نمره معرض زغلول موتورز 26248625
عرض للطباعة
نمره معرض زغلول موتورز 26248625
[QUOTE=enas75;836733]نمره معرض زغلول موتورز 26248625[/Q
لسة مكلمة دلوقتي بس قلي ان كل اللي عندة اتباع .. وفضلها كمان اسبوعين
:K_crying[1]:
مدام ايناس ما قلتلناش انطباعك ايه عن العريبه ؟؟ظ
انطباعي كالاتي( تققيم نسائي:s1[1]: تلكيكي من الدرجه الاولي علي راي جوزي)
-كل حاجه قال عليها المهندس غازي بالظبط بالاضافه للاتي (شويه عيوب من تلكيكات الستات)
1-العفشه ناشفه جدا جدا جدا ( انا عرفت الخليجي ليه بجنط 16)
اللي ناوي عليها يكون ظهره سليم والي ناوي عليها لوالده او والدته يفكر شويه
او يعمل حسابه انه يبقي يغيره في اقرب فرصه...........
طبعا ياريت حد من اللي جاب اللي بجنط 16 يقولنا ايه اخبار العفشه
2- الرؤيه الخلفيه منعدمه ....تعتمد علي السنسور بارك + الحاسه السادسه
الشنطه عاليه وتعيق الرؤيه اخرك تشوف الطائرات والعصافير
علي فكره انا طولي 168 سم وجوزي 185 يعني طوال ورافعه الكرسي علي اخره
3- الفرامل عندي بتقفش بسرعه (بس يمكن لسه متعودناش علي بعض)
4-لما بمشي في الشارع بسمع صوت احتكاك العجل بالطريق عالي ( مش قلتلكو ست وحتلكك:049:)
بالاضافه ان النقشه بتلم الظلط اللي في الشارع ( مكونتش عارفه ان شوارع مصر مليانه ظلط بالكميه دي) بس الاصوات مسليه
5-بما اني بركن في الشارع لاحظت انها اعرض من العربيات شويه مش جامد قوي المقارنه كانت مع نوبيرا ورايا ولانوس قدامي
دي تقريبا الحاجات اللي ضايقتني ولفتت نظري
المميزات
العربيه كويسه جدا سلسه في الحركه التابلوه منظم ...
التكييف عندي حلو وبيسقع كويس بس مش حقدر احكم عليه نهائي لان الجو لسه كويس
طبعا ده تقييم مبدئي لان العربيه لسه مبقلهاش يومين معايا...كل ماحيحصل حاجه حبقي اقولكم
الف مبروك على العربية ربنا يديك خيرها ويكفيكى شرها
وحلو الانطباع والتقيم النسائى على العربية
متابع معاكى كل مايستجد من انطبعات
ربنا يبارك لك فيها ولا تنسى ان تستخدميها فى مشاوير خير او بنية خير (صلة رحم - مساعدة..................)
مش عارف انا قلقان من موضوع العفشة فتقريبا جميع أعضاء المنتدي اشتكوا من العفشة حتى اللى معاه الجنط ال 16
بصراحة مش عارف هل ده عيب يخلى الواحد يعيد النظر تانى فى العربية ولا ايه
1000 مبووووووك يا ايناس على العربيه ربنا يباركلك فيها و يكفيكي شرها
انانا شايفه اللون البتنجاني حلو اوي وهادي انا معايا ال Sx نبيتي ممكن نبدل لو زهئتي :)
و خلي بالك ولنتي سايقه لحسن ابنك يلعب في النلات زي ما ابني بيعمل و سعات بيشد الهاند بريك :(
مبروك مره تانيه
الله يبارك في حضرتك وشكرا ليك
ربنا يبارك فيك ......وشكرا علي النصيحه وحعمل بيها ان شاء الله
انا راي تعملها تست درايف عند التوكيل وتجربها وتشوف الموضوع فارق معاك ولا لا
بس هيه ناشفه
الله يبارك فيك ياايمان ...انا بصراحع بربط العيال وراء في الكنبه علشان اريح دماغي
من شغل القرود
علي فكره انت ساكنه في النزهه الجديده ...اصل انا شفت العربيه النبيتي في الشارع عندي بس انا في اخر الشارع
ساعتها ممكن نبقي نبدل
موضوع العفشة دة فعلاً غلطة كبيرة جداً من الشركة، أنا قبل ما أفكر أجيب العربية دي اتكلمت مع ناس كتير أوي من سوريا علشان العربية دي نازلة عندهم بقلها مدة ونظراً لتقارب الظروف الإقتصادية بيننا.
و دة وصلني لعدة نتائج:
١- إلناس إلي ساكنين في مدن تتميز بنظافة الشوارع وعدم يجد حفر ومطبات فرحانين أوي بالجنوط ١٧" وشايفين انها بتدي ثبات وهمي خاصةً إن عندهم ESC
٢- الناس الغلابة إللي ساكنين في مدن مكسرة زينا كدا بيعملو حاجة من اتنين، بيجب إل-١٦" أو بيغيرو إليايات
وده مش إختراع ولا حاجة كل إلشركات إلكبيرة زي BMW و-mercedes و-ford لما بينزل من عندهم لدول إلشرق إلأوسط سيارات ذات جنوط كبيرة بشكل يخلي نسبة إرتفاع إلكاوتش صغيرة مقارنةً بعرض إلمداس، بينزلو نوع من إليايات (مش هعرف أقول إسمه علشان هاخد طرد من إلفورم بتهمة إلتلفظ بألفاظ نابية) وده مصمم مخصوص لتركب اطارات منخفضات إلإرتفاع أو اطارات رياضية لسيارات إلمدن بيخلي إلعفشة متدبش أو تتنطط على إلمطبات
اخر خبر يا جماعة ما فيش عربيات جاية الشهر دة خالص المركب اتاخرت و التسليم مش اقبل 1/7/2009 و عليكم خير و ربنا يدنا و يديكم طولة العمر و نلحق نستلم خلال 200 سنة ان شاء الله و على فكرة التوكيل دة اثبت بما لا يدع الشك انهم اى كلام مجموعة من الهواة و مالهومش كلمة وشغالين بالبركة و لا احتراف و لا حاجة خالص و هى دى توكيلات مصر و حسبى الله و نعم الوكيل.