مقلق ومتردد اشترى بيرسونا

**mostafa_fesho** · 09-05-2009 05:56 PM

انا كنت ناوى اشترى بيرسونا وفضلتها عن الالنترا علما انا مش بفهم فى العربيات مش زى ناس كتير فى المنتدى هنا بيفهموا ويقدرو يكتشفو العيوب بس بعد ما قريت عيوب التقفيل ترددت فى شرائها وشكلى هروح لى الالنترا لانى انا عايز عربية تريحنى ومش كل شوية وانا قاعد زورار يطلع فى ايدى وازاز ما يتقفلشى وكوتش بتاع الباب يقع يبقى ايه لازمة ادفع فيها 90000 ما اجيب الالنترا احسن بصراحة انا محتار

**M.almaghraby** · 09-05-2009 06:05 PM

الالنترا عربية جميلو برده و انا رديت علي حضرتك عالخاص

بس في فرق سعر جامد برده يعني الالنترا فول اوبشن فوف ال 100 الف

البرسونا مانيوال فول اوبشن ب 84

**bmw323** · 09-05-2009 06:08 PM

طيب متحاول تزودهم شوية وتجيب نيو سيراتو عربية ماشاء الله ممتازة

**M.almaghraby** · 09-05-2009 06:16 PM

بس علي فكرة عيوب التقفيل مش بشعة اوي كدا يعني

**mostafa_fesho** · 09-05-2009 06:19 PM

المشاركة الأصلية كتبت بواسطة DRguevara

بس علي فكرة عيوب التقفيل مش بشعة اوي كدا يعني

فى اخ كان عامل توبيك بيقول الباب الخلفى بيتفتح وانت ماشى يعنى انا مش مساعد افقد حد من افراد العائلة

وقال حاجات كتير خوفتنى

**Ayman_52** · 09-05-2009 06:30 PM

المشاركة الأصلية كتبت بواسطة mostafa_fesho

فى اخ كان عامل توبيك بيقول الباب الخلفى بيتفتح وانت ماشى يعنى انا مش مساعد افقد حد من افراد العائلة

وقال حاجات كتير خوفتنى

ياباشا د/محمد كان بيتكلم عن جين2 مو 2006 .... وكان معروف ان الجين اول مانزلت كانت فيها عيوب تقفيل كتيره ....

وكل سنه عن سنه بتتحسن لحد الحمد لله فى 2009 شبه اختفت

وكمان دى حاله فرديه ...وماحدش قال قبل كده انو حصل معاه نفس الموقف...ودا وارد انه يحصل فى اى عربيه بعد فترة استخدام.

وعلى فكره عيوب الجين او البيرسونا ...هى اينعم ممكن تطلع معاك من اول يوم بس حلها ...بيكون بسيط جدا وبتتحل من اول صيانه....

وصدقنى من كتر مالناس بقيت عارفه مشاكلها ممكن تقولك عالحل من قبل ماتروح التوكيل

حضرتك... اسمع بقيه اراء الاعضاء ...وأقرا المواضيع اللى موجوده فى القسم...وهتلاقى مكتوب فيها كل حاجه...ورد لكل الاسئله..

وبخصوص الالنترا اكيد افضل....فلو حضرتك مش فارق معاك المبلغ ..توكل على الله ...واسال باردوا عليها ملاكها

وربنا يوفقك للخير ان شاء الله

تحيــــــــاتــى

**M.almaghraby** · 09-05-2009 06:32 PM

المشاركة الأصلية كتبت بواسطة mostafa_fesho

فى اخ كان عامل توبيك بيقول الباب الخلفى بيتفتح وانت ماشى يعنى انا مش مساعد افقد حد من افراد العائلة

وقال حاجات كتير خوفتنى

يا راجل انا كدا حزعل ازاي بس الي انتا بتقوله دا هههههههههههههه

عامة لو كدا انصحك بيها طبعا لو عايز تتخلص من حد مضايقك:k49::k49:

**ahmedfathy77** · 09-05-2009 06:35 PM

المشاركة الأصلية كتبت بواسطة mostafa_fesho

انا كنت ناوى اشترى بيرسونا وفضلتها عن الالنترا علما انا مش بفهم فى العربيات مش زى ناس كتير فى المنتدى هنا بيفهموا ويقدرو يكتشفو العيوب بس بعد ما قريت عيوب التقفيل ترددت فى شرائها وشكلى هروح لى الالنترا لانى انا عايز عربية تريحنى ومش كل شوية وانا قاعد زورار يطلع فى ايدى وازاز ما يتقفلشى وكوتش بتاع الباب يقع يبقى ايه لازمة ادفع فيها 90000 ما اجيب الالنترا احسن بصراحة انا محتار

