الموضوع: تجربتي مع الاي 230

هما مش ليهم مكتب اقليمى هنا
اسال عليه وروح اشكى هناك ووريهم العربية

المشاركة الأصلية كتبت بواسطة dr_waswas

بداية قضيت عمري بحلم أركب مرسيدس

للأسف الحلم دا تحول لكابوس

بداية انا كنت عايز اجيب السيي 200 او الاي 200 بس لقيت الاولى ادامها سنة على التسليم والتانية مش بتنزل مصري

فقررت ازود فلوسي شوية واجيب الاي 230

وفعلا روحت توكيل اسكندرية اللي هوا ana

اللي في سموحة

وبعد كلام جميل ومعسول اشتريت العربية كاش ب 528 الف جنيه

وبعد ما مشيت بيها 700 كيلو لقيتها بتطلع دخان

قولت يمكن انا عملت فيها حاجة وحشة

المهم ويتها التوكيل استغربوا جدا دا طبعا بعد ما لقيت عدم اهتمام الا ماقولتلهم عربية جديدة خدوا بالهم وطلع يبص عليها

قالي سيبها النهاردة قولت وماله هاخدها بكرة

المهم كل يوم اتصل يقولولي مش عارفين العيب

استنى يوم اتنين 3

مفيش فايدة

فين وبعد ماتصلت بالتكيل الام وبعد ماكلمت مدير التوكيل

اللي طبعا عاملوني بقلة اهتمام وقلة زوق وكأن أنا اللي غلطان

الحمد لله عشان سفر والدي سلمولي العربية بعديها ب 14 يوم بس

طبعا انا كنت مرخص وادفع 12000 الف جنيه رخصة سنة واحدة

وطبعا انا من برة اسكندرية فبضطر أسافر وطبعا العداد بيعد وطبعا عارفين المرسيدس ما تيجي تنباع الكيلو فيها بيتحسب ازاي

المهم أخدت العربية ولمبة المحرك منورة قلتلهم ليه قالوا مش عارفين هاتهالنا بعد ماوالدك يسافر

طبعا مشكلة الزيت...قالولي ممكن يكون فتحة التنك كانت بتهربهذ

مع ملاحظة اول ما شيلنا الغطا الفبر اللي على المكنة لقينا الزيت منطور على في كل مكان

بعد ما والدي سافر اتصلوا بيه وقالوا لازم تجيب العربية

وديت العربية....العربية قعدت هناك 4 شهور كاملة

تسألني ليه أقولك مش عارف؟؟؟؟

كل يوم اتصالات يقولك مستنيين قطعة الغيار

بعد شهر ونص

اكتشفوا انهم محتاجين قطعة تانية

قولتلهم اخد العربيية على ماتيجي قالولي لا اصلنا فكين الموتور

عربية مويل السنة مرسيدس فكين موتورها؟؟؟...

والحل

اصبر

الحمد لله بعد 4 شهور جات القطعة وركبوها

وقعدوا يجربوها اسبوع

المهم المهندس بيكلمني بيقولوا تعالى على طول معنتديش مكان في الجراج

يعني انا مستني حضراتهم كل دا وفي الاخر هوا مخلص مش عاجبه اقوله كيب هظبط اموري واجي اخدها لا ازاي......

طبعا روحت اول مادخلت لقيت العربية وسخة جدا
بسألهم قالولي اصلك ما بلغتناش انك جي على طول لازم تبلغنا الأول


وماله؟؟؟؟

قولت للمهندس دا مايصحش ولازم تعويض
دا على الأقل كانت العربية تتغير؟؟؟؟
وخصوصا بعد فك الموتور
يقولي احنا ماعملنا ش حاجة احنا بس طلعنا الموتور من مكانه ورجعناه
طب الحل
ادخل للمدير


دخلت للمدير
اللي هقول اسمه لانه يستحق ذلك المهندس فيليب
بعد اعتذارات
قولتله عايز ورقة باللي اتعمل
قالي مينفعش
قلتله واضمن حقي ازاي قاله محنا مخلنكش تدفع حاجة وكلمة شوف؟؟؟

كمان انا ادفع..؟؟!!!

المهم قولتله اخد هدية من اكسسوارات العربية
قالي اختار فاخترت ساعة ووممكن اي حد مبيتعامل مع التوكيل يعرف كلامي لانه البترينة هناك في مركز الصيانة
قالي معلش أصلها الوحيدة سيب عنوانك وهبعتهالك بالبريد السريع ووعد بعد يومين هبتعتها
واهو عدى اسبوعين والحمد لله دا كلام عيال

بقوله انا دافع 12000 الف والعربية قعدت عندكم 5 شهور
مش لي حق تعويض؟؟؟

المهم طبعا دا كانت ردود أفعلا توكيل مرسيدس المحترم
فعلا شوية حرامية ونصيحة لوجه الله متشتريش مرسيدس
ولو عايز تتاكد تعالى اتفضل اوريك العربية وارويك كل الورق اللي معاي اللي حضرتهم نسوه في العربية
وهما مش واخدين بالهم

طبعا مش عايز اقولكم العربية قذرة
وسخة جدا من جوه
العتب الأبيض المخملي الدااخلي متوسخ بالشحم
فتحة السقف بتعلق

دي مرسيدس موديل 2008 ماكلملتش سنة

نصيحة ان بتنجان احسن منها

وبوعد التوكيل اني هفضحهم في كل مكان وكل منتدى وهقوم بالنصيحة لاي واحد بيفكر يجيب المرسيدس

ماتجبش مرسيدس

شوف يا سيدى و اسمعنى كويس اوى
هيا مرسيدس اقل من بورش لأ طبعا ... شوف بقى
واحد معرفة من بعيد يعنى صديق لاصدقائى من ايام الجامعة اشترى بورش من التوكيل فى مصر تمام ... الله يباركلة ياعم
المهم ماشى بيها على 100 تقريبا و فى ملف جامد حبة قامت موعمة و لفت حوالين نفسها و خبط فى الجزيرة و العربية اتبهدلت
الراجل دة مش غشيم أة الملف جامد بس ياما اخدها بعربيات كتير صالون مش بورش و عادى جدا
أكيد دة عيب تصنيع 100 فى 100 دة اللى فى دماغة و اكيد صح
راح ع التوكيل مش عارف اية بصراحة و رمالهم العربية و قالهم عيب تصنيع
التوكيل مكدبش خبر الصراحة راح مكان الملف و عاين و جاء الرد لصحبى
سوء قيادة و استعمال التصليح و التكلفة عليك
الراجل بمنتهى الهدوء
أخد التقرير و صور العربية و الملف اللى عومت فية و صورت العربية و ورقها و ذكر سرعة العربية لما كان سايق
و هوبببا فاكس ع الشركة الام رسمى
فى خلال ايام حضر 2 مهندسين من الشركة الام و عاينوا ع الطبيعة و قاللو دة ملف هاااااااااايف جدا ع البورش
و اخدوا العربية كشفوا عليها و فعلا لقوا العيب فى خلال 24 ساعة
شوف و اسمع بقى اللى حصل:
طبعا التصليح ببلاش
التعويض:
1) ياخد قيمة العربية كاملة فورا و فى الحال بشيك جاهز
2) ياخد عربية اخرى مماثلة لها فى الحال مجانا

دول الشركات الام و دة اللى المفروض يحصل مع حضرتك ...
تحياتى