النترا ولا لانسر؟؟؟

**hishamkenawy** · 10-05-2009 11:32 AM

لانسر1600 اتوماتيك توازى الينترا بس انا اميل لليابانى
من عيوب الينترا انا البور كهرباء ودة على السرعات العالية مش كويس لانة المفروض لما السرعة تعدى 120 يفصل اتوماتك ولكن فى الالنترا ساعات مش بيفصل

**popzzzzz** · 10-05-2009 04:28 PM

المشاركة الأصلية كتبت بواسطة mohamedway

أقرص على نفسك شويه و هات الانترا أتوماتك............أتوماتك عشان البلد بقت مقرفه فى الزحمه و النترا عشان متورها أقوى حتى من الانسر ال1600 و مش هتحس ان الأتوماتك خانقها خالص و ما تقلقش خالص من ناحيه العمر الإفتراضى لأن الانسر ليست أفضل منها زى ما إنت فاكر من الناحيه ده و كمان الإلنترا أنعم (على فكره انا معايا لانسر 1600 مانوال) عشان متفتكرش انى متحيز للإلنترا و لا حاجه بس كلامى ده عن تجارب ناس كتير جدا بس نصيحه هاتها وكيل(غبور) عشان الضمان و تضمن انها كورى عشان سمعت ان فى منها هندى دلوقتى و حاجات غريبه كده.

أه فى حاجه كمان ........... فرامل الانسر البومه كلها 1300 و 1600 فيها عيوب و فرامل الإلنترا أحسن و على ديسكات من ورا..... يعنى مبتترجلشش.

استاذ محمد انتى كلامك صح مية فى المية وشكلك بتحب العربيات وبتفهم فيها لان فهلا الالنترا احسن من الانسر فى كل شىء غير كلمة واحدة (يابانى)

**popzzzzz** · 10-05-2009 04:31 PM

المشاركة الأصلية كتبت بواسطة hishamkenawy

لانسر1600 اتوماتيك توازى الينترا بس انا اميل لليابانى
من عيوب الينترا انا البور كهرباء ودة على السرعات العالية مش كويس لانة المفروض لما السرعة تعدى 120 يفصل اتوماتك ولكن فى الالنترا ساعات مش بيفصل

ممكن اعرف انتى عرفت منين ان البور مش بيتقل لانة هو اصلان مبيفصلش هو بيتقل كل ما السرعة متزيد ولو كلامك صح يبقى عند سرعة 119 خفيف وبعدية على طول بعد كيلو بيتقل

**ibrnassar** · 11-05-2009 09:44 AM

انا كنت واقع فى نفس الحيره قبل ما اشترى عربيتى من 9 شهور لاكن فى الاخر فضلت عربية متجربة بقالها سنين فى السوق و سمعتها حلوه اعتمادية و اعادة بيع بسهولة بالاضافة انها يابانى مش كورى فجبت لانسر 1600 سبورت

**tarekabosdera** · 11-05-2009 04:25 PM

والله انا شكلي كده هرسى على الانترا .

رأي الأغلبية بيقول النترا وانا بصراحة مرتاحلها اكتر .

وفكرة ان ده كوري وده ياباني انتهت من كام سنة.

دلوقتي بعض الفئات من هيونداي بتتفوق على مثيلاتها من تويوتا في التقارير الرسمية من جهات موثوق منها!!!

فاذا كانت الانترا تفوقت على الكرولا كقيمة في تقرير الكونسيمر الأمريكي لعام 2009 !! افكيد هتتفوق على اللانسر.

**MAX_PIN** · 11-05-2009 11:49 PM

اللانسر عربيه اعتماديه تشغل وتركب وتمشى
مع ابن خالى لانسر 1300 مانيوال 2007 مطلع عينين الى جابوها مش عاتقها وميعرفش حاجة اسمها توكيل ولا صيانه مفيش غير الزيت وشوية حاجات بسيطه الى بيكشف عليها بس
ومشاء الله شغاله معاه زى الفل لحد الان
من الاخر اللانسر عربيه اعتماديه
وربنا يوفقك لما فيه الخير

**ahmed_gouda** · 17-05-2009 04:35 PM

لا ياباشا انت لو عاوز تجيب عربيه هات النترا و مع احترامي لاراء الناس كلها فيه كذا نقطه :

1 - حكايه كوري ولا ياباني انتهت من زمان زي ماقال احد الاعضاء الكرام .
2- انا عامل موضوع عن الفتيس بتاع الانسر اللي معايا اتمني ان حضرتك تقراءه .
3- ماتقولش لا انا حاخد بالي و اغير الزيت مهما كان ما بيتصلحش لانه cvvt .
4- الحمد لله محدش اشتكي من فتيس الالنترا خالص لغايه دلوقتي .
5- انا معاك ان نصيبنا ان احنا وقعنا في غبور بس كدا كدا معظم الناس بتجيب خليجي عشان airbags , abs
6- ممك لو انت عاوز تشتري العربيه خليجي الكامله ب 109000 و ضمان ب 2000 من عند سمير ريان
7- اختلاف الراي لا يفسد للود قضيه .

**nobody** · 17-05-2009 06:09 PM

النترا طبعا كفاية التكييف بتاعها بصراحة تكييف اللانسر يعتبر مروحة جنب تكييف الهيونداي
على فكرة انا معايا لانسر 1600

**Islam Amer** · 17-05-2009 07:35 PM

الالنترا احسن

**محمد عبد المجيد** · 17-05-2009 10:18 PM

مع انى ماسوقتش الانترا قبل كده بس بصراحة كل ما اشوف الانترا محملة ركاب ورا احس انها واطية جدا على الارض
وتكاد تلمسها خصوصا فى المطبات - متهيألى دى مشكلة فعلا تتاخد فى الاعتبار
لو ناوى تركب فيها عيلة كبيرة خصوصا فى شوارع ومطبات مصر اللى ما بتخلصش

الموضوع: النترا ولا لانسر؟؟؟

LinkBack

أدوات الموضوع

عرض

-

-

-

-

المواضيع المتشابهه

لانسر ex ولا النترا

النترا ولا لانسر

لانسر 1600 - لانسر شارك - نيو سيراتو - النترا

لانسر ولا النترا

لانسر ولا النترا

الكلمات الدلالية لهذا الموضوع

المفضلات

المفضلات

ضوابط المشاركة