انا ممكن انصحك بحكم خبرتى المتواضعة فى الحكاية دى
اول حاجه انك تجيب حد عشان يقلب الارض كويس عشان يهويها وعشان تبان ؤدامه راجل فاهم اسمها عزق الارض
ثانيا الفيتامينات مش هيبقى ليها اى لازمة دلؤتى عشان كان المفروض انك تحطها من شهرين تقريبا دلؤتى احنا دخلنا فى الربيع والشجر كله تقريبا جدد خلاص
انت ممكن دلؤتى تحط كيماوى عادى لكن الفيتامينات بتتحط قبل موسم التجديد عشان تدى الشجر بعض العناصر زى الكالسيوم والبوتاسيوم وبعض العناصر المهمه
بخصوص تنظيم الجنينه
انصحك تزرع حواليها ريحان ودى صورته
http://www3.picturepush.com/photo/a/...8%28011%29.jpg
ده هيديك شكل حلو وفى نفس الوقت رحته بتبقى جميله جدا
بس حاول انك تدور على " البلدى " حتى لو غالى شويه عشان فيه نوع تانى نفس الشكل بس ريحته مش بتبقى قويه اوى زى البلدى
وبمجرد ان شجيرة واحده تكبر عندك ممكن تاخد فرع منها وتزرعه ويطلعلك شجيرة جديده
بخصوص النجيله بلااش دى وباااااااااااااااء ومش عارف اتخلص منها عندى ابدا وتمتص كل الغذا الل فى الارض
هنصحك بقى نصيحه بمليون جنيه
بدل النجيلة ازرع نعناع بلدى
انا نزلت صورتهولك دلؤتى ودى صورته
http://www2.picturepush.com/photo/a/...9%28003%29.jpg http://www4.picturepush.com/photo/a/...9%28002%29.jpg
معلش الصور مش تمام اوى عشان بقالى أكتر من شهر مطنش الجنينه خالص
النعناع ده جااااااااااااااااامد جدا اولا شكله أحلى من النجيلة
ثانيا ريحة روعه وخصوصا لما تنزل تسقيه هتشم احلى ريحه ممكن تشمها
ثالثا لما تقطع منه عودين وتحطلهم على الشاى هتشرب احلى كوباية شاى شربتها فى حياتك وهتحس بأنتعاش عجيب
السبب ان الزيت الل فى النعناع من الزيوت الطياره يعنى مش بيفضل كتير فى الورقه بعد ما تنقطف وطبعا كل النعناع الل احنا بنشريه بيكون فات على قفطفه مش أقل من 6 سعات تكون أغلب الزيوت الل فيه طارت
انا ليا اصدقاء بيجولى مخصوص عشان يشربو شاى عندى :w6266d
يارب اكون اقدرت افيدك برأى