تيل فرامل السيتى 2008

**ahmediz2000** · 10-05-2009 08:34 PM

بدأت اسمع صوت لما افرمل ( صوت احتكاك التيل بالطنابير ) انا عامل دلوقتى 27000 كم.. هل التيل كده خلاص بدأ يودع ولازم أغيره ..
ولو هغيره اجيبه اصلى من التوكيل ولا فيه اماكن تانية بتبيعه .. انا افضل انى اجيب الاصلى بتاعها بس مستتأا مشوار التوكيل ..لو فيه محلات عندهم التيل الاصلى ياريت حد يقولى .... وشكرا يا رجالة

**kemo0o** · 10-05-2009 09:00 PM

أستاذي الفاضل ممكن تبص في علبة زيت الفرامل (الباكم) ولو لقيتها ناقصة كتير ده يدل على ان التيل بدأ ينتهي خلاص

أو لو انت عندك خبرة بموضوع الفك والربط ممكن تكشف عليه بنفسك

المهم 27 الف كويس جدا جدا على التيل انا عندي تيل السيفيك 20 الف وبدأ يخلص خلاص بس ده ناتج عن طريقة سواقتي

المهم نيجي لموضوع التيل أحسن لك تجيبه من التوكيل وتركبه هناك لانه لا قدر الله لو حصلت اي مشكلة في الطنابير ممكن يقول لك انك غيرت التيل بره وهو اللي عمل المشكلة دي وانت عارف بقى توكيلات مصر عاملة ازاي فنصيحة خليك مع التوكيل انما لو عاوز محلات بتبيع قطع غيار الهوندا فعندك أحمد جلبر اللي في شارع دمشق عندهم محل متخصص في هوندا

**hlmnz** · 11-05-2009 04:09 AM

المشاركة الأصلية كتبت بواسطة ahmediz2000

بدأت اسمع صوت لما افرمل ( صوت احتكاك التيل بالطنابير ) انا عامل دلوقتى 27000 كم.. هل التيل كده خلاص بدأ يودع ولازم أغيره ..
ولو هغيره اجيبه اصلى من التوكيل ولا فيه اماكن تانية بتبيعه .. انا افضل انى اجيب الاصلى بتاعها بس مستتأا مشوار التوكيل ..لو فيه محلات عندهم التيل الاصلى ياريت حد يقولى .... وشكرا يا رجالة

1-المفروض يتغير تيل الفرامل كل 10000 كيلو للمحافظة على الطنابير

2- تيل فرامل التوكيل سيء جدا والمفروض مفيش حد يفكر يركبه

3- فيه تيل سبور للسيفيك من شركة Hawk من افضل الانواع دور عليه وركبه بره ومتخفش مش هيحصل حاجة للطنابير لانه مخصص للسيفيك و يا ريت تنزل بورسعيد

**ahmediz2000** · 11-05-2009 02:00 PM

شكرا جدا يا جماعة على الرد ... هو على حسب الصيانة فى التوكيل ..المفروض ان التيل يتغير بعد 30000 كم ..ده اللى مكتوب فى دليل الصيانة
وبالنسبة للتيل بتاع التوكيل حضرتك جرته قبل كده ولا فيه حد اشتكى منه ؟؟
انا معنديش مشكلة انى اركب بره التوكيل بس يكون التيل نفسه اصلى او تيل نطيف

**AlmAhAtmA** · 11-05-2009 02:34 PM

من خلال خبرتي بالسيتي
التيل بيعتمد علي نوعيه القياده
انا في خلال 84 الف كيلو غيرت التيل مرتين لطبيعه ان مشاويري كلها سفر
ممكن تكشف علي التيل و تشوف حالته ايه في اي مكان

**shady_hamdy** · 11-05-2009 03:39 PM

المشاركة الأصلية كتبت بواسطة AlmAhAtmA

من خلال خبرتي بالسيتي
التيل بيعتمد علي نوعيه القياده
انا في خلال 84 الف كيلو غيرت التيل مرتين لطبيعه ان مشاويري كلها سفر
ممكن تكشف علي التيل و تشوف حالته ايه في اي مكان

دة الطبيعى فى كل العربيات

**mezo_88** · 11-05-2009 07:39 PM

انا معايا سيتى وجربت التيل الى مش اصلى و بوز الطنابير لكن التيل الأصلى نضيف جدا و فعلا الغالى ثمنه فيه

**ahmediz2000** · 16-05-2009 06:49 PM

انا سألت عند واحد اسمه حنفى بتاع هوندا بس ... قالى اسعار التيل كالتالى ..... الاسبانى ب 150 .. اليابانى 180 .. الاصلى ب 440
الاسعار غالية جدا متهيقلى .. مش عارف بكام فى التوكيل هسأل بكره واقولكوا .. لو حد عندو معلومات تانية ياريت يقول

**mezo_88** · 17-05-2009 02:53 PM

تيل الستى ب 330 و ده و من 6 شهور من غير التركيب الكلام ده فى التوكيل

**ahmediz2000** · 19-05-2009 05:25 PM

سألت فى التوكيل امبارح عن سعر التيل وطلع فعلا ب 440 جنيه .. المهم اشتريت التيل من الاصلى من المحل اللى قلت عليه وب 440 وركبته .. المفاجأة الكبرى بأى لما سألت على شويه قطع غيار اصلية للسيتى ....تخيلو الاسعار ايه ...
المساعد الامامى .. 1405 ده للمساعد الواحد يعنى الاتنين 2810
فلتر زيت ... 40 جنيه
بوجيهات (العربية ليها 8 بوجيهات مش 4 ) ... 190 جنيه
تيل خلفى 280 جنيه
اكصدام امامى تايوانى .. 350 جنيه
وفيه اسعار تانية بس مش فاكر دلوقتى .. هشوف الورقة اللى كاتب فيها واقولكو عليها