التريوس 2WD معناها إيه دفع خلفى ولا أمامى....حد يفيدنى

**ابوحميد** · 29-09-2007 03:55 AM

الملحوظة الاولى للاستاذ كيشو
العربية فعلا جر خلفى و دا انا متاكد منه(عربيتى وعارفها ) لانه مكتوب كدا فى المانيوال+العربية بكرونة خلفى+العربية مرة غرزت فى رمل ولما قرصت عليها الكاوتش الورانى قعد يأمرك وطلع غبار
بالنسبة للاستاذ سمسم
فعلا العربية التريوس صوتها اعلى من الكورولا بس مش للدرجة المزعجة يعنى
بمعنى انى لما بسمع صوت الموتور بحس انه صوت مش مزعج بالعكس دا بيدى احساس بقوة الموتور+لما تركب التريوس عشان العربية عالية بتدى احساس بانها 4w عشان العربية عالية فاعتقد انه من المناسب ومش شىء غريب انه تكون العربية صوتها اعلى من عربية سيدان
لكن عشان الموضوع مياخدش اكتر من حجمه العربية مثلا صوتها وهيا واقفة واطى لدرجة انى ساعات بنسى انها دايرة وبكون فاكرها مطفية لكن بصراحة لما تشد صوتها بيعلى لكن لما تقفل القزاز مش بتحس ابدا ان صوت الموتور عالى يعنى عزلها كويس لكن ارجع واقول مش زى الكوروللا
بالنسبة للتكيف فعلا انا حاسس ان التكييف عندى مش كويس على 1 و 2
لكنه كويس على 3 وكويس جد على 4
بس مش بياثر على السحب خالص
دا انا لما بسافر واشغل التكييف او حتى جوة البلد لما بشغله يدوب بحس ال rpm اتهز هزة بسطة وبعدها يرجع زى الاول يعنى مثلا لو كان على 2.5 يترعش حاجة بسيطة اوى ممكن متاخدش بالك منها وبعدها يرجع 2.5 لكن الرعشة دى مش معناها انه يوصل ل 3 rpm
قبل اخيرا التكيف مش بياثر على السحب نهائى
اخيرا عربيتى اللى بتكلم عنها 2w manual
وشكرا للى عنده صبر يستحمل كلامى ويقراه

**Semsem** · 29-09-2007 10:10 AM

شكرا أ/ ابو حميد علي الرد و التوضيح

**Semsem** · 29-09-2007 10:13 AM

معلش تسيت اسال علي الاضافات الي ممكن تركب علي السيارة و اسعارها (زي الديفندر: عتب:.....)
عندك معلومات عنها؟؟؟؟

**ابوحميد** · 30-09-2007 04:02 AM

لا والله يا سمسم بيه معنديش معلومات عنها
بس انا سالت فى التوكيل الدفندر تمنه كام قالولى حوالى 3 الاف جنيه بس مش متاكد لانى سالت الراجل اللى فى المعرض وهوا قاللى اتاكد من قسم قطع الغيار وكنت مستعجل فمقدرتش اتصل
ومعايا نمرة مركز خدمة العبور وهيا 0129122554
لو عندك معلمومات ابقى شاركنا بيها

**ragea Abdoo** · 30-09-2007 03:36 PM

عربيتى تريوس 2wd ناقل عادى
وبعد الاستلام ركبت الدفندر اماوى وخلفى وعتب بــ ٣٤٠٠ج وهو الحجم الوسط وهناك ثلاث اشكال والاختلاف بينهم فى الجزء الامامى فقط على حسب مساحة الحماية وركبت جنوط اسبور الجنط الواحد بــــ ٧٠٠ ج وانذار وسنتر لوك ٥ باب بـــ ٣٤٠ تقريبا وغطاء جلد للاستبن ١٢٥ج وفرش جلد داخلى اصلى ٤٤٠ج ودواسات ارضية بـــ١٧٠ ج والغريبة ان العربية بتأخذ ٣ لتر زيت فقط

**ابوحميد** · 01-10-2007 04:56 PM

ا/رجائى
هوا الاسعار اللى انت كاتبها دى فى التوكيل ولا برة؟
اصلى لما سالت عن الانذار والسنتر قالولى 700
والغطا الجلد قالولى 300
والدواسات دى ركبتها فى التوكيل ولا برة

**أبو عبدالله** · 01-10-2007 05:30 PM

لا في التوكيل يا ابو حميد

الأنذار فعلا انا فاكر انه بــ 330 جنيه تقريبا
اما السنتر فلا اعرف

اما الغطاء الجلد فلو لاقيته بالسعر ده وانا لا اظن ذلك اطلبه من توب كوفر ايجيبت WWW.topcoveregypt.com

والدواسات ممكن تشتريهم من الخارج احسن علشان في التوكيل هيتحسب عليك ضريبه غير ان سعرهم بيبقى زايد عن بره وخلي بالك ان ده اكسسوارات مش شرط تبقى اصلي لأن مفيش دواسات اصلي غير القماش وهيا عندهم فعلا اما الجلد فبتبقى زي الخارج