لماذا كل هذا الإستخفاف

**ainshouka** · 08-05-2009 02:38 PM

لا أفهم لماذا كل هذا الإستخفاف بعقول قراء الجرائد وخاصة أخبار السيارات التى توزع مع الجرائد وخاصة مع إعلانات السيارات الجديدة التى تنزل إلى السوق وفى كل مرة نجد أن الصحفى الذى يكتب عن تجربة قيادة أى سيارة بيكون مجهز اسطمبات وفى كل مرة يحط اسم عربيه جديدة
ونفس الاسطمبة بنقراها كل اسبوع بس اللى بيتغير اسم العربية
وكل مره يقول ان العربية دى هى الأولى فى فئتها والاسبوع اللى بعده يقول أن التانية هى اللى الأولى فى فئتها

والآن أقرأ فى ملحق السيارات للأهرام إعلان عن رينو كليو السيمبول الجديدة وبص الإعلان بيقول ايه
كليو سيمبول الجديدة الإختيار الذكى رائدة فئة 1400 سى سى لإحتوائها على المواصفات الآتية
باور ستيرنج...سنتر لوك بريموت كنترول...2 مرآه كهرباء....مصابيح ضباب أمامية...تكييف هواء...4 زجاج كهرباء...وسادة هوائية للسائق....راديو سىدى مع ذراع تحكم بعجلة القيادة

هل بذلك اصبحت الاختيار الذكى الحاجات دى اللى لسه بيسموها عندنا أوبشنز وكماليات فى العربية أصبحت حاجات قديمة يعنى الواحد يتكسف انه يعمل إعلان فى الجرنال يكتب مواصفات زى دى وأنا عارف أن القراء اصبح لديهم وعى وعارفين ان الحاجات دى مبقتش اسمها كماليات ولكن لسه الجرايد مصممة انها تسميها كماليات

وبقيت أحس إن كل العربيات فى مصر كلهم زى بعض معدش فيه أى فرق إلا فى سعة الموتور بس والشكل الخارجى والباقى ضحك على الذقون
والصحفى يكتب ازاى ان العربية واسعه من جوه ويجيبلك فى الصوره قدام العربية اسره مكونه من 3 افراد وعيل ويوضحلك ازاى ان العربية استطاعت انها تشيل كل العيلة دى!!!!!!!
وشنطة العربية اللى بتساع 3 شنط سفر!!!!!!!!!
وازاى هى مدعمة بقضبان من الفولاذ وانت لو حطيت عليها ايدك تنثنى !!!!!!!!!
وازاى ان العربيات دى اجتازت اختبارات الامان فى بلاد بره
بس هل المواصفات بتاعة بلاد بره هى هى نفس المواصفات اللى بتجيلنا هنا!!!!!!!!! أشك

معلش الواحد طول عليكم بس بصراحة الواحد زهق من الإستخفاف اللى بنقرأه كل أسبوع

والسلام عليكم ورحمة الله وبركاته

**ابوهاشم** · 08-05-2009 02:46 PM

هو الموضوع كله متحضر وجاهز من 15 سنه
بس بيغيرو العنوان
الصحافه مش فاضيه تغير الموضوع كله
وبيعتمدو على ان اللى بيقرا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟

**abo_hosni** · 08-05-2009 03:44 PM

كتير قوي اللي بيكتبوه في الملحق ده!!!!!
محتوى المقالات لا يتعدى كونها إعلانات مدفوعة، تفاهات، زن على الودان لغرض ما ، أي كلام يتم كتابته أثناء تقشير البصل و كده

شوفوا الموضوع ده
يا ترى جهل أو مقصود ما كتب في الأهرام عن بنزين 80 و 90

و الرسالة دي من أسبوعين و التي أفرد لها الكاتب عاموده الأسبوعي.

و ده تعليقي على نقاط المقال
أولاً: عنصرية و طبقية
ثانياً: فكر اشتراكي ولا شيوعي
ثالثاً: بيضحك على نفسه
رابعاً: معقول شوية
بعدها و في آخر 8 أسطر: أستاذ دكتور في الاقتصاد الزراعي يتحدث عن أمراض الشريان التاجي و الجلطات!!!!! + بيقول "الوقود غير الجيد الذي تستخدمه معظم السيارات التي تجوب شوارعنا الآن" ما هو نوع هذا الوقود يا ترى؟؟؟؟؟

**Imhotep** · 08-05-2009 04:14 PM

كلها اراء مدفوعة الاجر..... المشكلة ان طبيعة الناس اللى بتشترى هى اللى بتشجع هذا النوع من المرتزقة لان فى ناس كتير مبتعملش البحث الكافى اللى لازم تعمله قبل ما تشترى عربية، و ابسطها انى اعرف انا عايز ايه من العربية اللى هشتريها...... ناس كتير بتشترى لان فلان اشترى هذه السيارة او تلك، او لمجرد شكل العربية اللى عاجبهم او للسعر..... وبالتالى فمثل هذه الاراء المأجورة مخصصة للتأثير على الناس اللى بتشترى و خلاص بدون دراسة...... يعنى المسألة برضه مسألة وعى الى حد كبير......

**amrico** · 08-05-2009 04:20 PM

المشاركة الأصلية كتبت بواسطة mahora

كلها اراء مدفوعة الاجر..... المشكلة ان طبيعة الناس اللى بتشترى هى اللى بتشجع هذا النوع من المرتزقة لان فى ناس كتير مبتعملش البحث الكافى اللى لازم تعمله قبل ما تشترى عربية، و ابسطها انى اعرف انا عايز ايه من العربية اللى هشتريها...... ناس كتير بتشترى لان فلان اشترى هذه السيارة او تلك، او لمجرد شكل العربية اللى عاجبهم او للسعر..... وبالتالى فمثل هذه الاراء المأجورة مخصصة للتأثير على الناس اللى بتشترى و خلاص بدون دراسة...... يعنى المسألة برضه مسألة وعى الى حد كبير......

وده اللي منيل الدنيا ومالي مصر لانسر بومة بشكل فظييييييييييع

**shafey** · 08-05-2009 04:42 PM

المشاركة الأصلية كتبت بواسطة amrico

وده اللي منيل الدنيا ومالي مصر لانسر بومة بشكل فظييييييييييع

انا من زمان و نفسى اعرف انت بتكرة الانسر البومة اوى كدة

**PoweRPassioN** · 08-05-2009 04:49 PM

انا من زمان و نفسى اعرف انت بتكرة الانسر البومة اوى كدة

ما تحاولش معاه

**ainshouka** · 08-05-2009 05:11 PM

وبعدين الراجل صاحب الاعلان دا نسى يوضح أن العربية فيها زجاج أمامى وزجاج خلفى وبها دركسيون مدور ويكتب مميزات أن الدركسيون مدور مش واخد أى شكل تانى وبها أربع أبواب

وكفاية والله أنى من الإعلانات التى قرأتها أن كان واحد كاتب عن تابلوه عربيه المميزات أنها بها عداد سرعه وعداد Rpm ومبين بنزين ومؤشر حراره

المشكلة أن أحنا عاوزين معلومات حقيقية عن السيارة المعلنة معلومات عن القيادة والثبات مش كلام زى اللى بيكتبوه سد خانة

**ابو حسين** · 08-05-2009 05:26 PM

المشاركة الأصلية كتبت بواسطة ainshouka

وبعدين الراجل صاحب الاعلان دا نسى يوضح أن العربية فيها زجاج أمامى وزجاج خلفى وبها دركسيون مدور ويكتب مميزات أن الدركسيون مدور مش واخد أى شكل تانى وبها أربع أبواب

وكفاية والله أنى من الإعلانات التى قرأتها أن كان واحد كاتب عن تابلوه عربيه المميزات أنها بها عداد سرعه وعداد Rpm ومبين بنزين ومؤشر حراره

المشكلة أن أحنا عاوزين معلومات حقيقية عن السيارة المعلنة معلومات عن القيادة والثبات مش كلام زى اللى بيكتبوه سد خانة

**smax** · 08-05-2009 05:36 PM

انا معاك في النقط الاولي بتاعت المقالات الاعلانية "press ad" ان المفروض رأي المحرر يكون رأي حيادي عن تجربة حقيقية للعربية يكتب فيها مميزات العربية و العيوب كمان مش تكون اسطنمات جاهزة,
بس طبعا الشركات بتكون دافعة تمن المقال الاعلاني و علي فكرة دة رسمي يعني مش رشوة و مش في مصر فقط دة في العالم كلة.
موضوع الاعلان علي العربية طبيعي لازم يكتب انها احسن عربية في الدنيا و لا هيقول تعالي اشتريها علشان دية عربية وحشة و كمان بيكتب الكماليت علشان يشجع الناس لان في لحد دلوقتي عربيات بتنزل تكييف و باور فقط ذي الفيرنا اللوجانى ......و في كمان مفيهاش حاجة خالص زي اللادا و الماروتي.