مصر ... افتكرك بإيه يا بصلة
عرض للطباعة
مصر ... افتكرك بإيه يا بصلة
البصلة قد تسبب الدموع أثناء إعداد الطهي لكن لا غنى عنها للطهي
طبعا بحب مصر :w6266d
و هيا ذنبها ايه يعني:11:
العيب فينا كلنا :H_angry[1]:
بس مع توزيع الخطأ بنسب متفاوتة علي المصريين كلهم
بحبها و هأفضل أحبها لغاية ما أموت....
بكرهها وهافضل اكرهها لحد مااموت....
والحكومة ...والمرور ...والاسعار .......والغباء هو السبب....
بس بردة احيانا بتجنن وبحبها.......
هو مافيش شعوب تانية حقها ضايع في بلدها غيرنا والا ايه ؟!!!
بس هي بلدهم برضه
وبعدين ده حب لبلد , حكاية الحقوق ده حاجة تانية
أنا بعتبر الفلسطيني الحقيقي هو اللي استحمل و قعد واضل و كمل وده مثال مش تطرق للموضوع
والحمد لله على نعمة الوطن
يا روضت .......بصى يا ستى.........
لو اللى بيحصل فى البلد بتاعتنا بيحصل من حد غريب كان ماشى كنا ولعنا فيهم.............
وخربنا الدنيا ........
لكن احنا بيتضحك علينا مننا فنا.........فاهمانى ............
لازم تبقى فاهمانى يا روضت ......
على فكرة جميلة قوى الصورة بتاعة التوقيع......
روضات
بيحصل في كل حتة
وخلاص , بنحبها full stop
اخيرا لقيت بارقة امل وحد لسة متفائل
بحبك يا مصر هفكر فى الايجابيات واقولك بس انا قولت احييك عالموضوع
بلادي وإنْ جارت عليّ عزيزة..... وأهلي وإنْ ضنّوا عليّ كرامُ
من الاخر كده مصر مش بد المصريين اللي بجد
دي بلد الحراميه والنصابين والرقاصات والمغنيين
عزبه ابوهم
حين يختفي الشعور بالعدل والمساواه تختفي شعور الوطنربنا يتوب علينا منها
معرفش بس بيتهيألى ولا بحبها ولا بكرها بس عايز اسبها واسافر يبقىة اكيد مبحبهاش
و الله الكلام كتير اوى بس يودى فى داهية (الحرية و الديموقراطية )
نفسى اهاجر و اسيبها
مفيش امل مفيش فايدة
بعد المشاركه دى
ده مايمنعش انى اقول ان فى حاجات كتير غلط فى مصر
عشان انت مصرى لازم تعانى
وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغانى
بتاع الحضاره وكانى ومانى
ده كله هجايص مايدخل ودانى
عشان انت مصرى العذاب بيناديك
بتبدا فى يومك حاجات بترازيك
فى نومك فى قومك تعكنن عليك
تضايقك ولسه العماص فى عينيك
مافيش ميه تشطف صابونه فى ايديك
وجسمك ملزق وريحتك عاديك
فتلبس وتنزل وفيك اللى فيك
ورايح لشغلك حتحتاج مواصله
ادى المترو واقف وكهربته فاصله
وفى الميكروباص خناقه وحاصله
اوتوبيس فرامله عايزالها وصله
وتوك توك ده تايه ومحتاج لبوصله
بتوصل لشغلك بدم اتحرق
فى زحمه وكتمه وحر وعرق
رئيسك سايبلك كومه ورق
ده غير دمغه ضايعه وملف اتسرق
وفى كام مواطن عامللك قلق
بيشكى تقول له روح اندعق
وعركه وهوجه وشاى اندلق
ومخك خلاص من الصداع اتفلق
هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تهاتى ياناس اتهريت
ولاحد سامعك مهما هاتيت
عشان انت مصرى وده للاسف
فلازم تاسى تعيش تتقرف
وكل الاساسى فى حياتك ترف
فتنسى الكرامه وتنسى الشرف
وتسرق وتنصب او تنحرف
ودمعك بيجرى وجرحك نزف
مش انت اللى مصرى؟؟؟ جتك القرف
بصراحه الراجل ده بيعجبنى كلامه جدا :stink[1]:
