الموضوع: تغيير شكل ونور العداد بالصور(تجربة في فيرنا 2009)

أيها الساده:-

جائنا من مصادرنا الموثوق بها أن عصابه مجهوله الهويه تخطط لخطف السيد تامر دهب وذلك غدا (العصابه هتشوف بكره ظروفه تسمح يتخطف ولا يأجلوها يوم تانى!!).
وذلك نظرا لتجاوزه حدود الاجتهاد وإنحرافه نحو الإحتراف!

هذا وقد صرح مصدر مسئول ان الحادثه سوف ينتج عنها تعديل لفيرنا أخرى بشكل جديد وتصميم جديد!!



كان معكم محدثكم:-

أشرف فتحى من امام شاشه الكمبيوتر!:k47::k47:

خلصنا والفجر بيأذن صلينا وطلعت
دي النتيجة النهائية(أتمنى صراحة تكون النهائية )

مع الإعتذار والأسف الشديد إلى محلات شارع دمشق خاصة ومحلات تعديل العدادات عامة إذا تسببت في تقليل الضغط عليهم
اللي تم تغييره:-
1-زراير التكييف من الأخضر للأحمر
2-العداد بقى تقريبا بالكامل أحمر
3-تحديد الفيبرة اللي جوة بالسيلفر(مدية شكل شيك موووووت في الحقيقة..لاااازم أجيب كاميرا ديجيتال وأوريهالكم)
أسيبكم مع الصور المؤقتة لحد ماتصرف في كاميرا ديجيتال
















لو عايزين تجيبولي كاميرا ديجيتال هدية يعني هاحاول مارفضش عشان بس ما أزعلكوش

تصبحوا على خير..السلام عليكم

أنا كدا بفكر أغير نور العدادات و بفكر اسحبها على إسكانر و ألعب فى التصميم و الألوان
بس بحيك على مجهودك الرائع أنا بحب أعمل كل حاجة بإيدى عشان تتعمل بمزاجى

أزيك يا تامر باشا
تسلم أيدك
مجهود رائع تستحق عليه براءة الإبتكار والله

المشاركة الأصلية كتبت بواسطة agwaa

أولاً : ألف سلامة على بربريز العربية وعلى الرخصة وفداك مليون جنيه ولا تزعل نفسك ( سلامتك من الخنقة )

ثانياً : ألف مبروك _ موش على الشكل الجديد للعداد لأ _ على الجرأة والخبرة اللي إكتسبتهم

وأخيراً : سلامتك عندنا بالدنيا

ربنا يخليك..قدر الله وماشاء فعل..أنا خلاص ركبت البربريز إمبارح والرخصة جبنا بدل فاقد إنهاردة..وفعلا إكتسبنا خبرة وجرأة كبيرة..ممكن أفك تابلوه الفيرنا وأنا نايم

المشاركة الأصلية كتبت بواسطة lancerevolution

أنا كدا بفكر أغير نور العدادات و بفكر اسحبها على إسكانر و ألعب فى التصميم و الألوان
بس بحيك على مجهودك الرائع أنا بحب أعمل كل حاجة بإيدى عشان تتعمل بمزاجى

إحنا فكرنا فيها ورحنا عشان نعملها إمبارح بس إكتشفنا إنها مش سهلة زي ماكنا فاكرين بس برضه مش صعبة أوي يعني..ولو إحتجت أي حاجة قول لي عادي!

المشاركة الأصلية كتبت بواسطة MMMERO

الف مبروك والف شكر على المجهود دة وانا كان نفسى فعلا من زمان اشوف الموضوع دة بس لية سؤالين
الاول ممكن بالتفصيل ازاى خرجت المؤشرات لان الطريقة مش واضحة اوى
ثانيا منين انت جبت قلم الدوكو دة وبكام واية الالوان المتاحة
والف شكر

الشكر لله
بالنسبة للسؤال الأول بص يا سيدي..
إنت لما تيجي تشد المؤشر هتحس إنه مابيطلعش..
يا إما تحط مفكين مابينه وبين الورق وتزق لفوق
يا إما تتعافى عليه شوية وماتخافش هتلاقيه إستسلم
والأقلام مش أقلام دوكو..دي أقلام yukon دي اللي زي الفلوماستر بس عريض وبينشف في ثانية!
الدوكو هيبوظ الدنيا إوعى تستخدمه
الألوان اللي شفناها ومالقيناش غيرها كانت:
أحمر
أخضر
أزرق
أصفر
دول المتاحين
ولو في أي إستفسار قول لي

المشاركة الأصلية كتبت بواسطة kh_talaat

أزيك يا تامر باشا
تسلم أيدك
مجهود رائع تستحق عليه براءة الإبتكار والله

خلوووود رفيق إسكندرية اللي كان عايز براشوت
تسلم إيدك إنت أنا ماعملتش حاجة زيادة
أومال لازمة المنتدي إيه؟أستفيد بس؟أبقى إنسان مستغل وفاشل..
المنتدى مبني على فكرة أفد وإستفد
ودة اللي عملته مش أكتر
أشوفك على خير يا باشا بس ماتطلعش فوق حتت عالية تاني

متهيألي الصور دي أوضح بكتير..
السيلفر اللي جوة لسة هيتسنفر ويترش تاني عشان يبقى شكله أنعم إن شاء الله