الموضوع: صور لأختبار تصادم البى واى دى f3

eng_mkhalaf

المشكلة إن السيارة دي سلعة معمرة و استثمار طويل الأجل
أنا شفت العربية و عجبتني برده و حطين فيها وبشنز بالهبل ABS , Airbag و حاجات تانية كتير و ب 67000 جنيه
بس ليه المغامرة ، ما انا عندي اللانوس و لا الفيرنا بنفس السعر و واكلين عيش
أصلها لو مقلب 70 ألف جنيه مبلغ مش صغير علي أي حد

المشاركة الأصلية كتبت بواسطة moh_code

هى العربية F3 سعرها كام دلوقتى - مكتوب 67000 ج
وأنا سألت عليها فى التوكيل بالسويس قالى 76000 ج
هى سعرها 67000 ولا 76000 ج
وإيه أخبار موديل 2008 نزل ولا لسة والسعر كام
وشكراً .

سألت عليها فى توكيل الامل بشارع النزهه

يوجد ثلاث انواع حسب الكماليات

1- g i ودى مفيهاش abs و لا ايرباج وسعرها 68 الف

2- gl i ودى فيها اى بى اس وايرباج والسعر 73 الف

3- glx i ودى فول اوبشن مانيوال وفيها حساسات خلفيه وسعرها 83 الف

الصراحه العربيه عجبتنى جدا لكن لما تبص فى حوض العربيه او الشنطه تحس انهم مرشوشين مع ان العربيه زيرو طبعا لما دققت علشان اعرف ايه الللى حسسنى بكده لقيت انهم راشين الحوض والشنطه بنفس درجة الدوكو الخارجى وبنفس درجة اللمعان

وشئ تانى دايقنى منها باب الدولاب اللى فى التابلوه كان مقوس بعض الشئ فاستغربت ايه اللى مقوسه وهى لسه زيرو امال لماتقف فى الشمس كتير هيحصل ايه للتابلوه

ياريت لو حد عنده العربيه دى يقولنا اخبارها ايه معاه ويعملنا تقرير عنها

يا جماعة في موضوع عن عضو بالمنتدي مش عارف يبيع عربيته الصيني جيلي ، مابل ، 1600 CC
و هو عارضها ب 45 ألف موديل 2004 و عايز يخسر فيها 25 ألف وكمان مش لاقي حد يشتريها
علي أيه بقه ،، من عندي بدايل مقبولة جدا و مجربة زي اللانوس والفيرنا ،، موديل 2004 بتاعهم بيتباع ب 54 ألف و انتا نايم في البيت
الصيني لو سعره مش رخيص بطريقة مغرية جدا و بجودة معقولة مالوش مستقبل في مصر و عشان كده مش ناجح في مصر لحد دلوقتي
زي ما الكوري أثبت جودة مقبولة و أرخص من الياباني بفرق محترم فنجح في مصر

الحامية اللي سارقين نفس تصميم الكرولا وخاصة الصالون والكاسيت والمرايت والكراسي ونفس التابلوة كل حاجة

نسيوا يسرقوا الأمان يتاع الكرولا :mrgreen: :mrgreen: :mrgreen: