تجربتي مع الاي 230

**Ralliart** · 30-11-2009 11:57 PM

على فكره في حاجه غلط حصلت معاك
انا ليا واحد قريبي شغال في المصنع وعارف بالظبط ايه الاجراءات اللي بتتبع لما متكونش في قطعة غيار او في عيب و شهدت بنفسي على عربيات اتبدلت من المصنع لعيوب اتفه وابسط من كده والشركه الام بتتحمل كل التكاليف والتوكيل ملهوش اي مصلحه لانه مش هيصرف مليم!!!!!!!!!!
اكيد في حاجه حصلت لان دا شيئ مستحيل ودا شيئ طبيعي لو حصل ان التوكيل بيرجعها المصنع والمصنع بيتصرف اكيد المسؤول اللي في التوكيل اخد اجراء خاطئ واعتبره شيئ هيتصلح في الضمان مش عيب اساسي وخلاك تستنى كل الوقت ده من الآخر ده غباء حد في التوكيل
والدليل على كده توكيل الجيزه الوطنيه رجع عربيات للمصنع فيها عيوب والمصنع غيرها عادي!

**rahmanboud** · 07-12-2009 07:53 PM

أكيد إنت كنت بتصاين العربيه عند ميكانيكى مبتدأ مش توكيل محترم
إبعت إميل للشركه الأم علشان يسحبوا منهم الوكاله وربنا يعوضك

**amrbakly** · 08-12-2009 05:25 PM

المشاركة الأصلية كتبت بواسطة dr_waswas

الله يبارك فيك
بس المشكلة اني معرفش ألماني

فهحاول اتصل بيهم او ابعت اميل

بجد عالم مش محترمة اللي هنا

وبجد بنصح اي حد مايرميش فلوسه على عربية في الاخر بتحس انك بتشتغل عندهم

وطبعا اكيد في ناس من بتوع توكيل مرسيدس بيدخلوا هنا

رسالة ليكم "انتوا عالم غير جديرة بالاحترام

ألماني مين يا استاذي؟

هي مرسيدس محتاجة انك تكون بتعرف الماني أبعت و لو حتي بالعربي و مرفق في الإيميل كل المعلومات بتاعت العربية وورقها و هما حيخربوا بيت التوكيل دة

يا نهار اسود ادفع 100 الف دولار في عربية و في الأخر يتعمل فيا كدة، انا مش عايز اقولك أن 100 الف دولار في امريكا يركبوك بورش كاريرا

اهتم بجد بالموضوع و خليك اكثر شدة من كدة بجد دية توكيلات زبالة

**zkralla** · 08-12-2009 11:30 PM

محامى وقضية وشكاوى لحماية المستهلك والغرفة التجارية ومراسلة الشركة الام وبرقيات للوزارات المعنية وتهيليل وتعلية صوت ولو مش بتعرف خد واحد صاحبك او محامى
ديه اسلحتك الى لازم تجيب بيها حقك ولو سبته تبقى غلطان فى حق نفسلك وحق ولادك

**toti1980** · 11-12-2009 07:20 AM

المشاركة الأصلية كتبت بواسطة dr_waswas

بداية قضيت عمري بحلم أركب مرسيدس

للأسف الحلم دا تحول لكابوس

بداية انا كنت عايز اجيب السيي 200 او الاي 200 بس لقيت الاولى ادامها سنة على التسليم والتانية مش بتنزل مصري

فقررت ازود فلوسي شوية واجيب الاي 230

وفعلا روحت توكيل اسكندرية اللي هوا ana

اللي في سموحة

وبعد كلام جميل ومعسول اشتريت العربية كاش ب 528 الف جنيه

وبعد ما مشيت بيها 700 كيلو لقيتها بتطلع دخان

قولت يمكن انا عملت فيها حاجة وحشة

المهم ويتها التوكيل استغربوا جدا دا طبعا بعد ما لقيت عدم اهتمام الا ماقولتلهم عربية جديدة خدوا بالهم وطلع يبص عليها