السلام عليكم و رحمة الله و بركاته
اخي الكريم انا برضه دخلت المنتدي زييك في الاول و هتلاقيني مشارك في موضوع عيوب التقفيل بس انا مش هغير رايي عن جينا الجميله و لو سالت اي حد من اللي بيشتكي من عيوبها لو رجع بيك الزمن تشتري غيرها هيقول لك لا لان العربيه فعلا متميزه في كل حاجه و لو قارنت امكانياتها و سعرها باي عربيه تانيه هتظلم العربيات التانيه انا كنت عملت موضوع اسمه جين 2 كيف وقعت في حبها و لماذا اشتريتها هيفيدك مشاركات الجيناويه اوي و ان شاء الله فيه موضوع هعمله هيفيدك باذن الله هيخليك تقتنع اكتر بالعربيه انت لو لاحظت ان معظم العيوب اللي سجلها اصحاب العربيه حاجات تضايقك بس ممكن تندرج تحت بند عيوب بسيطه بعيده كل البعد عن اساسيات العربيه اللي الجيناويه ممكن يكتبو فيها شعر احنا بس زعلانين ازاي ملكة الجمال دي مش مظبطه مكياجها بس كده صدقني انا عملت وما زلت بعمل بحث عن افضل عربيه بامكانياتها اخترت و غيرت رايي كتير لغاية ما وصلت لجينا و قلت هي دي

**Ayman_52** · 09-05-2009 06:40 PM

المشاركة الأصلية كتبت بواسطة ahmedfathy77

السلام عليكم و رحمة الله و بركاته
اخي الكريم انا برضه دخلت المنتدي زييك في الاول و هتلاقيني مشارك في موضوع عيوب التقفيل بس انا مش هغير رايي عن جينا الجميله و لو سالت اي حد من اللي بيشتكي من عيوبها لو رجع بيك الزمن تشتري غيرها هيقول لك لا لان العربيه فعلا متميزه في كل حاجه و لو قارنت امكانياتها و سعرها باي عربيه تانيه هتظلم العربيات التانيه انا كنت عملت موضوع اسمه جين 2 كيف وقعت في حبها و لماذا اشتريتها هيفيدك مشاركات الجيناويه اوي و ان شاء الله فيه موضوع هعمله هيفيدك باذن الله هيخليك تقتنع اكتر بالعربيه انت لو لاحظت ان معظم العيوب اللي سجلها اصحاب العربيه حاجات تضايقك بس ممكن تندرج تحت بند عيوب بسيطه بعيده كل البعد عن اساسيات العربيه اللي الجيناويه ممكن يكتبو فيها شعر احنا بس زعلانين ازاي ملكة الجمال دي مش مظبطه مكياجها بس كده صدقني انا عملت وما زلت بعمل بحث عن افضل عربيه بامكانياتها اخترت و غيرت رايي كتير لغاية ما وصلت لجينا و قلت هي دي

اولا احييك على اسلوبك الجامد فى الحوار ...وبجد بتعجبنى جدا مشاركات حضرتك

وبجد اللى يجرب الجين ...هيعرف ليه الناس بيكونوا عارفين انهم ممكن تطلع معاهم عيوب تقفيل من اول يوم ...بس باردوا بيشتروها...

ومهما طلع معاك مشاكل فى الجين....مميزاتها بتخليك مش واخد بالك منها...

تحيـــــــاتــى

**ahmedfathy77** · 09-05-2009 07:11 PM

تصدق بالله يا استاذ ايمن واحد جديد جه معانا الشغل معاه الجين من كام يوم خلاني كل شويه اقوم اعمل اي حاجه عشان اشوفها رغم اني من الناس اللي ما بتقمش من المكتب الا للضروره القصوي و عشان مفيش اي مقت ممكن اضيعه بس دي الجين يا اخوانا و علي الرغم ان راكن جنبها عتاوله كبار زي الالنترا و الافيو و اللانسر و الجالينا و الاوبل بس هي ملكة جمال في وسطهم و للاسف مش عارف اقابل صاحبها خالص ربنا يبارك له فيها و يكرمنا بيها ان شاء الله

الموضوع: مقلق ومتردد اشترى بيرسونا

LinkBack

أدوات الموضوع

عرض

-

-

-

-

-

-

المواضيع المتشابهه

عايز اشترى بيرسونا اليجانس بالتقسيط

عاوز اشترى بيرسونا

عايز اشترى شيروكى 2010 ومتردد الموضوع مهم لاخوكو

استطلاع: اشترى ميجان مستعمل ولا بيرسونا جديد

اشترى ايه سيمبول و لا بيرسونا و لا ........

الكلمات الدلالية لهذا الموضوع

المفضلات

المفضلات

ضوابط المشاركة