الموضوع: سوبر تشارجر

p>

المشاركة الأصلية كتبت بواسطة mostafa_eng911

الله ينور عليك...بس حبيت اضيف معلومة او اثنين...</p>السوبر تشارجر بيتصل بال crank shaft ودي ميزه إن ما بيحصلش تأخير في الطاقة زي ما بيحصل في التيربو
بس الموضوع مش سعة المحرك أد ما هو المحرك بيعطي عزم أد إيه...مثلا شركة saab بتعمل عربيات 1400cc مزودة ب supercharger ....
المشكلة إن السوبر تشارجر بيعمل بإستمرار و ده طبعا بيأدي إلي إنخفاض كفاءة الوقود اي زياده الإستهلاك لان اثناء عدم تحميل الموتور او عند عمله علي حمل قليل ما زال مطلوب طاقة لبقاء السوبرتشارجر في الخدمة

اعزائي الاخ مصطفي والاخ هيونداي تعليقا علي كلامكم الصحيح 100% وردا علي سؤال الاخ بخصوص تركيب السوبر تشارجر وتأثيره علي المحرك اسمحولي اضيف بردو بعض المعلومات وان اخطأت صححولي بردو يا جماعه التربو تشارجر ولا السوبر تشارجر ولا الجي ليدر ولا الكومبرسور الشاحنات التوربينيه عموما...نبتدي بالشاحنات التوربينيه عموما وامكانيه وضعه علي موتور سينا 1.4 باختصار كده اولا لازم نحط في الحسبان مقارنه مع الكومبيشن ريشيو بتاع الموتور معظم العربيات المصممه بدون شواحن توربينيه بتكون نسبه الانضغاط ده اللي هو الكومبيشن رشيو ده1:10 او 1:11.2 علي اقصي تقدير...في حين ان المواتير المجهزه بشواحن توربينيه علي اختلاف انواعها بتكون نسبه الانضغاط 1:8 او 1:7.8 وبالتالي الواحد لو حط شاحن هواء قوي زياده ممكن باختصار البساتم تسيح اصلا وممكن البلوكه كلها تقفش بالنسبه للتيربو بقي كلام الاخوه صحيح زي مقولت في بدايه كلامي والتربو ده ببساطه عباره عن مروحتين واحده صغيره والتانيه كبيره والعادم اللي طالع من المانيفل هو اللي بيدور المروحه الصغيره وبما ان سرعه دوران محرك العربيه بيبقي 4000 لحد 6 و7000 دوره في الدقيقه فا المروحه دي بتلف بسرعات بتوصل ل 32 و35 الف لفه في الدقيقه والسرعه دي بتتنقل للمروحه الكبيره عشان تدخل التدفق الهوائي الاكبر قوه تاني للموتور وجسم التيربو بيبقي عاده من التيتانيوم لقدرته علي تحمل درجات الحراره الرهيبه اللي بتنتج عن العمليه دي واللي في بعض الاحيان بتوصل ل700 درجه مئويه ومع زلك ودي بقي من عيوب التيربوهات عموما وانو رغم تصنيعه من التيتانيوم الا ان الواحد لو فضل معلق علي سرعه عاليه مثلا نقول 160 او180 كم في الساعه لمده ربع او تلت ساعه التيربو تشارجر بيسيح وبيقفش بردو وبالتالي لازم اللي سايق عالسرعات العاليه دي ميفضلش معلق علي السرعه يفضل طالع نازل بالاسبيد بتاعته وبعد ميخلص المشوار بتاعه لو هو كان بيجري يفضل انو يسيب عربيته دايرة شويه عشان يدي فرصه للتيربو يبرد براحته وبالتالي ميقفشش اما بالنسبه لتركيبه فاظن اهم حاجه انو الشخص اللي يقوم بتركيبه او صيانته لازم يكون مخلي باله جدا في نظافه شغله لان لو شويه تراب مثلا علي سبيل المثال دخلو جوا المراوح بتاعته وهو مفكوك ممكن يفوروا التيربو خالص لان خلوص المراوح من جسم التيربو لا يتراوح بين اقل من المليميتر ولكم ان تتخيلو بقي لو شويه رمله ولا طينه اتحشرت بين المروحه وجسم التيربو مع لفه المروحه يلا بالسلام هوالله عن تجربه يا جماعهاما بخصوص صيانته تعتبر الشركه الوحيده اللي ليها في اصيانه التيربو دي شركه مش ميكانيكي او مركز صيانه واخدين بالكو يا جماعه؟هي شركه رينو اللي في المقطم ومع زلك مش بيشتغلو في كل انواع التيربو بس لو فرضنا انو الاخ السائل هيركب تيربو صغير نقول مثلا التريبل k اللي ضغطه 0.3 بار علي ما ازكر ولو فرضنا انو البلوكه تستحمله يلزم تعديلات كتيره جدا في العربيه زي متفضل الاخوه وزكرو بالاضافه لتغيير المنايفول والاكزهوست سيتسم بالكامل ويفضل طبعا حاجتين اولهم المنايفول او الشجره زي مبيقولو يتغير بهيدر اسبورت مع الاخز بالاعتبار انو لازم الكزهوست سيستم كله يبقي سنييه مش بلدي لضمان الكفاءة.نخش بقي عالسوبرتشاجر برضو زي متفضل الاخوه وقالو عليه احب اضيف كام معلومه متواضعه اولهم ان معظم السوبرتشارجرز اللي موجودين طبعا ليهم انتركولر خاص بالتبريد منفصل تماما عن تبريد المحرك وده للسائل لازم يوجد له مكان في العربيه بتاعته يكون جيد التهويه وكل ما كان الانتركولر اكبر كل ما كان افضل لان الهواء كل ما يكون ابرد وهوا داخل للمحرك يكون ادائه اعلي بكتيرده غير انو السوبرتشارجرز نفسها فيها دوره زيت خاصه بيها زي الموتور بتاعه العربيه تقريبابس من عيوبه انو الزيت بتاعه بيتغير كل تقريبا 50 الف ميل هو وطقم السيور بتاعته ورولمانات البلي بتاعته ودي كيتات بتتباع علي بعضها حسب انواع السوبر تشارجرز دي بس لو فرضنا بقي ان كل ده مقدور عليه يبقي اهم حاجه في الليله دي بالنسبه للسوبرتشارجرحاجه قد تكون بسيطه في نظر البعض بس عن تجربه او بمعني ادق لسعه اتلسعت فيها قاعده السوبر تشارجرالسوبر تشارجر زي متفضل الاخوه وقالو انو بيتحرك علي سير شبيه بسير الكاتينه و فكره عمله مع لفات المحرك بتاع العربيه بواسطه السير ده وبالتالي لازم تكون قاعدته جمب سير الكاتينه بتاعه العربيه السينا يعني ليه مكان في الحوض ودي اول مشكله تاني مشكله وجود السير المتناسب مع السوبرتشارجر وده مش هتلاقيه ستوك موجود في حاله لو قررت انك تركبه وتغلبت عالصعاب دي ملكش غير المتخصصين في السيور هتقيسه وتشوف سنون الترس وتشتري زيه .نرجع بقي لمشكله المشاكل القاعده نفسها لازم تبقي من ماده قويه جدا تتحمله وهو شغال لانه قريب من التيربو في عدد لفاته اللي بتوصل ل28 الف لفه في الدقيقه وفي الغالب بتبقي انتيمونيا وبردو بتتكسر في بعض الاحيان لانو ببساطه تخيل لو السوبرتشارجر اتحرك او اتهز هزه مختلفه عن الطبيعي مع وجود السير اللي ماسك في الموتور ممكن يأثر ازاي علي السير والترس والتشارجر نفسه عن تجربه شخصيه يا جماعه انا الحركه دي حصلت معايا كنت بجري بالعربيه وخدت مطب هوا في صلاح سالم مع اهتزاز للتشارجر بسبب ودن القاعده اتكسرت حصلت القصه دي والتشارجر اتدشمل ..