رئيس "تويوتا إيجيبت": مبيعاتنا انخفضت 50% بسبب الأزمة المالية

**mragh** · 08-05-2009 01:43 AM

قال المهندس مصطفى شاهين رئيس مجلس إدارة شركة "تويوتا إيجيبت" إن عدم تأثر الين الياباني بالأزمة الإقتصادية العالمية فور حدوثها كان وراء عدم خفض تويوتا لأسعار سياراتها لمدة تسعة أشهر منذ بدء الأزمة.

وأوضح شاهين في حوار مطول مع ملحق "الجمهورية أوتو" يوم الخميس أنه بعد انخفاض سعر الين متأثراً بالأزمة المالية، قامت الشركة بخفض سعر السيارة "ياريس" ما بين 9 إلى 11 ألف جنيه لأنها الوحيدة التي يتم إستيرادها من اليابان، أما "كورولا" فأسعارها ثابته لأنها تستورد من جنوب أفريقيا و سعرها مرتبط بالدولار، و بالتالي لم تستطع الشركة خفض سعرها.

وكشف رئيس "تويوتا إيجيبت" عن أن هناك موديلات جديدة من تويوتا سيتم طرحها في معرض "أوتوماك" الشهرالمقبل، مشيراً إلى أن الموديلات القديمة و التي يصل عددها إلى 8 موديلات ملاكي وتجاري سوف تستمر في السوق.

ولفت المهندس شاهين إلى أن "تويوتا إيجيبت" كغيرها من الشركات، تأثرت بالأزمة المالية، وهو ما انعكس على مبيعات تويوتا لتنخفض لنسبة لا تقل عن 50%، وهو ما أدى إلى خفض نسبة العمالة بنسبة 10% ، و لكن تم الإستعانة بخبرة تلك العمالة لدى موزعي تويوتا في أنحاء مصر للإستفادة من خبراتهم في التسويق.

و عن رأيه في مشروع التاكسي الجديد ، قال المهندس مصطفى شاهين أن هذا المشروع سيساعد في تحريك سوق السيارات خاصة الشركات التي تقوم بتجميع السيارات في مصر، ولكن تويوتا لم تشارك في المشروع "لأسباب نفسية يعلمها من يرغب في إمتلاك تويوتا" على حد تعبيره.

**Sharky** · 08-05-2009 11:34 AM

شكرا على الخبر

بس للتوضيح تويوتا لم تشارك فى المشروع ليس لأسباب نفسية لكن لإنها لا تجمع سيارات فى مصر و لإن أقل سيارة فى تويوتا تباع فى صر حاليا سعرها 85 الف و هى الياريس و يعتبر هذا السعر عالى جدا بالنسبة لبقية منافسيها فى مشروع التاكسى

**bebo12125** · 08-05-2009 03:52 PM

المشاركة الأصلية كتبت بواسطة Sharky

شكرا على الخبر

بس للتوضيح تويوتا لم تشارك فى المشروع ليس لأسباب نفسية لكن لإنها لا تجمع سيارات فى مصر و لإن أقل سيارة فى تويوتا تباع فى صر حاليا سعرها 85 الف و هى الياريس و يعتبر هذا السعر عالى جدا بالنسبة لبقية منافسيها فى مشروع التاكسى

اسباب نفسية معنها ان فى ناس مش حتشترى تويوتا لو اتعملت تاكسى
يقولوا انا مركبش العربية دى دى بقت تاكسى

**Sharky** · 08-05-2009 06:00 PM

المشاركة الأصلية كتبت بواسطة bebo12125

اسباب نفسية معنها ان فى ناس مش حتشترى تويوتا لو اتعملت تاكسى
يقولوا انا مركبش العربية دى دى بقت تاكسى

أنا فاهم طبعا معنى أسباب نفسية لكن مش هو دا السبب الحقيقى
لإن شركة تويوتا فى مصر مش مرسيدس و لا بى إم علشان تقول كده

**MohabSaeed** · 09-05-2009 08:54 PM

شركه تويوتا الخاسر الاول عالميا ب خسائر 7,7 مليار دولار .." متفوقه عن جنرال موتورز بخسائر 6 مليار دولار " .
الرقم ده فى الربع الاول فقط .
مبيعات تويوتا على مستوى العالم انخفضت انخفاض حاد بنسبه 22 % او 1400000 سياره لتصل الى 7500000 سياره .

