يلا نقول تاني
بتحب مصر ..؟
عرض للطباعة
يلا نقول تاني
بتحب مصر ..؟
بعشق تراب مصر بلدنا واتربينا فيها وكل حياتنا وذكرياتنا بحلوها ومرها فى كل حتة فيها
[youtube]http://www.youtube.com/watch?v=_WcNxHnitTw[/youtube]
كم أعشق مصر , وكم اكره كل من يفسد فيها
انا رأيي مصر أصلاَ حالياَ ميفرقش معاها تحبها ولا تكرها .
إحنا ضيوف في البلد يا جماعة .
بتحبها .. أهلاَ و سهلاَ .. و الكبار هيعملوا اللي هما عايزينه .
بتكرها .. و ماله .. عض في الأرض .. برضه هيعملوا اللي هم عايزينه !
هما عايشين في "بلدهم" و سايبنلنا الحب و الكره .
العيشة فى مصر زى اكل الشارع، طعمه مفيش احلى منه بس كتره يوجع البطن
بس مع كدة بحبها وبموت فيها ، محنا كلنا عارفين بلاوى اكل الشارع ومع كدة بنسيب اكل البيت الصحى وناكل اكل الشارع اللذيذ
بص انت لما تكون بره مصر وانت راجع فى الطياره و لما يجى عجل الطياره يلمس الارض تحس ان رجلك هى اللى بتلمس الارض
تفتكر ده ايه
ولما تاحد شنطك وتخرج من باب المطار وتحس ان نفسك تسجد لله شكر انك رجعت وتبوس التراب اللى على السراميك
تفتكر ده ايه
العب مش فى البلد العب فينا احنا
فى سؤال لازم نساله لنفسنا قبل ما نجاوب على سؤال الموضوع دا
انت لو بتكره مصر اسال نفسك بتكره البلد ولا بتكره السيستم اللى فى البلد
فكر فى اى حاجه بتكره بسببها مصر هتلاقى ان السبب فيها اشخاص مش البلد
مخنوق من التلعيم من الزحمه من الاسعار من ظروف اقتصاديه من قلة عدل من عدم مساواه ... دى كلها مشاكل السبب فيها مش البلد السبب فيها أشخاص هما اللى مش عارفين يخططوا عشان يلاقوا حل يطوروا التعليم يظبطوا الاسعار والحاله الاقتصاديه
لكن البلد ارض ونيل وصحرا وناس طيبه فى قلب القرى جوه هى دى مصر اللى لازم تحبها
عمر مصر ما كانت شويه اشخاص دماغهم اتحجرت من سنين فجابوها لورا
اسال نفسك الكام سؤال دول وقلى
المفروض انى اكرهها ولا احاول ارجعها مصر اللى المفروض احبها
واياك تقلى هو انا هغير الكون
لا ابدأ بنفسك الدنيا هتتغير فى يوم من الايام
كلام ممكن كتير يقولوا عليه كلام فلسفه ونظرى بس دا اللى انا حاسس بيه وشايف انه واقعى جدا
بمووووووووووت فى مصر معارفش لية بس بحب اتمشى على الكورنيش من اسكندرية للقاهرة لسوهاج (بلدى بس مارحتهاش من زمان ونفسى اروحها قريب ) وبحب اسهر فى البلكونة اتفرج على زحمة الشوارع بجد احساس جمييل
جيه الوقت اللي ارجع واسألك تاني ...
بتحب مصر..؟
انا بتكلم على البلد من الحكومة
http://www.copts.com/arabic/images/s...EgyptFlag1.gif
بخاف عليها .. بس هش مابتخافش عليا ..
مقدرش حد يمس كرامتها قدامي .. وهي مش عاملة حساب لكرامتي ..
غالية اوي عليا .. بس انا مش غالية عليها ..
بحب مصر .. بس مصر مابتحبنيش ..
أنا شايف ان حب البلد اللى الواحد بينتمى ليها شيء طبيعى والمفروض انه يكون بديهى. حال البلد مسؤليتنا احنا واذا كان النظام اللى بيحكمنا سيء فاحنا برضه اللى مسؤلين نغيره ونحصل على الديموقراطية والكرامة والتقدم بايدينا.
ازاي يا جماعة 25 % من المصريين مابيحبوش بلدهم . دي كارثة
2- بما انك داخل على منتدى سيارات فده معناه انك عندك عربية - او بتفكر تمتلك عربية... يعني اكييد بتشتغل شغلانة كويسة ممكن توفرك تمن العربية... دليل برضة على ان الحال ميسور والحمدلله.. ربنا يزيد ويبارك... قول امين..
