تعمل إيه يا لو صحيت الصبح لقيت عربيتك كده ؟

**Ghamrawy** · 13-05-2009 12:24 AM

لو محتاج مساعدة فى شراء الجنوط و الكاوتش انا تحت امرك فى اى وقت و رقمى حابعته لحضرتك على الخاص

**abou_ruqi** · 13-05-2009 12:48 AM

المشاركة الأصلية كتبت بواسطة أشرف فتحى

هترفعها بنفس الترتيب يا ابو رقيه بس بلعكس !
ارفع من الناحيه اللى فيها الطوب وكمل عكسيا!

الملحوظه اللى عندى :-

الإنذار ليه مضربش لما العربيه نزلت على الارض؟

ولا انت فاصل الحساس او موطيه!

أنا معنديش إنذار في العربية للأسف

المشاركة الأصلية كتبت بواسطة islamellooz

الله يعوض عليك بس انت اكيد ماندرتش حاجة لله على العربية الجديدة

النذر أبغض العبادات , ربنا بيكره العبادة المشروطة بالإستجابة , ربنا قال في القرآن أكثر من مرة "أوفو العهود" ولم يقل ولا مرة "أنذروا"

المشاركة الأصلية كتبت بواسطة gemino

لو محتاج مساعدة فى شراء الجنوط و الكاوتش انا تحت امرك فى اى وقت و رقمى حابعته لحضرتك على الخاص

ربنا يخليك ويبارك فيك أنا ممتن جدا لمبادرتك الطيبة دي إنما أنا أشتريت جنوط تاني من التوكيل وجبت أربعة بيريللي لإني ملقيش بريدجستون ياباني نفس المقاس والتوكيل قالي حيجلنا الإسبوع اللي جاي وانا مقدرش أستنى

المشاركة الأصلية كتبت بواسطة Ahmed0Nouh

بالنسبه لرفع العربيه ازاى

لو فى ناحيه من ورا على حجر ممكن تجيب كوريك تمساح وتدخله يشيل من الطنبوره مكان الحجاره على ما تعلى بيها وبعدين ترفع باقى العربيه من النص

طبعا الموضوع ده هيكون خطر واحتمال يكسرلك العتب او الاكصدام الناحيه التانيه علشان العربيه كلها هتحمل عليه

فى حل تانى بس هيكون مكلف شويه

تجيب ونش بدراع من ورا وتربط العربيه من المشبك بتاع الشاسيه اللى قدام وتخليه يرفع وبعدين تحط كوريك من قدام تنزل عليه وتخليه يرفعلك تانى من ورا

ده ان شاء الله مش هيبهدلك العربيه بس هياخد منك مبلغ

ربنا يعينك

----

سؤال معلش

هو حضرتك مش مأمن ؟

الحمد لله مأمن مع وثاق للتأمين التكافلي , بس هما مش متعاقدين مع مودرن موتورز علشان كده لازم أدفع وبعدين أحصل الفواتير من الشركة , والله أعلم

بالنسبة لرفع العربية انتوا مش واخدين بالكوا العربية مرفوعة على طوبات فقط من العجلة اللي ورا يمين , اللي ورا شمال واضح إنها كانت على طوب ووقعت من عليها , أما من قدام فالإتنين على الأرض إن شاء الله بكرة حيطلع فنيين من التوكيل وحيركبوا الجداد وحقولكم عملنا ايه

**bmw323** · 13-05-2009 12:56 AM

لاحول ولاقوة ألا بالله
وحسبى الله ونعم الوكيل

بس يارب الحركة دى ما تأثر على العفشة
وربنا يعوض خير إن شاء الله

**abou_ruqi** · 13-05-2009 01:00 AM

المشاركة الأصلية كتبت بواسطة bmw323

لاحول ولاقوة ألا بالله
وحسبى الله ونعم الوكيل

بس يارب الحركة دى ما تأثر على العفشة
وربنا يعوض خير إن شاء الله

هو ده كل خوفي وقلقي , حاسس ان العربية مش حترجع زي الاول ويا رب يخيب ظني

**Samah AbdAllah** · 13-05-2009 01:08 AM

ان شاء الله ترجع زى الاول وربنا يعوض عليك وينتقم من اللى عمل كده

**Ghamrawy** · 13-05-2009 01:18 AM

بارك الله فيك و ربنا يجعلها من غير متاعب تانية و يكفيك شر الحرامية و السرقة

**محمد فضالي** · 13-05-2009 02:21 AM

حسبنا الله و نعم الوكيل
يا جماعة اللي بيخليهم يسرقوا أعضاء الناس و الأطفال اللي ماشية في الشارع مش حيسرقوا أعضاء السيارات كمان
وعلى فكرة ممكن يكونوا مش حرامية وبس ، ده ممكن يطلعوا تجار و بيعملوا كده علشان الأزمة الاقتصادية و الرزق بقى يزيد

الواحد بقى ممكن يتوقع أي حاجة على أي حد في البلد دي

بجد دي حاجة تحرق الدم
احنا فعلا في بلد بنت ...........
هو احنا فين يا جماعة ؟

**Bossy_Fadl** · 13-05-2009 02:41 AM

لا حول و لا قوة الا بالله

انا لو صار معي هيك شي بعتقد اني راح اموت نفسي من الغيظ

ربنا يأجرك في مصيبتك يا ابو رقيه

و ان شاء الله ما تتكرر مرة تانية

عموما الواحد ما بيتعلم ببلاش

و كل موقف بيمر علي الانسان بيكسب منو قد ما بيخسر منه.

علي الاقل انت هلأ استفدت و عرفت كيف بدكـ تأمن عربيتكـ من هيك مواقف.

عموما ما تزعل كل يوم حد بيحصل معو هيك موقف

الحالة عامة لان الشعب جاااااااع

ربنا ينتقم من اللي كان السبب