تسقيط موتور ل 504

**MaZaGAngeE** · 08-05-2009 03:57 PM

ايه الموتور اللي ممكن أجيبه ل بيجو 504 ؟
و ايه سعره ؟ مواصفاته ؟
و كام حصان و هيديني سرعة كام ؟

أنا شفت عربيات مسقطة مواتير ديزل بس كان أغلبها تاكسات و مسقطين مواتير شيفورليه النقل

**mrghost** · 08-05-2009 08:23 PM

وبيسقطوا مواتير تويوتا ديزل برضه

**pro_samir** · 11-05-2009 10:36 PM

مش الكلام دة ممنوع دلوقتى و لازم تسقط موتور من نفس الماركة ؟

**mohammed_2000** · 15-05-2009 06:00 AM

تجلها كدة تجبها كدة ( علي رأي الميكانيكي بتاعي عم أحمد -*- يا بية الخواجة إلي عملها قال هي كدة يبقي لازم تفضل علي حالتها زي مالخواجة عملها -*- ) ومن أقوالة المأثورة معي أيضاً ( هي الست العجوزة تجري زي الصبية برضو ولا إية يا بية ) .... حكيم زمانة سيتو .... .

**ice206** · 17-06-2009 05:33 AM

هوه فيه مواتير كتير قوى تقدر تركبها على 504 انا عن نفسى كنت بفكر اسقط ماتور الدبانه او ال 316 المتورين دول يركب فى البيجو بس هيه المشكله فى المرور .. بس انت تقدر ترخص العربيه 5 سنين قدام مثلا ولو اكتر يكون احسن وتسقط الماتور الى انته عاوزه بس طبعا هتشل الماتور القديم بتاعك معاك مش هتبيعه وتكون حريص جدا ان رخص العربيه متتسحبس فى اى حاجه فيها فحص عشان متروحش تفحص وبعد ما فتره الترخيص تخلص تركب الماتور القديم وتفحص وترجع تركيب الجديد .. ده حل متعب طبعا

الحل التانى بقى انك تستورد ماتور 505 الاوروبى لل 505 الكوبيه 2000 cc انا دورت على الماتور ده كير قوى ومعرفتش اوصل

الحل الاخير .. يكون نفس ماتورك بس تدور على وش سلندر 2 كامه 16 صباب يركب على اماتور وتغير الفتيس والكروته ونظام الكهربه الى فيها
ديه كل الحجات الى فكرت انا فيها .. واتمنى انك ترسى على حل ..

**noni67** · 17-06-2009 12:50 PM

كل الكلام ده ما ينفعش عن تجربة اللى يركب على الجير بتاعك بدون تعديل او بلاطة محرك ال 604 السته سلندر v هيركب على طول

**Ashraf_Ashraf** · 17-06-2009 12:57 PM

المشاركة الأصلية كتبت بواسطة noni67

كل الكلام ده ما ينفعش عن تجربة اللى يركب على الجير بتاعك بدون تعديل او بلاطة محرك ال 604 السته سلندر v هيركب على طول

الكلام ده صح تمام واى محاوله تسيقط موتور نوعه مختلف عن البيجو وتمشى بيه وبعدين ترجع موتورك الاصلى عند الفحص لو اتمسكت فىها سجن لانه تغيير شئ جوهرى فى السياره طبقا للقانون