ممكن أهل الخبرة يسعروا لى العربية دى فى أسرع وقت

**yaskhl** · 25-09-2007 08:33 PM

شاهين موديل 2002 عداد 116000 فابريقة بالداخل والخارج- مع وجود حادث فى الجزء الأمامى وتم تغيير الصدر والكبوت والرفرف الأيسر وتم رش جزء من الحوض خلف الكشاف الأيسر إلى منتصف الكارتيرة قبل المساعد وتم رش الرفرف الأيمن أيضا ولكن لم يتم تغييرة- تحتاج إلى أربع فرد كاوتش وبعض مرمات سروجى بالداخل- حالة الموتور ممتازة- وباقى السيارة بحالة جيدة جدا.ولا توجد كماليات.شكرا للإخوة الذين سيقومون بالرد.

**FASTER** · 25-09-2007 09:12 PM

لو العربية زي ما حضرتك بتقول وبدون تكييف وكماليات اعتقد انها متزيدش عن 37000 لو فول اوبشن برده متعديش ال39000 والله اعلم

**yaskhl** · 25-09-2007 09:31 PM

شكرا على الرد السريع. وهل السعر ده حتى لو رشه جزء من الحوض . وأحسن سعر يكون فيها كام؟

SS · 25-09-2007 10:14 PM

انا مش هاقدر افيدك اوى فى موضوع السعر بس رأيى انه بلاش منها من اساسه ولو السعر زى ما Faster قال يبقى تشترى موديل 97 او 98 بنفس السعر بس طبعا تكون اساسياتها سليمة تماما يعنى بالكتير تكون رشه بره.... وربنا يوفقك للخير ان شاء الله

**yaskhl** · 25-09-2007 10:19 PM

شكرا جزيلا للإخوة وجزاكم الله خيرا. عموم للعلما السيارة النهائى بتاعها 33000 جنية وطبعا ده سعر حلو ومحتار موش عارف اشتريها ولا هاتتعبنى لما احب ابيعها بعد فترة. معلش انا تعبتكوا معايا.

**sokasoon** · 25-09-2007 10:20 PM

هو حضرتك عاوز تبيع العربية ديه ولا عاوز تشتريها

لو حضرتك عاوز تشتريها ما انصحكش بيها خاااالص

**yaskhl** · 25-09-2007 10:22 PM

طيب هو الفابريكة برة وجوة منها بيعمل كام تقريبا؟

**FASTER** · 25-09-2007 11:18 PM

انا رأيي الشخصي انها لو معمولة بنظافة يبقي اتوكل علي اللة انما لو معكوكة يبقي هاتتعبك في بيعها شوية وفي كل الحالت حاول تشوف مقاسات الشاسيه في اي بنزينة محترمة علشان ممكن تكون الخبطة سمعت فيه

**yaskhl** · 25-09-2007 11:25 PM

ان شاء الله هو ده اللى هااعملة هاارفعها فى بنزينة محترمة واخد رايهم برضة فى البنزينة. وياريت لو حد يعرف بنزينة محترمة قريبة من المعادى يقول لى. ولو حد عنده راى تانى برضه ياريت يفيدنى. وكل سنة وانتم كلكم فى احسن حال.

SS · 26-09-2007 05:37 AM

انا رايى بلاش..خد حاجة سليمة حتى لو امكانيات اقل او موديل اقدم شويه وده عموما مع اى عربيه خليك فى السليم احسن على الاقل عشان لو حبيت تبيع ده غير المشاكل اللى ممكن تظهر بعد كده ... وربنا معاك.