قالي سيبها النهاردة قولت وماله هاخدها بكرة

المهم كل يوم اتصل يقولولي مش عارفين العيب

استنى يوم اتنين 3

مفيش فايدة

فين وبعد ماتصلت بالتكيل الام وبعد ماكلمت مدير التوكيل

اللي طبعا عاملوني بقلة اهتمام وقلة زوق وكأن أنا اللي غلطان

الحمد لله عشان سفر والدي سلمولي العربية بعديها ب 14 يوم بس

طبعا انا كنت مرخص وادفع 12000 الف جنيه رخصة سنة واحدة

وطبعا انا من برة اسكندرية فبضطر أسافر وطبعا العداد بيعد وطبعا عارفين المرسيدس ما تيجي تنباع الكيلو فيها بيتحسب ازاي

المهم أخدت العربية ولمبة المحرك منورة قلتلهم ليه قالوا مش عارفين هاتهالنا بعد ماوالدك يسافر

طبعا مشكلة الزيت...قالولي ممكن يكون فتحة التنك كانت بتهربهذ

مع ملاحظة اول ما شيلنا الغطا الفبر اللي على المكنة لقينا الزيت منطور على في كل مكان

بعد ما والدي سافر اتصلوا بيه وقالوا لازم تجيب العربية

وديت العربية....العربية قعدت هناك 4 شهور كاملة

تسألني ليه أقولك مش عارف؟؟؟؟

كل يوم اتصالات يقولك مستنيين قطعة الغيار

بعد شهر ونص

اكتشفوا انهم محتاجين قطعة تانية

قولتلهم اخد العربيية على ماتيجي قالولي لا اصلنا فكين الموتور

عربية مويل السنة مرسيدس فكين موتورها؟؟؟...

والحل

اصبر

الحمد لله بعد 4 شهور جات القطعة وركبوها

وقعدوا يجربوها اسبوع

المهم المهندس بيكلمني بيقولوا تعالى على طول معنتديش مكان في الجراج

يعني انا مستني حضراتهم كل دا وفي الاخر هوا مخلص مش عاجبه اقوله كيب هظبط اموري واجي اخدها لا ازاي......

طبعا روحت اول مادخلت لقيت العربية وسخة جدا
بسألهم قالولي اصلك ما بلغتناش انك جي على طول لازم تبلغنا الأول

وماله؟؟؟؟

قولت للمهندس دا مايصحش ولازم تعويض
دا على الأقل كانت العربية تتغير؟؟؟؟
وخصوصا بعد فك الموتور
يقولي احنا ماعملنا ش حاجة احنا بس طلعنا الموتور من مكانه ورجعناه
طب الحل
ادخل للمدير

دخلت للمدير
اللي هقول اسمه لانه يستحق ذلك المهندس فيليب
بعد اعتذارات
قولتله عايز ورقة باللي اتعمل
قالي مينفعش
قلتله واضمن حقي ازاي قاله محنا مخلنكش تدفع حاجة وكلمة شوف؟؟؟

كمان انا ادفع..؟؟!!!

المهم قولتله اخد هدية من اكسسوارات العربية
قالي اختار فاخترت ساعة ووممكن اي حد مبيتعامل مع التوكيل يعرف كلامي لانه البترينة هناك في مركز الصيانة
قالي معلش أصلها الوحيدة سيب عنوانك وهبعتهالك بالبريد السريع ووعد بعد يومين هبتعتها
واهو عدى اسبوعين والحمد لله دا كلام عيال

بقوله انا دافع 12000 الف والعربية قعدت عندكم 5 شهور
مش لي حق تعويض؟؟؟

المهم طبعا دا كانت ردود أفعلا توكيل مرسيدس المحترم
فعلا شوية حرامية ونصيحة لوجه الله متشتريش مرسيدس
ولو عايز تتاكد تعالى اتفضل اوريك العربية وارويك كل الورق اللي معاي اللي حضرتهم نسوه في العربية
وهما مش واخدين بالهم

طبعا مش عايز اقولكم العربية قذرة
وسخة جدا من جوه
العتب الأبيض المخملي الدااخلي متوسخ بالشحم
فتحة السقف بتعلق

دي مرسيدس موديل 2008 ماكلملتش سنة

نصيحة ان بتنجان احسن منها

وبوعد التوكيل اني هفضحهم في كل مكان وكل منتدى وهقوم بالنصيحة لاي واحد بيفكر يجيب المرسيدس

ماتجبش مرسيدس

ياريت حضرتك تقولنا عملت اية لحد دلوقتى لان كل الردود عايزة تتطمن عليك وعمل اية مع التوكيل ابن................