ليه ما نركبش تيربو ونيتروس في الجين 2 ؟؟؟؟؟

**m.3abdel3al** · 09-05-2009 12:16 AM

يا جماعة انا جت في دماغي فكره مجنونة اوي وهي لا ما اركبش تيربو ونيتروس للجين 2 ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مع ان العربية في ماليزيا بتخش ريس وكدا يباه اكيد فيها الحاجات دي
ليه ما يباش فيها الكلام دا

هدر

سوست و مساعدين رياضية

طنابير فرامل مخرمة

تربو

nos

تم استعارة الصور من موضوع الاستاذ م.ممدوح في قسم التعديل

**momenhamdy** · 09-05-2009 12:48 AM

طبعاً احيك علي الفكره يا محمد

بس تفتكر كل الناس حتستعمل التعديلات دي بعقل
و انت بنفسك قولت بيستحدموها في ال Race مش اكتر

بصراحة يا محمد الحوارات دي لو مستعملتهاش بعقل و عرفت انت بتعمل ايه انسي العربية اقل كلمه اقدر اقولهالك ان العربيه حتضمر بالتأكيد

و بيني و بينك مفيش احسن من ال STOCK ( الاشياء الاصليه للعربية ) فاهمني

و تقبل تحياتي

**m.3abdel3al** · 09-05-2009 02:09 AM

عمر ال stock ما كان احسن حاجة لو ال stock احسن حاجة ما كانش حد عدل في عربيته !!!!!!!!!!!

**محمد فريد** · 09-05-2009 02:12 AM

وهل الموتور يتستحمل الكلام ده؟
الغاوى ينقط بطاقيته (لو معاك ليه لأ)

**m.3abdel3al** · 09-05-2009 02:34 AM

و ليه ما يستحملش يعني هو ولا الدايو و حاجات غريبه كده

**محمد فريد** · 09-05-2009 02:41 AM

يعم انا مقولتش حاجة :) :b4_611:
بس لعلمك بقى الدايو جامدة جدا وبالذات النوبيرا

**m.3abdel3al** · 09-05-2009 02:50 AM

بس مش احسن من الجين 2 وانا سوقت نوبيرا تقيله موووووووووووووووووووووووو ووووووووووووووووت على فكره بس ثبات بسم الله ما شاء الله تحس انك راكب مرسيدس

**محمد فريد** · 09-05-2009 02:55 AM

لا يبقى مشوفتش عربية احمد فهمى صاحبى
مجرد فلتر صينى ب 75 جنيه خلاها حاجة تانية
منكرش انها تقيلة شوية فى وسط البلد لكن على السفر حاجة تانية انا جبت بيها 200 مستريح
بس منكرش ان الجين 2 عربية طلقة وثبات اكثر من رائع (ما شاء الله)

**kloda** · 09-05-2009 03:01 AM

المشاركة الأصلية كتبت بواسطة mohamed_3abdel3al

بس مش احسن من الجين 2 وانا سوقت نوبيرا تقيله موووووووووووووووووووووووو ووووووووووووووووت على فكره بس ثبات بسم الله ما شاء الله تحس انك راكب مرسيدس

محمد انا عندي نوبيرا و ثباتها ضايع
هي جراية بس الجين سحبها احسن
النيتروس لو ركيبتوة هنا مش حتستفاد بية حاجة و اعتقد انو بيكون محتاج تظبيطات كتير اوي للعربية عشان تستحملو و حتي مع التظبيطات دي الموتور بيتعب و مفيش طريق حيستحمل النيتروس ولا حتي طرق السفر انت عارف الطرق عندنا عاملة ازاي
التظابيت الي انت قولت عليها قبل كدة جامدة ركز معاها احسن
و شد في الامتحانات الي علي الابواب دي
و ربنا يوفقك

**momenhamdy** · 09-05-2009 12:18 PM

المشاركة الأصلية كتبت بواسطة mohamed_3abdel3al

عمر ال stock ما كان احسن حاجة لو ال stock احسن حاجة ما كانش حد عدل في عربيته !!!!!!!!!!!

