شكرا للعضو agwaa
يا ريت حد يقولى ازاى نقيس كفاءة الموتور ؟ واين؟
عرض للطباعة
شكرا للعضو agwaa
يا ريت حد يقولى ازاى نقيس كفاءة الموتور ؟ واين؟
اعتقد ان الى حيدخل فى عمره كاملة يجيب موتور استعمال افضل من الخرط وخلافة لان العمرة بكل مراحلها دقيقة للغاية ومعتقدش ان العربية حترجع حالتها زى الاول
طيب انا الميكانيكي قال لي محتاج طقم شنبر رغم ان العربية مابطلعش دخنة- دلوقتي حضرتك بتقول الشنبر ده بيكون جوه البستم ايه اللي يخلينا نغيره طالما هو جوه البستم
على حسب مافهمت من شرح حضرتك بالترتيب كده من جوه لبره بيكون الشنبر-البستم- الشميز-الغرفة(اسمها ايه دي) صح كده؟
تصويب آخر
بعد ما دخلت في عمرة إتضح لي الآتي في نقطة الشميز :-
الشميز
_ إما يكون منفصل وإذا حدث به تأكل ( عتب ) فيتم تغييره
_وإما يكون هو نفسه البلوك الذي يتحرك فيه البستم وهنا إذا حدث به تآكل ( عتب ) يتم خرطه ( مسحه ) عند خراط ويتم مسح الأربعة شمايز أي يؤخذ البلوك كله إلى الخراط ويمسح الأربعة إسطوانات بمقاس معين ( 010 لو تم إزالة 1 مم أو 020 أذا تم إزالة 2 مم )و في كل حالة يتم شراء طقم شنبر وطقم بساتم بنفس المقاس الذي تم المسح عليه
أولاً : أنا آسف على التأخير ولكني سأقوم بالرد للصالح العام
بعد العمرة مباشرة نقوم بتليين الموتور وذلك بحرق 20 لتر بنزين والسيارة متوقفة في مكانها ..
ويفضل أن يكون الجو بارد أي في الشتاء أو يتم ذلك ليلاً في الصيف ( من بعد الغروب حتى الصباح ) وفي أثناء ذلك :
- يلاحظ أمبير الحرارة ويتم تزويد الرادياتير بالماء عند نقصانه
- يجب عدم توهج لمبة الزيت وفي حالة توهجها يطفأ الموتور ويتم مراجعة الميكانيكي فوراً
بعد الإنتهاء من إستهلاك صفيحة البنزين كاملة يتم السير بالسيارة على سرعة لا تزيد عن 50 كم داخل المدينة ولا تزيد عن 60 كم في الطرق السريعة وذلك لعدة أيام
ويفضل أن تأخذ بها مشوار طوالي 100 _ 150 كم والعودة بها وذلك على سرعة لا تزيد عن 60 كم
بالنسبة لتغيير الزيت بعد العمرة أو نصف العمرة يفضل ألا تنتظر عليه طويلاً
رأيي الشخصي بعد 500 كم في العمرة الكاملة وبعد 1000 في نصف العمرة
[/QUOTE] ده كان رد محمد ممدوح على الموضوع ده
والموضوع كله اهو http://www.nilemotors.net/Nile/showt...334#post918334اقتباس:
الشنابر بتحكم الغازات اللى فى غرفة الحريق... و الشنبر لازم يطبع على الشميز فى اول 100 الى 150 كيلو من سواقة العربية
و بما ان احكام الشميز بيعتمد على ضغط غازات العادم فا التحسيس على الموتور مش حيخللى فيه ضغط قوى يخللى الشمبر يلامس الشميز زى الناس و يحتك بيه و تحصل عملية التطبيع بشكل صح... اللى حيحصل هو ان يحصل تاكل و تطبيع بدون حمل و بدون ضغط قوى بين الشميز و الشمبر و اول ما تكبس عشان تطلع قدرة الموتور القصوى حيزيد الضغط على الشنبر لكن بما ان التطبيع محصلش على حمل قوى حيبداء يحصل تسرب للضغط و تهدر القدرة الناجمة عن الاحتراق على الفاضى
انا بصراحة شايف الكلام منطقى لان فعلا الشمبر بيحكم غرفة الحريق عن طريق ضغط الغازات و لو مفيش ضغط كافى التطبيع حيحصل على وضع اللا حمل و ساعة ما الموتور يحاول يطلع اقصى قدرة حيزيد الضغط على الشمبر و بالتالى تطابق الاسطح مش حيبقى محكم و يحصل تسرب و هدر فى القدرة
واقرا ده كمان
http://www.nilemotors.net/Nile/showt...CA%E1%ED%ED%E4
سؤال اضافي لاني جديد في موضوع العربيات
هو بيقولوا الموتور بيعمل عمرة بعد عدد كيلو معين بيكون كده الموتور لازم يتعمل له عمرة بعدها
انا عارف انها برضه تبع الاستخدام للعربية حلو او وحش
بس في المتوسط العربية بتعمل عمرة بعد ما تكون مشيت كام كيلو؟
سؤال تاني
هو ينفع يتعمل لنفس الموتور عمرتين ؟
ولا ساعتها بيجيب موتور جديد او بيرمي العربية خالص؟
الله يعطيك ألف عافية وصحة يا بشمهندس...
كلام رائع وشرح جميل:shyy: