بسم الله الرحمن الرحيم

انا بقالى شهر بدور على عربيه مستعمله اشتريها و خلال هذه الفتره اتفرجت على عربيات اشكال و الوان بس الحاجه الغريبه و اللى مزعلانى ان كل العربيات ملعوب فى العداد بتعها و الله يا جماعه بلا مبالغه العربيه تلاقى الفرش الداخلى بتاعها مهلوك من الاستعمال و الطاره مبريه و قرب الحديد بتاعها يبان و تبص على العداد تلاقى العربيه عامله 20 الف و 30 الف و بالكتير اوى تلاقى العداد عامل 60 الف و يقلك العربيه دى فبريكه
طب ازاى انا مش عارف الناس جرالها ايه هما نسيين ان ( من غشنا فليس منا ) و لا ايه الحكايه انا زهقت من كتر الفرجه على العربيات و شكلى كدا هدخل على الزيرو و لله الامر
و كنت عايز اعرف هوا ممكن التوكيل يعرف العربيه عامله كام كيلو فعلا و لا مفيش طريقه لمعرفة اللعبه دى ؟
ولكم منى كل التقدير و الاحترام

اخوكم
محمد فرج