يا استاذي الفاضل التعديل ليه اوضاع معينه و نظام معين لازم يكون متبع للعربيه بأسلوب علمي

و اشهر الامثله علي ذلك فكره النيتروس .... الافضل لما تعمل تعديل علي العربيه انك تخلي البساتم Gold Plat لان انت اكيد عارف النتيتروس دا بيوصل درجة حراره البساتم لكام ؟؟؟؟
فلو انت مركب النيتروس علي البساتم ال STOCK بتاعت العربيه لازم عمر الموتور حيروح في دهيه بعد كذا مره من الاستعمال فاهمني

بالنسبة للتعديل في المجمل
التعديل دا مش بيكون في جزئيه واحده ... بمعني
انت النهارده بتفكر تعدل في المكنه او تجيب مكنه اقوي
بتشوف العفشه المناسبه للموتور دا .... الفرامل اللازمه لتوقف العربيه بالمكنه الي انت مركبها لانك لو عدلت مثلاً المكنه و العفشه و سبت نظام الفرامل عمر ما العربيه حتقف في الوقت الي انت عاوزه
و الي اهم من دا كله يا استاذي الشاسيه بتاع العربيه الي انت مركب عليه المكنه دي هل يستحمل كل التعديلات دي و لا لا ؟؟؟؟؟

التعديل يا محمد دي منظومه كامله مش حاجة واحده بنعدلها و بنسبها
و انا اعتقادي الشخصي الي يفكر يركب نيتروس لازم يغير البساتم بتاعت العربيه زي ما قولتلك علشان تستحمل درجة الحراره العاليه

انا عايز اقولك بس علي مثال توضيحي مش اكتر
انا في العماره عندي في جاري عنده جين 2 2006
اول ما جبها راح شايل الجنوط الاصليه و راح مركب 17" و وطي العربيه و بأت طياره و شويه حاجات عملها في الكبوت و فتحات كدا كأنه كبوت كاربون

المهم من كام شهر فكر يعمل عمره للعربيه .... لان العربيه بصراحة مبهدلها بمعني الكلمه
راح عامل ايه...... اول حاجة عملها راح شايل الجنوط الي هو كان مركبها و اشتري جنوط العاديه بتاعت موديل 2008 زي الي ركبا عندنا
عارف ليه هو عمل كدا ؟؟؟؟؟
لان منظومه التعديل مش مكتمله ....

و برده في اوبترا كانت عندنا في الشارع مركب جنوط تقريباً 18" و كاوتش ميقلش عن 205
و فجأه الشاب دا لاقيته ركب الجنوط الاصليه و الكاوتش بالحجم الاصلي للعربيه و راح مركب الطاسات الاصليه

مشكلتك يا سيدي الفاضل مفيش عندك في مصر ثقافه التعديل السليم

يعني انت عندك ماجيك ( هاني ) العربيه بتاعتوا بسم الله ما شاء الله ربنا يباركلوا و انا بشفها كتير
العربيه عامل فيها منظومه تعديل
جنوط و كاوتش عريض .... معدل في الكلاتش بتاع الفرامل و مركبه سبورت بيريمبو ... ووطي العربيه علشان الثبات لانه مينفعش الجنوط دي مع الكاوتش دا من غير ما العربيه تتوطي
حس ان العربيه تقلت سنه منه راح مركب فلتر سبور علشان السحب يكون اعلي ( بس برده في حمل زياده علي المكنه و دا علي حساب البنزين طبعاً و الاستهلاك )

تفتكر يا محمد كام واحد فينا عنده القدره انوا يحسب كل حاجة بيعدلها في العربيه زينا كدا صعبه شوية صح ... دا غير المصاريف و لا انت نسيت النقطه دي

تفتكر كام واحد ممكن يعمل كدا في العربية
عرفت ليه الناس بتقول ال Stock افضل .... علشان كل حاجة فيه محسوبه و كل الاجزاء متوافقه مع بعض الفكره مش ان العربيه تجري و خلاص الفكره تعرف توقف العربيه ازاي من علي السرعه الي هي عليها

و افتكر يا محمد في عربيه في السوق المصري مشهوره اوي اوي و من غير ذكر اسمها اكيد بتشوف الحوادث بتاعتها عامله ازاي
علشان الموتور و الفتيس قوي و لكن العربيه خفيفه و الفرامل اخف

في انتظار رايك
و تقبل تحياتي

الموضوع: ليه ما نركبش تيربو ونيتروس في الجين 2 ؟؟؟؟؟

LinkBack

أدوات الموضوع

عرض

ليه ما نركبش تيربو ونيتروس في الجين 2 ؟؟؟؟؟ - انشر الموضوع فى :

-

-

-

-

-

-

-

-

-

المواضيع المتشابهه

سؤال لاصحاب الجين 2 انا بس عايز اعرف الجين 2 عربية مكلفة ولا معقولة

يا احلى اعضاء الجين 2 انا عايز محتار مبين الجين ونيواكسنت 1600

مون تيربو ولا سماعتين

شكمان تيربو

اوبترا 2.0 تيربو

الكلمات الدلالية لهذا الموضوع

المفضلات

المفضلات

ضوابط المشاركة