الموضوع: كيا سيراتو ....مازدا3 2010 * المنافسة القادمة*

المشاركة الأصلية كتبت بواسطة Ahmed Samy

النهاردة العربية اللي كنت حاجزها وصلت و طلعت ناقصة المراية المعتمة و الفرامل اللي ورا طنابير و مافيهاش سينسور

و طبعا رفضت أخدها ...و التاجر حاول معايا و نزلي في السعر لكنى اضايقت منه جدا ...

و فعلا يا باشمهندس قعدت تاني في المازدا و ده اللي دار في خاطري :

" فعلا التصميم من جوا كلاسيكي أكتر من السيراتو و فيه دفء"
شكل العربية جميل جدا و الفانوس تحفة و خصوصا بالزينون"
بس برضه ....حكاية التوكيل و الضمان خوفتني و أنا مش بتاع بهدلة ورا العربية لو لا قدر الله حصل حاجة ..

الكنبة ورا مساحة الرأس ضيقة بس مش قوي و الموضوع مش فارق معايا دي بس ملحوظة

بس جربت حاجة بقى هي اللي خلتني أتراجع

جيت أحط العربية بتاعة مايا في الشنطة ما دخلتش ...و غلبتني جدا لحد ما حشرتها بالعافية و طبعا مش قادر ازق جامد لأن العربية زيرو ...بس أنا كنت كاسر عين الراجل و باتعامل براحتي ...

ملحوظة ...بنية باب شنطة المازدا أفضل بكتير من السيراتو و خصوصا المساعد اللي في الباب ...



و في النهاية قررت انني فكرت و اخترت اللي مناسب لاحتياجاتي

ولو ان المازدا جميلة جدا و well built car

بس دي أرزاق بقى

النهاردة ان شاء الله هانزل القاهرة أشوف سيراتو تانية غير اللي طلعت بمبة

ادعيلي

يا باشا ربنا يوفقك للصالح ، وطالما موضوع الشنطة في المازدا ده فارق معاك للدرجة دي ، رغم اني متأكد انها مش صغيرة خالص ـ لكن ممكن تكون صغيرة بالنسبة لأحتياجاتك ، بس بردو نصيحة صادقة جدا ، لو هتوصل أنك تدفع 133000 في سيراتو ، يبقى حرام عليك ، وفيه بدايل احسن بكتير جدا حتى لو هتزود شوية فلوس صغيرة ، ولو مش مناسبلك المازدا ، فيه بدايل تانية في نفس المستوى بتاعها ، عندك السيفيك ، وكورولا خليجي ، وغيرهم ، وكلهم عربيات جودة عالية وبرستيج عالي وشك وخامات وافضل مليون مرة من السيراتو ، وفي النهاية ، اسال الله ان يهيئ لك من امرك رشدا

المشاركة الأصلية كتبت بواسطة youssef_00

واكيد والله اعلم ان المازدا موتورها اشد من الكيا لان من زمان معروف ان المازدا سيارة رياضية.
اخوكم يوسف

للأسف يا يوسف
فكرتك عن موتور و أداء المازدا مش مظبوطة :

موتور المازدا :
105 حصان ....144 نيوتن متر

موتور الكيا
124 حصان 156 نيوتن متر

المشاركة الأصلية كتبت بواسطة a7mednour

يا باشا كتر الله خيرك وان شاء الله ربنا يوفقك وتختار العربية اللي تريحك وتبسطك وعسى ان أكون نلت بعضا من الدعاء في صلاتكم وتقبل الله منكم...
طبعا استاذي الفاضل الحاجات دي انا عارفها وجزاكم الله كل الخير وتسلم ايدك
بس هوة الاستفسار ان المواصفات دي موجود نفسها في التوكيل ولا الخليجي بس وخصوصا المرايا ذاتية التعتيم ونظام الفرامل
وبرده في استفسار غريب مش حرام تدفع 133 ألف في عربية ممكن تحصل عليها 126ألف ونفس الكماليات بل بالعكس انها هتكون مسؤولة من التوكيل وصيانتها هتكون سهلة ولا في فرق في الخليجي
في حاجة تانية بعد اذنك انا ملاحظ ان كل العربيات النيو سيراتو الشكمان بتاعها مستخبي جوة ومش ظاهر من ورا وايه حكاية الشكمان الخلفي الكروم

أسأل الله اني أكون خفيف على قلبك وربنا يكرمك وييسرلك الخير
تقبل احترامي

ربنا يكرمك و أسف اني ما وضحتش النقط دي ..
- عربية الخليجي تزيد عن الوكيل :
1 - السي دي تشاينجر 6 اسطوانات
2 - فتحة الشكمان الخلفية البارزة
3 - دواسات البدالات (الفرامل و البنزين و السندة) نيكل مش كاوتش
4 - حساس نور و مطر (مش أكيد من المطر موجود ولا لأ) و مش أكيد ان الوكيل مافيهاش حساس نور