كل واحد دخل الموضوع ده يجهز شنطته ويودع اهله وانا معاكم
كفايه توقيعي
اسمحلى اقول لحضرتك ما هى مصر 2009 :
* الغنى بس هوا اللى عايش
* الفساد و الغباء فى كل مكان
* تفشى السرقه و القتل و النصب و المخدرات بطريقه غير طبيعيه
* الحكومه و الشرطه ما بتدخلش غير فى القضايا الكبيره بس غير كده سايبين الشعب ياكل بعضه
* اكل و شرب الله اعلم ما به من مواد مسرطنه و ضاره
* الأف المرضى لا يجدون العلاج فى المستشفيات الحكوميه
* ارتفااااااااااااااع الأسعار دون مبرر سوى جشع التجار و الصناع
* اخفاض متوسط الدخل للفرد
* ملايين الشباب عاطلين عن العمل
* مفيش صناعه الموجود كله تجميع فقط ومعظمه استثمارات اجنبيه
* مفيش زراعه
* بنستورد كل حاجه دلوقتى تقريبا
* مفيش ابحاث علميه
* مفيش تنميه للمهارت و العقول البشريه ان وجدت
* انعدام النظام تماما
* انحصار الأخلاق و القيم
كفايه لحد كده لحسن انا عندى كلام لو قلتوا هيملا كتب دا غير انكوا احتمال متشفونيش تانى :C_laugh[1]::C_laugh[1]:
حسبى الله و نعم الوكيل فى اللى خلوا حال البلد يوصل لكده
انا هاقول الي هاقوله ورزقي علي الله
هي مصر مالها يا جماعه بالموضوع اصلا عايز كل واحد بيكره مصر ينزل بعد الساعه 1 و يمشي فيها اتفرج بجد علي الجمال و الشوارع و الزرع الي مزروع في الجزيره الي في النص وياسلام لو نزلت وسط البلد ومشيت علي رجلك او بالعربيه و اتفرجة علي المباني القديمه هناك بجد شكلها تحفه انزل اي مكان في مصر هتلاقيه جميل بجد بس بليل عارفين ليه بليل علشان الناس كلها نايمه في بيوتها و العربيات كلها ركنها ماشي لوحدك و بتستمتع بالشوارع بتاعة البلد وبتشم هواء نضيف
عكس كده طبعا الصبح او بعني اصح في الظهر هتلاقي مالا تحمد عقباه التكسيات و اتوبيسات و ميكروباصات و عربيات و ده بيشتم في ده علشان ريح عليه او كسر عليه الاتوبيسات بترخم علي الملاكي و التاكسي وسب ولعن و نرفزه و شتيمه و زعيق
و طبعا كل ده و كمان الحكومه و الي ماسكينها كل واحد عايز ينهب و يسرق و يفضل قاعد علي الكرسي علشان يلم اكبر قدر ممكن من الفلوس الي للاسف بيلمها من الي زيه من الناس مش مهم الناس ديه خالص المهم يقلب و حط تحت يقلب ديه مليون خط يقلب في المصالح الحكوميه وفي كل مكان المستشفيات و كل مكان ممكن تتخيله تفتح مخك مصلحتك تمشي غير كده اركن و اقعد علي جنب و استني دورك يا سيد يا محترم .
شفتوا مصر ازي بليل و شفتوا مصر ازي الصبح هي هي بس الي غيرها ايه ناسها و سكانها مصر ديه لو مكانش فيها خير كان زمنها خربت من زمان اوي رغم النهب و السرقه الي فيها رغم كده مصر ليسه هي مصر خيرها فيها و كفاية انها ذكرت في القران و ربنا يبركلنا فيها يارب و يحميها و يهدي ناسها و حكومتها الي هي السبب في كل الكره الي موجه لمصر وهي للاسف غلبانه و مسكينه
وبحب اوجه شكري طبعا لكل الناس الي بتحب مصر و بقول للي بيكره مصر يفكر تاني ايه زنب الارض الي اسمها مصر قلي عملتلك ايه ده لو هي عملت فعلا فيك حاجه مش الناس ولا الحكومه
انا بحب مصر وبعشق ترابها الزعفرانى؟؟؟
حد شاف حلقة عمرو اديب امبارح يا جماعة !!!!!!
