كيا سيراتو ....مازدا3 2010 * المنافسة القادمة*

**a7mednour** · 15-05-2009 04:10 AM

المشاركة الأصلية كتبت بواسطة Ahmed Samy

حضرتك التنغيص هاتلاقيه موجود دايما بس انت لازم تثق في تقييمك و رأيك في العربية اللي هاتركبها انت و تقضي احتياجاتك انت ...

توكل على الله و قوللي هاتحجز و تستلم امتى يمكن اغير رأيي و أجي معاك الوكيل لو هايسلم بدري

أستاذي الفاضل انا تقييمي باخذه من الأخوة الأعضاء ومدى التقييم بيعتمد على مصداقيتهم ومدى الأمانة في التقييم
عموما انا باذن الله ناوي اني اجيبها على الصيف حتى على الأقل تكون انتشرت وظهر ما تخفيه... وحتى كمان يكون الهاي لاين نزل وموجود في المعارض والتوكيلات والواحد يقدر يقيمه بنفسه مش بتقييم أحد ... مع احترامي لتقييم كل الاخوة الاعضاء بس برده الواحد لما يحكم بعينه أفضل لأن كل واحد له ذوقه...
والعملية دي هتكون زي الكورولا بالظبط ... دلوقتي الموزعين العربية مرطرطة عنهم ... انا مثلا في الشارع عندي موزع النصر لتويوتا ما شاء الله كل ما اعدي الاقي عنده 3 ولا حاجة وكلهم هاي لاين ومن جهة أخرى لما انتشرت كتيير سعرها نزل يعني كنت بسمع انها كانت ب 165 الادفانسيد لكن دلوقتي انا سألت الموزع قاللي على 150 وفي ناس قالولي ممكن تنزل ل 145ألف
فياريت لما النيو سيراتو تنزل وتنتشر تخس و تنزل شوية حتى لو 5000 جنيه للهاي لاين
بجد هتكتسح جامد ...
وربنا يقدم اللي فيه الخير وطبعا انا يشرفني ان حضرتك تحجز معايا ونشتري مع بعض
بس انا بالنسبة لي عامل الوقت مش مهم .. لأن السيارة بالنسبة لي مش ضرورية خصوصا اليومين دول فلو حضرتك تنازلت عن الخليجي ... انا تحت امر حضرتك ونروح نشوف التوكيل ونشوف كمان بعض الأخوة الاعضاء ممكن يعملنا خصم كويس
وربنا يقدم اللي فيه الخير...
أسف على الاطالة وربنا يباركلك ..

**Bossy_Fadl** · 15-05-2009 05:50 AM

المازدا ممكن تكون احلي شكلا

بس هاي ما بيمنع ان النيو سيراتو شكلها يجنن

اكيد لما المازدا تنزل هتنزل اغلي بكتير من النيو سيراتو

ساعتها الشكل لحاله مش هيكون سبب كافي اني ادفع المبلغ ده كله بالمازدا

النيو سيراتو حققت المعادلة الصعبه

سعر مناسب مقابل امكانيات و كماليات سيارات في نفس الفئه و اولهم المازدا.

و العربيه بتنافس سيارات زي الكورولا و السيفيك و طبعا المازدا في الجودة و هيدا مش رايي هيدا راي الخبراء.

موضوع كوري و ياباني و اوروبي و الكلام ده مبقاش محسوس هلا زي زمان.

الكوريين شعب قدر يصنع عربيات ممتازة قد تتفوق في بعض الاحيان علي مثيلاتها اليابانية في نفس الفئة.

ممكن ناس تانية تقول ان لا طبعا و مش ينفع و كيف ممكن نقارنها بالمازدا او السيفيك علي سبيل المثال.

بس احب اقول ان العربيه هتديني نفس اللي هيديهوني اي عربيه من هادول.

و اسفه جدا فرق السعر ما يستاهل اني اشتري هاي او هاي او غيرهم.

لان مصر حرام تشتري فيها عربيه بالمبالغ دي و كفايه التخبيط و البلاعات و الشوارع الغير ادمية اللي بنتعامل معاها.

النيو سيراتو متل ما قلت حققت المعادلة

و كفايه الوكيل المحترم اللي كل ملاك كيا بيشكروا فيه

و تغور المازدا من وش وكيلها.

**Ahmed Samy** · 15-05-2009 05:59 AM

المشاركة الأصلية كتبت بواسطة Bossy_Fadl

المازدا ممكن تكون احلي شكلا

بس هاي ما بيمنع ان النيو سيراتو شكلها يجنن

اكيد لما المازدا تنزل هتنزل اغلي بكتير من النيو سيراتو

ساعتها الشكل لحاله مش هيكون سبب كافي اني ادفع المبلغ ده كله بالمازدا

النيو سيراتو حققت المعادلة الصعبه

سعر مناسب مقابل امكانيات و كماليات سيارات في نفس الفئه و اولهم المازدا.

