ايوا برافو عليكي انا ساكنه فعلا في النزهه الجديده في اول الشارع ياريت نكون اصحاب و ممكن نبدل العربيه على حسب اللبس. :s1[1]:
عرض للطباعة
يا ركة دعا الوالدين ويا شماتة ابلة ظاظا فيا مش هنستلم قبل 7 حسبى الله ونعمة الوكيل انا اتخنقت من الشركة دى مالها البى ام المستعمل وحش عربية زى الفل انا خلاص قررت ان ازهد الحياة واعد فى البيت لحد ما استلم العربية:stink[1]: ويارب صبرنى وصبر كل الناس الحاجزة:stink[1]::120146b
وياترى يا استاذة ايناس اخبار العربية معاكى دلوقتى اية انا بطلب من حضرتك انك تطمنينا عن البتنجانة عاملة اية معاكى بعد ما مشيت شوية ويا ترى العفشة عاملة اية ارجو الافادة
بص العفشه بقت احسن كتيييير بعد ماظبطت الهو
وكمان انا اتعودت عليها مش بتحس بانها ناشفه الا لو طريق مكسر .....غير كده كويسه
السحب بتاعها تحفه ماشاء الله عليها.....وبتجمع كويس ...بس بصراحه انا ما قرصتش عليها لسه
جوزي لما ساقها( هو بيسوق متسوبيشي اتوماتيك) علق وقالي انها بتسحب احسن من الميتسوبيشي وكان مستغرب جدا وكمان تكييفها اقوي من بتاع الميتسوبيشي
البنزيين تقريبا 20 لتر عمله 250 كم ( مشاويري كلها زحمه وسواقتي جامده ومشغله التكييف) بالاضافه ان كذا حد قالي ان الوضع كمان حيبقي افضل بعد 2000 كم في الاداء ...هو فعلا بيتحسن كل شويه واستهلاك البنزين حيبقي افضل
الكاسيت تحفه وصوته كويس جدا
العزل ممتاز
استغربت قوي من حد كان قال ان صوت الموتور عالي ....انا مش بحس بيه
ثبات العربيه رائع بجد ...جربت غرزتين كده في صلاح سالم ولقيتها متجاوبه وفي نفس الوقت ثابته
العربيه جامده وتقيله علي الطريق
الباور هيدروليكي بصراحه انا مستريحه معاه قوي .....لان سواقتي جامده علي السرعات منخفضه وعاليه
معرفش لو كهربا كان زماني ماسكه الدركسيون برعب
العربيه واسعه قدام وورا( انا طولي 168) وبحب اسوق وانا بعيده عن الدركسيون يعني مرجعه الكرسي ورا والي بيقعد ورايا بيبقي مستريح
الشنطه واسعه وحلوه
ليا تعليق اخير مع اني ظهري بيوجعني باستمرار( اصابه من زماااااااان) الا ان كراسي العربيه مريحاني قوي
مع انك اول ماتركب تحسه ناشف الا انه مريح( الحمد لله)
فرش العربيه عاجبني وبالذات الخياطه الحمراء الواضحه عامله شياكه ....بعد ما كنت حركب فرش اجلت الموضوع شويه
المالتي فانكشن ظريفه مع اني لسه بتحكم في الكاسيت منه مش من الطاره(شفتو الخيبه)
حتي الان ادائها راضيننني جدا ومحصلتش حاجه تضايقني......واتمني من الله دوام الحال
ألف مبروك.
ربنا يباركلك فيها و يحفظهالك من كل سوء.
ما شاء الله يا مدام ايناس على العربية ربنا يباركلك فيها ويكفيكى شرها ويديكى خيرها وطمنتينى على العربية لان دى اول مرة هركب كورى صحيح انا معايا فيرنا بتاعة جوز اختى بس عربية ولا تساوى فلوس وميرسى على المعلومات القيمة دى وحضرتك وكل الناس الى هنا حببتنى فى العربية واقتنعت بيها وربنا يكرمنى واستلم لان الحياة بقت وحشة without cerato وميرسى اوى اوى اوى اوى وعقبال يارب ما تغيريها بال bmw ونكون اول الناس الى تباركلك عليها وتبئى تدينى لفة دا بعد اذنك طبعا
ربنا يخلي جضرتك.....مانت كنت السبب في اني اشتريها من تقريرك الجامده
الله يخليك ويباركلك في عربيتك وتستلمها قريب وتعملنا تقرير جامد عن الهاي لاين
شكرا لحضرتك ويبارك لكي
فيرنا مين دي ماتتقارنش بهيونداي نفسها......
ويارب تطلع العربيه عند حسن ظنك(وماتدعيش عليا:_Alshmokh22[1]:...انا ماليش دعوه ....)
ويارب يصدقو ويلغو جمارك العربيات علي الاوروبي وساعتها حتلاقوني في منتدي....بي ام
وحدي كل الحبايب لفتين ....ان شاالله ما حد حوش:Oc_sun1[1]: