتسخن ومنسوب المياه الخضرا فى القربة على Max
وعلى مستوى الفورد انا بلغت المعلومة بما يردى الله.
يا جماعه عموما انا عندى فى الفوكاس لو العربيه فضت ميتها العربيه على طول بتبطل اوتوماتيكيا وتقف دى موجود عندى فى الفوكاس ودى ميزه متلقيهاش فى عربيات تانيه كتير ودى بيحمى عربيتك من قصة جوان وش السلندر الفاشله
الميزة دى فورد كانت عملاها من زمان فى المونديو الجيا، ان المياه لما تقل تنور لمبة فى التابلوه
فعلا صدق اللى قال انها عربية بشوات فعلاً
طبعا الفورد عربية بشوات
و مينفعش يركبها غير حد بيفهم و بيقدر يعني ايه متعة السواقة
و موضوع المياه الي كان اخ قال عليه انه يزود مياه في القربة ده مينفعش مع نظام التبريد في الفورد
يعني ممكن تكون القربة على الماكس و العربية تسخن و في الحالة ديه بيكون فيه مشكلة في دورة التبريد و بالتالي لازم تبطل العربية
و تسيبها تبرد و مش هاتاخد اكتر من 10 دقائق و تقدر تمشي بيها لحد اقرب مكان صيانةو برده لو المياه زادت في القربة ده يخلي العربية تسخن جامد
علشان تبريد الفورد بيعتمد على دورة مغلقة للمياه و الهواء و المروحة بتشتغل متاخر عموما بس العربية مش بتوصل للمؤشر الاحمر
السلام عليكم
عندى عربية فورد ايسكورت 1300 موديل 98، العربية ماشية تمام والموتور كوبس أوي ومش بتسخن خالص. أو ما أشغل التكييف فى وقت الظهر تبتدى العربية تسخن والحرارة تعلى !!!!
غيرت المية وحطيت ميه زرقاء برضة مافيش فايدة، نظفت الرادياتير برضة مش عارف ايه السبب !!!!
رحت لواحد بتاع تكييف فى الحرفيين قاس لى الضغط فى دورة التكييف، قاللى الدورة فيها سدد عامل ضغوط عاليه فى دورة التكييف ولازم الفلتر والايكسبينسيف لازم يتغيرو والدورة تتغسل وتتسلك
واحد تانى قاللى الدورة مش مسدودة ولو كانت مسدودة مش هيجيلك تبريد، العربية فعلاً فيها تبريد بس بتسخن !!!
مش عارف اعمل ايه؟؟؟؟؟
http://www.nilemotors.net/Nile/nile/misc/progress.gif
طبيعى الفورد فى الحر تسخن لانها مواصفات أوروبى بس المهم ان الحرارة ماتزيدش عن بعد النص
هل الفوكاس الجديدة بتسخن فى الصيف والحرارة الشديدة ولا الكلام دا مبقاش موجود فى الموديلات الجديدة
المفروض يكون فيه اتنين مروحة علي الريدياتير و السربنتينة بتاعت التكييف
و فيه عربيات بيكون فيها مروحة واحدة بتشتغل سرعتين سرعة عادية للموتور و سرعة اعلى
لما التكييف يشتغل انت من الواضح ان مشكلة السخونة عندك بتحصل لما تشتغل التكييف بس
يبقي انت محتاج تشوف العربية عندك مروحة ولا اتنين و هل بيشتغلوا كويس الاول ولا لا
و لو مش شغالين المراوح في الفورد بيتغيرلها موتور لو اتحرق و ممكن يكون سلك محروق هوا الي معطلها
و انشاء الله تكون حاجة بسيطة
طيب ديه بتتباع منين وبكام واعملها فين ... وهوه المقص بيجى بالجلب ولا اجيب الجلب لوحدها ..
بصراحه اول مره اسمع عن التنضيف اللي بيتفكله وش السلندر ده!! و كمان بيتحطله ميه فلتر!! يا باشا الكلام ده مش معقول طبعا.
الترموستات مش بس علشان وقت التسخين الصبح. ده علشان يحافظ على درجه حراره الموتور في مدى حراره التشغيل. يعني مثلا لو ماشي على طريق سريه و الهواء ضارب في الريداتير درجه الحراره هتنزل جامد لو مفيش ترموستات. لو الحراره نزلت زياده العربيه تستهلك بنزين اكتر و سحبها يقل