و العربيه بتنافس سيارات زي الكورولا و السيفيك و طبعا المازدا في الجودة و هيدا مش رايي هيدا راي الخبراء.

موضوع كوري و ياباني و اوروبي و الكلام ده مبقاش محسوس هلا زي زمان.

الكوريين شعب قدر يصنع عربيات ممتازة قد تتفوق في بعض الاحيان علي مثيلاتها اليابانية في نفس الفئة.

ممكن ناس تانية تقول ان لا طبعا و مش ينفع و كيف ممكن نقارنها بالمازدا او السيفيك علي سبيل المثال.

بس احب اقول ان العربيه هتديني نفس اللي هيديهوني اي عربيه من هادول.

و اسفه جدا فرق السعر ما يستاهل اني اشتري هاي او هاي او غيرهم.

لان مصر حرام تشتري فيها عربيه بالمبالغ دي و كفايه التخبيط و البلاعات و الشوارع الغير ادمية اللي بنتعامل معاها.

النيو سيراتو متل ما قلت حققت المعادلة

و كفايه الوكيل المحترم اللي كل ملاك كيا بيشكروا فيه

و تغور المازدا من وش وكيلها.

يا عيني يا عيني على الكلام الكبير

انت يا بوسي تسيبيكي من الإجتماعي اللي مضيع وقتك ده

و تخليكي في المنتديات المتخصصة

**Bossy_Fadl** · 15-05-2009 06:10 AM

المشاركة الأصلية كتبت بواسطة Ahmed Samy

يا عيني يا عيني على الكلام الكبير

انت يا بوسي تسيبيكي من الإجتماعي اللي مضيع وقتك ده

و تخليكي في المنتديات المتخصصة

ما خلاص يا دكتور بطلنا من زمان

هو حضرتك مش واخد بالك و لا شو؟

انا علطول بقيت بالمنتديات المتخصصه

خلاص اتعلمنا و فهمنا و كل بفضل حضراتكم

اجتماعي ايه بقي خلاص راحت عليه

خليني انا هيك سايبه كل شي و ماشيه ورا النيو سيراتو ادافع عنها في كل منتدي شوي

هي عن جد عربيه تحفه و انا فعلا بحبها

**محمد عز** · 15-05-2009 08:22 AM

هاي ما بيمنع

هيدا مش رايي هيدا راي الخبراء

و لا شو؟

خليني انا هيك

اكتر حاجة لفتت انتباهى ان حضرتك بستخدمى بعض الكلمات الشامية (لبنانى - سورى - أردنى) فى كتابتك

**Eng.Sameh** · 15-05-2009 02:05 PM

المشاركة الأصلية كتبت بواسطة Bossy_Fadl

المازدا ممكن تكون احلي شكلا

بس هاي ما بيمنع ان النيو سيراتو شكلها يجنن

اكيد لما المازدا تنزل هتنزل اغلي بكتير من النيو سيراتو

ساعتها الشكل لحاله مش هيكون سبب كافي اني ادفع المبلغ ده كله بالمازدا

النيو سيراتو حققت المعادلة الصعبه

سعر مناسب مقابل امكانيات و كماليات سيارات في نفس الفئه و اولهم المازدا.

و العربيه بتنافس سيارات زي الكورولا و السيفيك و طبعا المازدا في الجودة و هيدا مش رايي هيدا راي الخبراء.

موضوع كوري و ياباني و اوروبي و الكلام ده مبقاش محسوس هلا زي زمان.

الكوريين شعب قدر يصنع عربيات ممتازة قد تتفوق في بعض الاحيان علي مثيلاتها اليابانية في نفس الفئة.

ممكن ناس تانية تقول ان لا طبعا و مش ينفع و كيف ممكن نقارنها بالمازدا او السيفيك علي سبيل المثال.

بس احب اقول ان العربيه هتديني نفس اللي هيديهوني اي عربيه من هادول.

و اسفه جدا فرق السعر ما يستاهل اني اشتري هاي او هاي او غيرهم.

لان مصر حرام تشتري فيها عربيه بالمبالغ دي و كفايه التخبيط و البلاعات و الشوارع الغير ادمية اللي بنتعامل معاها.

النيو سيراتو متل ما قلت حققت المعادلة

و كفايه الوكيل المحترم اللي كل ملاك كيا بيشكروا فيه

و تغور المازدا من وش وكيلها.

إيه الحلاوة دي

والله أنا خايف تكوني مصدقة نفسك

**kareem_aljamal** · 15-05-2009 03:00 PM

في رأي المتواضع mazda3 اجمل بس لازم نستنى عليها برده و نقارن بعد ما نشوفهم الاتنين في الشوارع
مين هتستنى و مين هتنتشر اكتر
:k47:

**Bossy_Fadl** · 16-05-2009 01:56 AM

المشاركة الأصلية كتبت بواسطة justs

إيه الحلاوة دي

والله أنا خايف تكوني مصدقة نفسك

ايه الحلاوة دي؟

و مصدقه نفسك؟

طيب نبدأ من الاول بقي

اولا هي اسمها "حضرتك مصدقة نفسك" و انا ما سمحت لحضرتك ترفع التكليف.

ثانيا مش ينفع خالص تكلم عضوة بنت و تقولها ايه الحلاوة دي حتي و لو بتريقه علي الكلام عشان هاد ما يصحش.

و لو انا غلطانه ياريت السادة الاعضاء يقولولي.

ثالثا مش معقول ابدا حضرتك علطول ماشي ورا اي حد بيمدح في النيو سيراتو تقوله

انت مصدق نفسك هههههههههههههههه

انتي مصدقه نفسك ههههههههههههههه

اولا انا مش فاهمه شو اللي يضحك بالموضوع

ثانيا اللغة العربيه ثريه بالمفردات و فيها كلمات و جمل كتير اوي غير انت مصدق نفسك و انتي مصدقه نفسك.

في الموضوع اللي فات لما قولت لحضرتك انو ياريت الاسلوب يكون اهدي من هيك شوي قولتلي كل واحد يلزم حدوده و انا سكتت و مارديت مع اني بالاصل ماني شايفه حالي غلطانة.

لكن عيب بقي يبقي الحجر علي الافكار و علي الاراء بهاي الطريقة.

الحوار مع الاعضاء يكون باسلوب متحضر و كويس عشان حتي الناس تحترم وجهة نظر حضرتك مهما اختلفوا معاك.

لكن موضوع انتي مصدقه نفسك هههههههههه ده مش ينفع خالص.

الناس بكل الاقسام صايرين يختلفوا مع بعض و كل واحد يدافع عن سيارة هو بيفضلها لكن الاستهزاء ما بيوصل لهاي الدرجة ابدا.

كل واحد حر برأيه و انا ما قارنت المازدا ب 128

المقارنة بعربيه ليها اسمها و بررررررررررررررررررضه بتنافسها و معاها في نفس الفئة شئنا ام ابينا.

يبقي شو لازمته هالاسلوب يالي ما بنكسب كلنا من وراه اي شي غير الخلافات؟

ارجو مراعاه اسلوب حضرتك في الرد علي الاعضاء و تقبل وجهات نظر الاخرين مهما كانت غير محتمله من وجهة نظرك.

و انا ماني جايه اتخانق بالموضوع و ما راح احكي اكتر من هيك عشان الموضوع ده بتاع دكتور احمد سامي و انا بحترم الانسان ده جدا و بعتبره اخ كبير و مش مستعده احوله موضوعه في اتجاه تاني ماله داعي.

و لو انا غلطانه بشي ياريت حد يوجهني عشان اعتذر للبشمهندس سامح

وفقنا الله جميعا لما يحبه و يرضاه

**enas75** · 16-05-2009 11:10 AM

بصراحه يابشمهندس سامح الموضع زاد قوي من جهه حضرتك
هجومك علي العربيه غير منطقي .....بتهاجمها وانت لا سقتها ولا تعرف عنها حاجه
وسبق وقولت لحضرتك ماينفعش تقييم عربيه مامشيتش جوه مصر اقل من سنه
وزعلان قوي انها بتقارن بالمازدا.....
ومكدب كل اللي يقولك حاجه عن المازدا وتتهمه بانه لاركبها ولا جربها وفي نفس الوقت بتهاجم عربيه تانيه انتا لا ركبتها ولا جربتها
لا و كمان معتبر كل اللي جايبها رامي فلوسه في الارض .....يبقي ده معناه ايه
مش معني العربيه مش عجباك انك تهين اللي بتعجبه......
من غير زعل ....كل الناس اتكلمت بمنطق العربيه عجباه و لا لا وفيه اللي حدد اتجاهه من الاول انها كوري وهو بيحب الياباني
لكن اللي عمال يتلكك ويحاول يصتدلها عيوب وهي من شركه محترمه جدا ثبتت قدراتها علي التفوق يبقي ملوش مبرر
ولا انت العربيه بتلعب في عقلك الباطن وبتحاول تثبت لنفسك ان اختيارك للمازدا هو الاحسن وان مافيش حد يقدر ينافسها وخلاص باهانه اي عربيه والسلام ومحاوله جعل مميزاتها اي كلام وان اللي راكبنها ما بيفهموش في العربيات وخلاص
بالهداوة ياباشمهندس.....في الاول والاخر مصنعوش العربيه اللي ما يختلفش عليها اتنين....واللي تعجب الكل...والا كانت شوارع العالم مشي فيها ماركه واحده.....وارجو تقبل كلامي بهدوء ومتخليش حد يزعل منك علشان خاطر عربيه انت بنفسك حيجيلك يوم وترميها علشان الاحسن منها

**Eng.Sameh** · 16-05-2009 12:51 PM

إخواني وأخواتي الأعزاء ، أنا مش عارف ليه انتو متخيلين أني بهاجم العربية بدون داعي أو انهي بهاجمها أصلاً ، ورغم أني فسرت وجهة نظري كتير بس بردو الناس مش عارف بتنسى ولا مش عاوزة تاخد بالها ولا ايه ، وعموما هشرح تاني عشان خاطر سيادة معالي الأستاذة بوسي ، والأخت الفاضلة ايناس...