استاذ رافى الكلام دة مش صحيح انا مثلا بحلم بعربية من وانا عندى 8 سنين وعمرى ما امتلكتها ومتأكدة انى مش همتلكها علشان انت اكيد فى مصر
انا صوت انى مش بحبها ولياا اسبابى
بأختصار انا ملقتش منها حاجة كويسة لا علاج ولا شغل ولا فلوس ولا معاملة ادمية ولا ايى حاجة
شفت فيها بلطجة حرقة دم كلاب بتمص دمك بدون ما يحسوا بالملل
انا قريت كلامك قبل كدة وصدقنى محسيتش بحاجة للاسف
لو لا قدر اللة لو حصلت حرب مين الى حيحارب مفيش غيرى والى زى اما الاغنية الى لاجئين فى بورتو مارينا لا طبعا كنت شفت برنامج قبل كدة كان مستضيف ناس فى مارينا المهم
الشباب بيتسئلوا عن الوطنية الى قال انا مليش دعوة بالحاجات دى طب سئلوهم لو مصر حاربت هتحارب علشانها الاجابات الجميلة بقا تسمعها (انا لو متجوزتش ححارب لو اتجوزت مش هينفع اصل الاخ طالع رحلة )يعنى اجابات من هذا القبيل تفتكر انى اروح اموت نفسى علشان الشبابوالناس الهايفة دى تقعد تمص دمى فى وقت السلم والحرب اروح ادافع عنهم علشان يعرفوا يرجعوا فى سلام مظنش اما الجيش هو فايدتة انو يعلمك انك زليل ملكش قيمة مهما عملت بدون سبب الشرطة الى بتضرب الشعب اسف الى بتخدم الشعب الحمد اللة مشفتش منهم اى حاجة حلوة ومش عايز احكى على الى بشوفة
بقول اية كفاية كدة وامانة عليكم ابقوا زورونى فى السسجن ان عرفتم مكانى فى انهى معتقل او لو ممتش موتة غامضة (اسف يا مصر ) سلام
قريت من عضو قبل كدة معنى كلمة وطن الوطن هو المكان الذى تجد فية كرامتك وادميتك
ياراجل دة الخدامة الفلبينة فى السعدة ليها قيمة عن الطبيب المصرى دور على خدامة فليبينية فى السعودية بتتم اهانتها لية عندها سفارة تقلب الدنيا لكن طبيب مصرى مش مهم هى اساسا بلدهم مش محترماهم هنحترمهم احنا ياراجل ارحمونا بقا سفارات ملهاش اى لازمة غير يقبضوا فلوس ومناصب وبس وشكرا للجميع هتوحشونى اوى انا ابتديت اخاف بجد
يا جماعة البلد دي بلد التناقضات
منكرش اني لما بسافر برة والله العظيم بتيجي عليا اوقات ببكي من شوقي للناس اللي فيها للمكان اللي اتربيت فيه
وذكريات زمان
بس اعتقد الحاجات دي ماهلهاش علاقة دي مصر ولا مش مصر يعني لو انا من اي حتة تانية هحس نفس الاحاسييس
زي كدة هديكم مثال قوي شوية
انت بتحب امك ليه ؟؟
اجابتي (عشان هي امي ) ممكن لقدر الله امك تكون ست مش كويسة بس في الاخر هتلاقي نفسك بتحبها -عشان هي امك- فقط لا غير
حاجة كدة ربنا خلقها فينا
فممكن نقول انا بحب مصر غصب عني
لكن مخنوق من حاجات كتير فيها
ابسط حاجة ان والدي كان عقيد في القوات المسلحة
لما كان بيوقفه لجنة ولا حاجة بيطلع الكارنيه وبيعدي !!! زي كتير من الظباط يعني
و في نفس الوقت لما جيت اطلع الرخصة سابني اطلعها لوحدي من غير مساعدات (مع انه طلع رخصته وهو اعد في المكتب ) !!
شوفته التناقدات؟؟
عارفين البلد دي ايه اللي جايبها لورا؟
الناس اللي فيها احلى ناس يتكلموا (مثال والدي) خلاني اطلعها من غير ما يساعدني لكن لما الحاجة تتعلق بشخصي انا يبأى مشي حالك واطلعها بعلاقاتي (كوسة) و (وواسطة) و (شاي بالياسمين)
بس زي ماقولت احلى ناس تتكلم احنا
واديني كلام من هنا لمليون سنة قدام
ومفيش حاجة هتحصل برضو :)
اسف بأى احسن حسيت ان كلامي مش مرتب خالص
مصر حبيبتي .. اضمأني لن اترك وسأظل بجانك في محنتك
أضمأني فأولادك يحموكي - وهم اقوياء يستطيعوا ان يردوا اي شر
حبيبتي انت في قلبي يحميكي صدري وفداكي دمي
احبك من كل قلبي .. وانا عند وعدي لن اتركك ..
انا مش عارف جنت الكلام ده منين بس ده اللي انا حاسس بيه