نخش عالجي ليدر والمسمي ده اطلق علي السوبرتشارجر الخاص for vw's editions g40 & g60الجي ليدر بقي قريب جدا للسوبرتشارجر بس عيبه انه حساس اوي اوي وقدرته كانت علي ما افتكر 0.7 بار ..بس كانت له ميزتين جامدين جدااولا ان نسبه استهلاكه للبنزين كانت قريبه جدا من الموديل العادي يمكن لانه اورجينال الله اعلم والعالي بتاعه سافل تالت ورابع وخامس مالوش حل في العربيه وفوق كده صوته مميز يختلف عن اصوات التيربو اللي صوته شبيه بصوت بوابه بتفتح ده صوته اقرب للقطارات عشان نفس فكره العمل الشواحن التوربيني هنخش بقي عالكينج الكومبريسورز ودي اقرب للسوبر تشارجرزالاختلاف الوحيد حسب معلوماتي انو دوره الزيت الخاصه بيه لا يتم تغيرها اطلاقا وانو قدراته اعلي من السوبرتشارجرز بس مش اعلي من التيربوهات علي العموم يعني بس هو افضلهم لان صيناته تقريبا مفيش بس بيشترك في مشكله القاعده مع اخوه السوبرتشارجر بس هو افضل واقوي زي مقولت وبيوصل يمكن ل1.7 بار زي مثلا بتاع التويوتا لاندكروزر ديزل بس قوه زي دي اتصور علي سينا صعب الموتور والعربيه تتحمل اما بخصوص صوته ده مش قطر واحد دي هيئه سكك حديد مصر مع بعض مزيكااااااااااااااااااا اسف ان كنت طولت عليكم بس اسمحولي بردو نتشارك المعلومات في المنتدي الجميل ده وبكررها للمره التانيه لو غلطت في حاجه ياجماعه صححو لاخوكم السوبر تشيب ودي اخر حاجه احب اضيفها +كلام الاخوه مصطفي وهيونداي السوبرشيب بالنسبه لاسعارها وتوافقها مع القدره الحصانيه اللي بتوفرها للعربيات من حيث السعراسمحولي السوبر تشيب مش بتزود 8 ولا 10 حصان للعربيات العاديه و50 او 60 للمزوده بشاحن توربيني لاهي نسبه مئويه بتزود من 7 الي 10% من قدره العربيه العاديه ومن 25 ال30 واحيانا 35 % للعربيات التوربينيه علي العموم تيربو بقي تشارجر كومبريسور وات ايفريعني لو عربيه عاديه 100 حصان تبقي 107 لحد 110لو عربيه توربيني 1000 تبقي 125 او 135 حصان ده عير الهاي بيرفورمنز بالنسبه للي عايز يركب نيتروس عالعربيه بالاضافه للتشارجرز بس ارجع واقول يا جمااااااااااااااااااااااا اااااااعه حسب العربيه وقدرتها علي التحمل للكلام ده سكه التوربينات والنيترس ممكن تخليك بسبب الكوبشن رشيو تغير الاتي :علي سبيل المثال لا الحصرالبساتمالكاماتالفالف اتالبوبينه msd لو لزم الامروش السلندرالجوانات بالكامل المنيفل حتي مسامير البلوكه نفسها ممكن يلزم تغيرها عشان تستحمل القوه الهائله اللي بتولدها الحاجات دي+العفشه الرياضيه والطنابير اللي يفضل تبقي فنتليتيد (مخرمه)والجنوط والكاوتشموااااااااااااااا ل مالوش اخر اعتزر للاطاله بس اصله موضوع شيق وشدني الصراحه ارجو اني اكون افدتكو ومزهقتكوش في نفس الوقتت حياتي للجميع