العربية ليها ضمان سنتين أو 40000 كم

أما ليه بادفع 134 الف ....
لأسباب كتيرة :
أولا الوقت (الوكيل مش قبل شهر 9 بالمنظر ده
ثانيا الموديل (الوكيل 2009 و الله أعلم هايسلم 2010 بكام)
شوية الكماليات الزيادة و خصوصا التشاينجر و فتحة الشكمان

ده غير انى مش مستكتر عليها الفلوس لأني كنت بافكر في عربيات تانية أغلى و ماتستاهلش برضه ...فا مادام كده كده دافع ...يبقى أركب اللي أحبه بقى

المشاركة الأصلية كتبت بواسطة justs

يا باشا ربنا يوفقك للصالح ، وطالما موضوع الشنطة في المازدا ده فارق معاك للدرجة دي ، رغم اني متأكد انها مش صغيرة خالص ـ لكن ممكن تكون صغيرة بالنسبة لأحتياجاتك ، بس بردو نصيحة صادقة جدا ، لو هتوصل أنك تدفع 133000 في سيراتو ، يبقى حرام عليك ، وفيه بدايل احسن بكتير جدا حتى لو هتزود شوية فلوس صغيرة ، ولو مش مناسبلك المازدا ، فيه بدايل تانية في نفس المستوى بتاعها ، عندك السيفيك ، وكورولا خليجي ، وغيرهم ، وكلهم عربيات جودة عالية وبرستيج عالي وشك وخامات وافضل مليون مرة من السيراتو ، وفي النهاية ، اسال الله ان يهيئ لك من امرك رشدا

انا عارف يا باشمهندس ان حضرتك عاوزلي المصلحة و ده احساس جميل اشكرك عليه ...
لكنى ما ينفعش اركب عربية في شبهة انها واطية لأني مش من النوع اللي بيهدي على المطبات و يحسس و الكلام ده خاااالص .

و انا ما بحبش شكل الكوكو أساسا يعني ما بحبش أشوفها ماشية في الشارع

غير ان السيراتو معششة في دماغي لأني قريت كل كلمة عنها من صناعها و منافسيها و التقارير المتخصصة و العامة و بقالي فترة مش قليلة
و سوقتها و جربتها و العربية بجد تستاهل كل مليم

يعيبها فقط خاماتها الداخلية الفقيرة نوعا ما ولكن كل ما تقع عليه يدك هو من الجلد الجيد و ده مناسب ليا جدا

المشاركة الأصلية كتبت بواسطة a7mednour

بار ك الله فيك أخي ... بس على فكرة دواسات البنزيل والفرامل في التوكيل نيكل برده مش كاوتش والسيدي كمان على ما اظن تشاينجر6 والكلام ده من أحد الأعضاء الي استلمه
عموما ربنا يباركلك ويكرمك بيها وبكلامك ده ريحتني كتيير لأن كنت مقلق منها وخصوصا اني ناوي أجيب أعلى فئة الهاي لاين بس انا هجيبها ضمن التوكيل لأني بصراحة خبرة قليلة وماليش في وجع الدماغ والصيانة واللف الكتيير
الحاجة المضمونة من توكيلها بتكون أفضل من وجهة نظري

حاجة أخيرة لوسمحت لو حضرتك شفت الهاي لاين ...كنت عاوز استفسر عن الفرش الجلد وخامته هل مظهره أفضل بكتيير من الفرش العادي ولا الخامات برده على قدها
وجزاك الله كل الخير
بارك الله فيك ....

أنا ما شفتش الهاي لاين بتاعة التوكيل بعيني علشان كده مش هاقدر اناقشك و طبعا مصدقك ...يبقى تقريبا مفيش فرق

الفرش الجلد خامته كويسه ...مش زي بتاع الجيتا و الباسات طبعا هو أخف سنة بسيطة لكنه كويس و شيك بجد و هو اللي عامل معظم الشغل في الصالون ...

ده غير الإحساس الجميل لما تحط الكارت في جيبك و تفتح العربية و تدوس الزرار تلاقيها صحيت فجأة ...و تنور النور لنفسها في الضلمة ...

طبعا الحاجات دي موجودة في عربيات تانية زي الميجان مثلا بس في فرق سعر كبير و كمام في ميزة عن الميجان ...
انك مش لازم تحط الكارت في السوكت علشان العربية تدور كفاية انه في جيبك .

ولو بطاريته ضعفت ..تحطه في السوكيت (زي الميموري كارت بالظبط) يعني سويتة و يمسك و سوسته لجوا و يطلع

الكارت بتاعها شيييك قوي شبه بتاع الأوكتافيا و الجيتا

هو ده

http://www.kia-world.net/wp-......./...2008/08/12.jpg