أنا بحب مصر اللى قرأت عنها مش اللى شوفتها
من واحد عايش برة مصر
انا بحب اهلي اللي في مصر وبس
وعلى فكرة انا اخترت الإختيار الأول عشان خاطر اهلي وبس
ولو مليش اهل فيها اقسم بالله العظيم ماهرجعلها ابدا ولو حتى زيارة
كفاية الشحاتة والبلطجة اللي بقابلها في المطار اول مابوصل
وساعات بحسد ناس انهم من جنسيات تانية
وكان في توقيع من احد الأخوة كان عاجبني
(لو لم اكن مصريا لارتحت نفسيا)
ان الإنسان يكون مصري فده اصبح ابتلاء من ربنا وربنا يعيينا عليه
وإذا كان العراقيين والفلسطينيين شعوب منكوبة كفاية بس كفاية ان في بعض ناس في العالم بتتعاطف معاهم
واحنا كمان شعب منكوب لكن محدش متعاطف معانا ولا بيحترمنا. المصريين محدش بيحترمهم غير عشان التاريخ القديم للبلد اللي اصبحت البلد ماتستاهلوش دلوقت للأسف
وشكرا
انت سؤالك فى الموضوع
انت بتحب مصر ؟
الاجابه
نعم احبها
السبب
علشان ماعيشتش فى بلد تانيه
اكيد فى حاجات كتير ضايقتنى وحاجات كتير عجبتنى
بس اتعود دايما اشوف النص المليان من الكوبايه
(مايعرفش قيمه الام الا اللى جرب مرات الاب)
لما اعيش فى بلد تانيه اكيد هاقدر اجاوبك ان كانت البلد دى حلوه ولا وحشه
بس مافيش النيه بصراحه
يعنى ايه مصر
إحترس من العقوبات
ل ف م 2
بحبها رغم كل حاجه
ومقدرش فعلا ابعد عنها ورافض فكره السفر لاي بلد اخر
ليه معرفش بس بحبها جداااااااااا
أكيد مين مبيحبش بلده مهما كان في بعض العيوب
والعيوب دي مننا مش من البلد
كل واحد مجروح من البلد دي ... عنده ألف حق
لكن مش ذنبها ... ولا بإيديها ... مفيش أرض وحشة من صنع الله
إللي عايشين فيها هما إللي بيخالوها يا وحشة يا حلوة
عشان كدة بلاش نظلمها ... وتعالوا نتعلم إزاي نحبها .. وإزاي نحليها
وإزاي نكون حلوين في عيون بعض
وكل واحد بيعمل سيئة يمنعها عن البلد دي
بلاش تشتم
بلاش تبلطج
بلاش تسرق ولو بالقانون
بلاش نكسر على بعض
بلاش نتعالى على بعض
بلاش قسوة
بلاش نرمي القمامة في الشارع
بلاش ضوضاء
بلاش نإذي ... ولو بالنفوذ
بلاش نعاكس حد
بلاش نقسى على الفقرا ونستخسر فيهم العيشة
بلاش نبخل على الله
بلاش نتهرب من التزاماتنا
بلاش ياللا نفسي
بلاش معلش
بلاش ماليش دعوة
بلاش خالينا في حالنا
بلاش وأنا مالي
بلاش نغضب ربنا
بلاش نقلد تقلييد أعمى مايناسبناش
وأخيرا ... بلاش تعليق محبط على كلامي ... هههههههههههههه
انا متفق تماما معاك يا استاذ بدري.
انا بكل شبم واسف بكره الباد دي كره العمى
هي دي مصر :_Alshmokh23[1]: جميلة مش كده
وانا في بيني وبينها :lovlie02[1]:عشق
ومقدرش ابطل :ma(36):احبها
لانها جميله الجميلات