افيدونى فى ميجان 2005

**vwlover** · 07-05-2009 06:06 AM

معلش يا جماعة انا عايز راى خبراء الميجان فى سعر عربية ميجان 2005,انا بصراحة افهم فى الفولكش بس والعبية الميجان دية لواحد عزيز عليا اوى,العربية سودة فابريكة بة وجوة صيانة فى التوكيل,كاملة اوتوماتيك,طارة ملتى اكشن,ماشية 140 الف كيلو,بس انا عارف صاحبها كل مشاويرة سفر لشرم الشيخ,والعبية بوية المصنع برة وجوة,المهم هو طالب 70 الف جنية,العربية حالتها ممتازة بصراحة,المهم السعر دة مناسب فى الوقت دة ولا اية,وبعدين انا سمعت انها بتعدى السبعين,على فكرة العربية من غير فتحة سقف :b4_611:ومستى ردودكم يا جماعة

**Ahmed Selim** · 07-05-2009 10:05 AM

السعر معقول بس لازم العربية تكشف عليها فى التوكيل

كشف التوكيل ب 330 ميكانيكا و كهرباء
أو 550 ميكانيكا و كهرباء و سمكرة

رقم التوكيل 16202

**TOOLA** · 10-05-2009 10:08 AM

يا جماعة مش كتير شوية 140 الف كيلو, الميجان ال الاستعمال كتير, و ناس كتير فى المنتدى جايبة عربيات ماشية 50 و 60 الف كيلو بالكتير.

عموما فى ميجان بتاعة زوجة صديق ليا, موديل 2005 ماشية 50 الف كيلو, صيانة بالتوكيل, أتوماتيك, و أعتقد فابريقة بره و جوه, على 72 الف ج, لو تنفع معاك كلمنى, هبعتلك الرقم على الخاص.

**Ahmed Selim** · 10-05-2009 10:27 AM

الأوروبى كله يا باشا بيعمل كيلومتر عالى عادى جداً لأن قطع غياره معمرة

**Amr_Moh** · 10-05-2009 12:13 PM

سعر معئول لو الحالة تمام بس رأي تشوف حاجة ماشية أقل شوية

**osaly71** · 01-06-2009 06:29 PM

المشاركة الأصلية كتبت بواسطة toola

يا جماعة مش كتير شوية 140 الف كيلو, الميجان ال الاستعمال كتير, و ناس كتير فى المنتدى جايبة عربيات ماشية 50 و 60 الف كيلو بالكتير.

عموما فى ميجان بتاعة زوجة صديق ليا, موديل 2005 ماشية 50 الف كيلو, صيانة بالتوكيل, أتوماتيك, و أعتقد فابريقة بره و جوه, على 72 الف ج, لو تنفع معاك كلمنى, هبعتلك الرقم على الخاص.

يا ترى العربية لسة موجوجة ولا اتباعت ، انا عايز اشترى واحدة ميجان هاتشباك ، يا ريت تكتبللي مواصفات العربية و حالتها و السعر النهائي و طبعا رقم التليفون

شكراً

**osaly71** · 01-06-2009 06:29 PM

موجودة *

**TOOLA** · 02-06-2009 12:13 AM

osaly71 , هكلمهولك يا باشا الصبح ان شاء الله و أسالهولك بعها ولا لاء, بس هيا سيدان مش هاتشباك, و رقمى هبعتهولك على الخاص.

بالنسبة لموضوع الميجان الماشية 140,000, أنا مش معترض بس ليه اشترى عربية ميجان ماشية كل ده, و السوق مليان ميجان ماشى أقل من 60,000 و حالات زى الفل.