**Ahmed Samy** · 09-05-2009 09:27 PM

طبيعي لما يكون في وكيل بيكذب في معلوماته ....و مش واضح كده

و كل يوم بسعر

تبقى أخرته كده

طبعا اسباب الخسارة : الين الياباني ههههههههه الين ده هايجننهم

يغلوا ....يقولو الين

يخسروا يقولو الين

و بعدين هو نسي الفتيس بتاعهم اللي برضه خوف الناس من العربية ؟؟؟؟

ده غير سعرها الغالي وهس في مصنع حدانا هنا يعني ....

و حتى دلوقتي مش راضي يبقى واضح و يقول " اننا ما بنصنعش عربيات علشان كده " ما نقدرش" ندخل موضوع التاكسي"
لأ ... عمللي فيها مدير توكيل أودي و يقوللك النفسية

يموت الزمار ....

**midnightman_74** · 09-05-2009 09:46 PM

المشاركة الأصلية كتبت بواسطة bebo12125

اسباب نفسية معنها ان فى ناس مش حتشترى تويوتا لو اتعملت تاكسى
يقولوا انا مركبش العربية دى دى بقت تاكسى

+1111111111111111

**Ahmed Anwer** · 10-05-2009 02:25 AM

يا جماعة متظلموش الراجل ،،

قعلا اسباب نفسية ،،

لكن مالكي تويوتا بيشعروا بالفخر و الاعتزاز ،،

مثلا لما يشوفوا كل الميكروباصات بالنفر تويوتا ،،

**tutankhamoun** · 10-05-2009 08:11 AM

المشاركة الأصلية كتبت بواسطة Ahmed Samy

طبيعي لما يكون في وكيل بيكذب في معلوماته ....و مش واضح كده

و كل يوم بسعر

تبقى أخرته كده

طبعا اسباب الخسارة : الين الياباني ههههههههه الين ده هايجننهم

يغلوا ....يقولو الين

يخسروا يقولو الين

و بعدين هو نسي الفتيس بتاعهم اللي برضه خوف الناس من العربية ؟؟؟؟

ده غير سعرها الغالي وهس في مصنع حدانا هنا يعني ....

و حتى دلوقتي مش راضي يبقى واضح و يقول " اننا ما بنصنعش عربيات علشان كده " ما نقدرش" ندخل موضوع التاكسي"
لأ ... عمللي فيها مدير توكيل أودي و يقوللك النفسية

يموت الزمار ....

المشاركة الأصلية كتبت بواسطة Ahmed Anwer

يا جماعة متظلموش الراجل ،،

قعلا اسباب نفسية ،،

لكن مالكي تويوتا بيشعروا بالفخر و الاعتزاز ،،

مثلا لما يشوفوا كل الميكروباصات بالنفر تويوتا ،،

**Sharky** · 10-05-2009 09:12 AM

المشاركة الأصلية كتبت بواسطة Ahmed Samy

طبيعي لما يكون في وكيل بيكذب في معلوماته ....و مش واضح كده

و كل يوم بسعر

تبقى أخرته كده

طبعا اسباب الخسارة : الين الياباني ههههههههه الين ده هايجننهم

يغلوا ....يقولو الين

يخسروا يقولو الين

و بعدين هو نسي الفتيس بتاعهم اللي برضه خوف الناس من العربية ؟؟؟؟

ده غير سعرها الغالي وهس في مصنع حدانا هنا يعني ....

و حتى دلوقتي مش راضي يبقى واضح و يقول " اننا ما بنصنعش عربيات علشان كده " ما نقدرش" ندخل موضوع التاكسي"
لأ ... عمللي فيها مدير توكيل أودي و يقوللك النفسية

يموت الزمار ....

المشاركة الأصلية كتبت بواسطة Ahmed Anwer

يا جماعة متظلموش الراجل ،،

قعلا اسباب نفسية ،،

لكن مالكي تويوتا بيشعروا بالفخر و الاعتزاز ،،

مثلا لما يشوفوا كل الميكروباصات بالنفر تويوتا ،،

:k49: :k49: :k49: