العفو يا دكتور
ولو ليك اى استفسار عن زراعته انا تحت أمرك :w6266d
عرض للطباعة
مانا فعلا هعمل كده ان شاء الله ...لانهم اكتر ناس مختصين فى الموضوع دا
الف شكر لرد حضرتك
ياباشا مش عارف اقولك ايه...بجد استفدت من خبرتك جدا...
بس هو موضوع الريحان والنعناع دا ...اظن انو محتاج عنايه ومتابعه ...والجنينه دى عند المطابخ ورا .... فأنا عاوز حاجه فى السريع كدا...ونتابعها من السنه للسنه
ولا اقولك ممكن فعلا ازرع جزء نعناع ..
طب بصفه حضرتك خبير كدا...انا جذع الشجر عندنا فيه جزء منه لونه بنى كده ....هل دا مرض وليه علاج...عشان بس اكون فاهم قدام الراجل اللى هيجي؟؟
وايه موضوع الكيماوى دا .... يعنى بروح لبتاع المشتل واقوله ايه بالضبط؟؟
وممكن ايه تانى يتحط؟؟
بجد شاكر جدا لرد حضرتك المفيد:S_thum1[1]:
تحيــــاتــى
الف الف شكر د/خالد ...وانا فعلا عاوز واحد ثقه ومحترم ...
وبجد يعنى شاكر جدا جدا لرد حضرتك الوافى .... والمعلومات اللى فيه
وان شاء الله هكلم عم /محمد ..بحيث يجيى يعمل معاينه ونشوف ايه المطلوب..
الف شكر د/خالد
تحيـــاتــى
لودا باشا ...مانا فعلا هعمل كدا...وهكلم واحد من عندهم
منور يا بروتونى:k49:
مش عارف الصراحه ماخدتش بالى منهم اوى ... بس الجنينه اللى عند المطبخ ماشفتهمش عملوا حاجه فيها ...احنا اللى بنجيب ناس يعملوها
شاكر لرد حضرتــك
بجد موقع جامد جدا ...وشكله مليان معلومات
الف شكر ياباشا
الاول بس قبل اى شيئ اشكرك على كلامك الجميل اللى قولته ولو انى مش متخصص فى الزراعه
الفكرة ان بيتي فيه جنينه فبدأت اخرب وابوظ لحد ما بقيت على قدر مش بطال من الخبرة يعنى تقدر تقول عليا بقيت أنفع :biggrin:
بالنسبة للنعناع والريحان مش محتاج غير ميه وخلاص وفى المقابل انت هتستفاد منه يعنى انت هتنزل كل يوم تاخدلك عودين نعناع وريحان وعلى فكره الريحان بيتحط على الشاى برضو وكمان ناس كتير بتستخدمه فى الاكل عشان ليه فوايد كتير للمعده وبيساعد فى عملية الهضم
بخصوص اللون البنى ده انا مقدرش افتيك فيه وكمان انا مش عارف نوع الشجر الل عندك ايه
موضوع الكيماوى والفيتامينات :
الكيماوى : ده بالنسبه لنبات هوا الغذاء يعنى الاكل بالنسبه لينا عشان الزرع بياخد الغذا الل فى الارض فبتحتاج الارض لحاجة لأعادة الخصوبة تانى ليه وده ضرورى
وليه انواع كتير زى اليوريا الل بيستخدمها الفلاح والنترات والفوسفات والحاجات دى
ودى بتبقى فى كيس مشمع قوى حوالى 40 كيلو وممكن تشترى بالكيلو زى ما انت عاوز
الفيتامينات او العناصر : فدى بالظبط زى الفيتامينات للانسان زى لما تاخد حباية فايتمين او مقويات وبتكون أغلى شويه من الكيماوى
ودى لما جبتها كانت فى عبوة معدن عاملة زى الل بتوع روايح الجرام بيبقو حاطينهم كده
بس لازم الاول قبل ما تحط حاجه تقلب الارض الاول
وبخصوص تزرع ايه تانى عندى ليك نصيحه لوجه الله
في ناس يقولولك ازرع شجر زينه ده تفكير مش صح وللأسف احنا اتعودنا عليه انا عن نفسي معنديش غير شجرة فيكس كبيرة واحده بس ودى بره السور فى الشارع ولو مكنتش مخليا الجيران ميكشفوش البيت عندى كنت شيلتها وزرعت بدلها اى شجرة حد يستفيد منها
سيبك من الشجر اللى ملوش لازمه ازرع حاجه تستفيد او يستفيد منها الناس أحسن وتاخد عليها ثواب
يعنى مثلا انا عندى شجرة جوافه بغض النظر عن الطرح بتعها (الجوافه الصغيرة ) وكمان العصافير الل بتعشش فيها وتخلف فيها وتسمعك الحانها الورق بتعها ناس كتير بيطلبوه منى عشان ليه فوايد كتير للصدر والكحه وناس كتير جربوه وبيدعولى كتير عشان الل بيتباع بيكون ورق ناشف وملوش اى لازمه
مثلا شجرة الزيتون ودى برضو ورقها مفيد جدا فى ارتفاع الضغط والناس كلها بقى ضغطها عالى دلوقتى :w6266d
وعندى ليك امثله كتير ممكن اقولهالك لو تحب اقولك عليها غير الزيتون والجوافه يعنى هتسفيد بشكل وثمر وورق وناس هتدعيلك
وختاما روي البخاري أن رسول الله صلي الله عليه وسلم قال "ما من مسلم يزرع زرعا أو يغرس غرسا فيأكل منه طير أو إنسان أو بهيمة إلا كان له به صدقة" خلى بالك "صدقه" مش حسنة
ولو احتجت اى سؤال انا معاك :w6266d
اقول لحضرتك ممكن تتفق مع الراجل الل بتشترى منه النعناع وتخليه يجبلك شوية " بجذوره " ولما تروح اسقى الارض جامد واغرس جذوره فى الارض الل انت لسه ساقيها جامد اوى
بعد كده اسقيه كل يوم شويه او يوم ويوم فى الاول هتلاقيه دبل اوى وهتفتكر انه مات لكن بعد اسبوعين هتلاقيه جدد وبدأ ينتعش ويزيد :s1[1]:
وبعد كده بتقلقلش هوا بينتشر ويتمدد وياخد راحته ويملى المكان طول ما حضرتك مراعيه بالميه
احنا عملنا كده عشان اضمن ان النعناع الل هيطلع هو نفس النوع الل انا عايزه مش بذور وانا وحظى يطلع شكله ايه
فيه طريقه تانيه ناس قالولنا عليها لو الراجل مرضاش يجبولك بجذورة بتسقى الارض كويس اوى وتجيب العود وتنيمه على الارض افقيا (مش هتغرزه رأسيا زى اللى جاى بالجذور) بحيث ان العود يبقى مغموس فى الطين وباين جزء منه للهوا والشمس
وتراعيه طبعا بالميه وان شاء الله هيعمل جذور والعود الل نايم افقى ده هيطلع منه اربع او خمس عيدان بشكل راسى بأذن الله
بخصوص البلكونه اعتقد لو بتيجي عليها الشمس ساعه او اتنين فى اليوم ان شاء الله هينفع عشان النعناع مش بيحتاج الشمس بطول اليوم
انا عندى السور مضلل علي جزء اغلب ساعات النهار وحلوين وزى الفل :S_thum1[1]:
ولو احتجت اى حاجه انا تحت أمرك :w6266d
ماشاء الله على حضرتك
وفعلا الموضوع طلع مش صغير ... ومحتاج تجارب
انا هابقى اكلم عم /محمد ...اللى قال عليه .. د/خالد...وان شاء الله يكون راجل محترم وامين
ويجيى هو يعاين الجنينه ... واللى يقول عليه هعمله
بس بجد استفدت جدا من معلومات حضرتك...ودلوقتى بقى .... حضرتك هتبقى المرجع بتاعى ...عشان ساعة التنفيذ هابقى اقرفك معايا شويتين تلاته:w6266d
شاكر جدا لحضرتك متابعتك للموضوع...وربنا يجازيك خير
تحيــــــــــاتـــى ياباشاhttp://s122.photobucket.com/albums/o...owerysmile.gif