أنا حاسس انى راكب عربيه تانيه غير التريوس اللى انتوا بتتكلموا عنها

**for_ever** · 12-05-2009 01:28 PM

المشاركة الأصلية كتبت بواسطة Mohamed said

ححاول اجرب اللى انت قولتوا يا استاذ ضياء 2008 و يا ريت

يكون هو ده السبب( ان العيب فيا انا ) اهو ممكن اغير من نفسى

لكن العربيه اعتقد انها صعب تغير من نفسها

.

يا ريت تقولنا يا استاذ محمد بعد ما جربت تدوس براحة علي دواسة البنزين ايه اللي حصل معاك

**Imhotep** · 12-05-2009 01:35 PM

انا اصلا من النوع اللى دوسته على البنزين خفيفة و متدرجة، و حاولت اركز معاها زى ما قال اخونا العزيز و محستش بفرق يذكر......

**aboomarr** · 13-05-2009 03:25 AM

سلام عليكم ورحمة الله وبركاته
اول مشاركه ليا لان الموضوع شدنى جدا لان اليومين دول بشترى عربيه فنفس حدود التريوس وبودع عربيتى الشاهين --- امبارح خرجت بتريوس Glx وفعلا حسيت سحب العربيه تقيل جدا جداااااااااااااااا والشاهين بتاعتى 1400 بتسحب اكتر منها وعلى العلم انا مش غاوى جرى ولا بكسر ال 100
بس وانا بتفرج ع المعارض لفتت نظرى الاسبرانزا التيجووووو ياريت لو حد يفيدنى بريئه ضرورى لان فعلا العربيه شكلها فوق الممتاز وذهبت لمركز الصيانه قابلت واحد كان بيعمل كشف دورى سالته اخبارها ايه وهيا ولا التريوس ---- قاللى لا طبعا التيجووووو ثبات محاور رهيب وعائليه و 2000 سى سى
ممكن حد يفيدنى النهارده؟

**Hosam_Optrawy** · 13-05-2009 03:39 AM

المشاركة الأصلية كتبت بواسطة aboomarr

سلام عليكم ورحمة الله وبركاته
اول مشاركه ليا لان الموضوع شدنى جدا لان اليومين دول بشترى عربيه فنفس حدود التريوس وبودع عربيتى الشاهين --- امبارح خرجت بتريوس Glx وفعلا حسيت سحب العربيه تقيل جدا جداااااااااااااااا والشاهين بتاعتى 1400 بتسحب اكتر منها وعلى العلم انا مش غاوى جرى ولا بكسر ال 100
بس وانا بتفرج ع المعارض لفتت نظرى الاسبرانزا التيجووووو ياريت لو حد يفيدنى بريئه ضرورى لان فعلا العربيه شكلها فوق الممتاز وذهبت لمركز الصيانه قابلت واحد كان بيعمل كشف دورى سالته اخبارها ايه وهيا ولا التريوس ---- قاللى لا طبعا التيجووووو ثبات محاور رهيب وعائليه و 2000 سى سى
ممكن حد يفيدنى النهارده؟

بص انا جربت اسوق التييجو الاوتوماتيك ال 2*4
سحبها حلو اوى وموتورها 2000 سى سى 137 حصان
وطبعا فل اوبشنز جنوط وفتحة سقف وفرش جلد الخ
السعر 105
عيبها الوحيد انها طبعا صينى لكن حتى الان مظهرش فيها عيوب قاتله
وطبعا العيوب التانيه انها 2000 سى سى فاكيد استهلاك بنزين عالى + الضريبه السنويه عند الترخيص

**Mohamed said** · 13-05-2009 07:12 PM

بصراحه يا جماعه انا محستش بفرق فى السحبه بتاعتها لما بدوس براحه من الاول. لكن انا ليا ملاحظه على موضوع الدواسه ده. انا لما بدوس على الدواسه و العربيه تطلع مش بفضل دايس على الدواسه لحد السرعه اللى انا عايزها. لأ. انا بدوس لحد 30-40 و بعدين اشيل رجلى من على البنزين و احطها على الدواسه تانى(كأنى بنقل الفتيس فى المانوال) بس بالراحه و بحس انها بتبتدى تشد معايا احسن من انى افضل دايس من الاول على الدواسه على طول. هى ديه الملاحظه اللى ليا عليها. ساعات بحس ان سواقة الاتوماتيك ليها اصول مش مجرد انى ادوس على الدواسه لاخرها. يا ريت يا جماعه لو حد عنده فعلا مهارة المعامله مع العربيه الاتوماتيك بطريقه تخلى اداء العربيه أفضل يقولنا عليها و اهو يبقى افادنى و افاد اللى بيقر أ الموضوع. و شكرا ليكوا مره تانيه.