صور لأختبار تصادم البى واى دى f3

**Nader** · 24-10-2007 01:19 AM

على فكرة يا جماعة نتايج الاختبار دة جيدة ياخذ في الاعتبار سلامة الشاسية والقوائم... اما الاج مش هة المشكلة.

**eng_mkhalaf** · 24-10-2007 09:33 AM

المشاركة الأصلية كتبت بواسطة TURBBO

يا جماعة محدش يشتري صيني العربيات دي حلوة اوي اول خمس ست شهور و بعد كدة خلاص اسالوا مجرب

و بعدين موضوع الموتور الجامد ده عادي هو يعني هما اللي عملينه ما اكيد واخدينة من اي شركة اذا كان التابلوه مش عارفين يصمموه تابلوه الf3تويوتا و الشيري سيات توليدو عربيتي الجامدة ستروين اكسارا يبقي هيعملو مواتير

ياريت مش عايزين تعميم - انت معاك عربية وحشة يبقى متعممش التجربة علشان كلامك يفيد أكتر ما يضر - عندك عربيان شيرى a11 بقالها أكتر من سنتين ونص وفى بعضها عامل 70 إلف كيلو وبتجرى على الأرض لحد دلوقتى - والدليل سوق السيارات روح وأنت تعرف
وكمان انت عربيتك توكيلها وحش وقطع غيارها مش موجودة لأنك أسأت الأختيار من الأول وعلشان كدة معتقدشى كلامك هيبقى عادل ومنطقى لأن لو كدة مكنتش أشتريتها لأن شراء العربية بيحكمو قواعد كتير وأنت أهمل أهم ثلاث قواعد فبكدة لازم تشرب
معش لهجتى حادة - علشان أنا واخد قرار أنى مدافعشى عن الصينى مع أى حد بس أنا دخلت علشان لاقيتك معاك عربية صينى زى ولاقيتك محتاج تتوضح ليك عدة نقاط علشان متفضلشى نفسيتك متعقدة من الصينى

**ahmed_gamal** · 24-10-2007 10:56 AM

علي فكرة انا مجرب الشيري A11 زي ما انا مجرب عربيتي كدة بالظبط و مستغرب بصراحة من دفاعك المستميت عنها ده هي مع واحد صاحبي عفشتها مش حلوة و الفنش مش زي ما حضرتك بتقول خالص الابنوس اللي في الاوكر بتاع الببان وقع غير صوت الزن و الشخللة انا مش بالف والله العظيم هي استابل علي الطريق و موتورها كويس بس صوتو عالي ثانيا قطع غيارها مئ متوافرة ولا حاجة لاني نزلت معاه ميت مرة هتقولي قطع غيار السيات هقولك بردو مش متوافرة و كمان اغلي والمشاكل اللي عندي هي هي المشاكل اللي عنده انا ماعنديش حاجة في عربيتي غير فنش بس و انا ماعتقدش ان العربية تبقي حلوة علشان استابل و بتجري و كمان مش الجري اللي هوة لان وزنها تقيل انا لو عربية مش مجربها بنفسي و مش عارف عيوبها مش هتكلم عليها بس انا عارف كل اللي فيها اه كمان نسيت اقولك ان العداد عندو وقف خالص قبل كده يا راجل ده كفاية الاستبن بتاعها :mrgreen:

**eng_mkhalaf** · 24-10-2007 11:13 AM

أنت كدة ;) ;) برافو عليك

**ahmed_gamal** · 24-10-2007 11:18 AM

عندك عربيان شيرى a11 بقالها أكتر من سنتين ونص وفى بعضها عامل 70 إلف كيلو وبتجرى على الأرض لحد دلوقتى - والدليل سوق السيارات روح وأنت تعرف

انا عربيتي علي فكرة بقالها سنتين مش لسة جايبها ومافيهاش مشاكل في المتور وبتجري لحد دلوقتي بس ده مش معناه انها جامدة . وانا نزلت السوق كتير جدا دا انا كنت بقعود في اكتر من البيت بس مش فاهم بصراخة حضرتك نقصد ايه بان السوق هو الدليل لاني ماشوفتش غير بتاع اربع خمس عربيات بالكتير هناك