أولا : الأخت ايناس مصرة أني معرفش عنها حاجه رغم أني قلت أكتر من مره اني شوفتها معرضين ، وقعدت في العربية وفصصتها وسوقتها كمان ، أينعم مسافة قليلة بس سوقتها ،

ثانياً : أنا مش بقيم العربية ومحدش ممكن يقيمها أصلا دلوقتي غير لما تقعد فترة شغالة زي ما حضرتك تفضلتي ، ولكن أنا وجه انتقادي يتلخص في ، أن خاماتها الداخلية سيئة جدا من وجهة نظري ، والجودة العامة للسيارة لا ترتقي للسيارات التي تقارنوها بها ، ومش معنى أنها نازلة بسعر أكثر من قيمتها بكتير أنها خلاص بقت في نفس مستوى السيارات دي ، بل العكس ، كونها نازلة بسعر اقترب من سيارات لها اسمها ومعروف مدى جودتها العالية وتقييماتها ممتازة في كل الدنيا ، فده يخلي الناس تاخد بالها أن الواحد لو زود فرق فلوس بسيط نسبيا هياخد جودة أعلى بكتير ( ودي بؤرة وجهة نظري )

ثالثاً : العربية فعلا زي ما قلت قبل كده كانت من ضمن اختياراتي ،بس ده من الصور وقبل ما أشوفها على الحقيقة وقبل ما أعرف سعرها ، ولما شوفتها بصراحة معجبتنيش خالص ، وكمان لقيت سعرها كتير قوي عليها ، فقلت كده أنا اللي هورفره مش مستاهلل وأشتري حاجة تستاهل تمنها حتى لو هزود شوية ، واهو ابقى ركبت عربية من الآخر، وده بالنسبالي مش محتاج اني اثبته لنفسي ولا متردد فيه وشايف انو حقيقة ساطعة ، وده اللي مخليني بحاول انصح الناس بدل ما يندمو بعد كده ، يمكن الفرق يكون كبير للناس اللي هيشترو الفئة الأولى مثلا ، لكن اعتقد انه قليل للناس اللي هيششترو أعلى فئة ، وبردو ممكن أكون مخطئ ويكون الفرق بالناسبة لبعض الناس كبير ، وفي النهاية كل واحد بيشتري على قد ميزانيته ، بس على الأقل ميحاولش يصور لنفسه أو لغيرة أن العربية تضاهي العربيات اللي معروف أنها افضل منها في كل حاجه ، وده عشان بس المنتدى ميتحولش ويبقى كل واحد بيدافع وخلاص عن عربيته ومصورها أفضل من اي حاجه ، ويفتقد المنتدى للحيادية والتقييم اللي بيفيد ناس كتيرة معندهاش خبرة كافية وبتسترشد بالمنتدى في أخذ القرار

وأخيراً : أرجو أن وجهة نظري تكون واضحة وميكونش فيه أي لبس ، لأني ببساطة لا هيفدني ولا هيضرني ان حد يشتريها ، ولا عاوز أزعل حد ولا يمكن أن اتعمد اهانة أي حد لأني بعتز بكل عضو في المنتدى وبحب المنتدى أصلا جدا ، فياريت الناس تاخد كلامي بحيادية وهدوء ، وألا يتحول الأمر الى صورة صراعية أو عداء،
وألف مبروك لكل واحد على أختياره

الموضوع: كيا سيراتو ....مازدا3 2010 * المنافسة القادمة*

LinkBack

أدوات الموضوع

عرض

-

-

-

-

-

-

المواضيع المتشابهه

ما رأيك بهذه المقارنه بين (كرولا - لانسر - مازدا3 - سيراتو - سيفيك - كروز- إلانترا )

سيفيك 2009 vs مازدا3 2010 vs بي إم 2004

سبق لنايل موتورز مازدا3 2010 الشكل الجديد في مصر من تصويري الخاص

ماهى مواصفات واسعار مازدا3 2010

نيو سيراتو - فيات لينيا (المنافسة القوية)

الكلمات الدلالية لهذا الموضوع

المفضلات

المفضلات

ضوابط المشاركة