الموضوع: هل النترا غبور 2009 تقفيل كوري؟؟؟

المشاركة الأصلية كتبت بواسطة som3aa

قريبك دا بيفتى و انا مصمم على الكلمة دى
الالنترا كورى 100% , اللى بيركب فيها فى مصر الانذار و يمكن التكييف او الكاسيت , انما تصنيع و تجميع كورى و اساسا مفيش اى عربية النترا فى المصنع و تقدر تروح تبص بنفسك , المصنع قرب مركز الخدمة , لو لقيت عربية الانترا طالعة منه تقدر تتكلم , هتلاقى فرنا او سوناتا بس طالعين كل شوية و بعدين اتا بصراحة مش فاهم ازاى الناس بتطلع اشاعة زى كدا ؟؟

يا جماعة ربنا خلقلنا العقل علشان نفكر بيه , تجميع العربية دا مش تهريج و الا كل الشركات كانت جمعت عربياتهم علشان يهربوا من الجمرك , انا حاسس ان الناس فاهمة ان تجميع العربية دا بيبقى 2-3 عمال واقفين فى ورشة و بيجيبولهم قطع غيار + كتالوج و يقولولهم ركبلى عربيتين تلاتة بسرعة .
لو غبور جمع الالنترا مش هيبقى سر اطلافا لانه اساسا مينفعش يبقى سر لانها ببساطة مينفعش يخبيها , الموضوع مش لعبة و بعدين التجميع دا بيبقى فى موردين و تراخيص و حاجات علشان ياخد تخفيض الجمارك و بعدين مبيبقاش فى افراج جمركى على العربيات المجمعة فى مصر (لانها بتيجى قطع و بتتجمع فى مصر) عكس العربيات المستوردة طبعا فكدا كدا و انت بترخص هتعرف هتعرف و لا غبور بيرخلصلك الالنترا كمان و يوصلها لحد البيت؟

ارجوكوا يا جمعة تحروا العقل و المنطق قبل ما حد يعد ينقل اشاعات غير قابلة للتصديق اساسا

كلمه بيفتى غير مقبوله بالمره انا قولت على الى عرفتو عايز تصدقه اوك مختلفناش مش عاوز تصدقه بردو مختلفناش بكل ادب و زوء اصلها مش خناقه

وشكرااااااااااااا

المشاركة الأصلية كتبت بواسطة som3aa

مانا قولت اللى قالك كدا فتاى كبير , مقولتش عليك فتاى و اثبتلك الكلام, انا اكيد مش هصدق طبعا , انا بقول انى ممكن اسمع ان مصر طلعت رواد فضاء القمر (واحد من اياهم يقولى كدا عادى) الفكرة انى مينفعش اصدق الكلام دا ليه؟ لان لازم يكون عندها ابحاث و مركز زى ناسا تطلع منه الصورايخ و مليون حاجة , نفس الكلام فى التجمييع , الراجل مش هيشترى شوية قطع غيار و ياخدهم فى الخباثة على المصنع يركبهم و يبيعهم على ان العربية كورى , التجميع دا محتاج دراسة كبيرة جدا و ميزانية ضخمة و شراء معدات انتاج حسب كل عربية هينتجها و فصوصات و حاجات كتير اوى و بعدين ان العربية تتجمع فى مصر دا بيبقى انجاز من التوكيل و اكيد هيعلنه مش هيخبيه و بياخد فى المقابل تخفيض ضخم جدا فى الجمارك عن العربية المستوردة و لما تيجى ترخص العربية المجمعة المحلية فى خطوة فى الاول بتعملها بتختلف عن العربية المستوردة فى المرور يعنى مش حاجة يقدر يخبيها.

تانى مبقولش عليك فتاى , بقول على اللى قالك كدا فتاى , كل اللى بقولهولك بس فكر فى الكلام الاول قبل كتابته اذا كان الكلام دا ممكن بالعقل و لا لأ , و برده مختلفناش و اساسا مفيش خناقة انا كنت بوضح ازى الكلام دا عكس العقل و المنطق لانى بقيت اسمع كلام غريييب اوى الناس بقت تتنقله مش فى العربيات لأ كل حاجة و بستغرب ازاى واحد ممكن يقول كلام زى دا مش اكتر

عموما حصل خييير وربنا يستر من السنتر والتكييف والكاسيت