الموضوع: سؤال بخصوص مؤشر الحرارة فى الكورولا 2009

بيتهيألي ان ده طبيعي لان اللانسر المؤشر فيها بيروح للنص و يثبت لابيزيد ولا بينقص مهما كانت سرعتك فده طبيعي في الكرولا الجديدة و اظن ان المروحة في النظام ده بتكون متغيرة السرعات زي مروحة البروسيسور كده

اليابانى كدة يا باشا
بيحافظ على درجو حرارة ثابتة للموتور علشان يدى أحسن أداء
ما تقلقش خالص
لو حصل عكس كدة تقلق و تروح تكشف عليها
(عندى لانسر)

المشاركة الأصلية كتبت بواسطة kamalabdelaziz

الأخوة مالكى الكورولا 2008 و 2009
استلمت حديثاً السيارة ولكن لى سؤال عن مؤشر الحرارة:

لاحظت أن العربية بتسخن نفسها بسرعة... ولكن المؤشر يصل إلى ماقبل المنتصف ثم يثبت ... وده لما بأمشى جوة البلد
المهم إن أنا خرجت ع الدائرى وسرعتى ماقلتش عن 100 بس لقيت إن المؤشر مابينزلش بفعل تبريد الهواء المقابل للعربية !!!
(وده غير اللى كان بيحصل مع عربيتى القديمة)

السؤال: هل ده طبيعى ؟ كأن يكون المحرك بيحافظ على درجة حرارة معينة علشان درجة لزوجة الزيت مثلاً؟

ولا ده ما بيحصلش معاكوا وأنا لازم أراجع الوكيل؟

وشكراً

دا طبيعى جداً
وفعلاً العربية بتسخن نفسها بسرعة ملحوظة ومؤشر الحرارة يفضل ثابت قبل المنتصف

المشاركة الأصلية كتبت بواسطة kamalabdelaziz

شكراً على المعلومة.

ممكن أطمع فى سؤال كمان؟
السرعة أو الـrpm اللى ما أزودش عنهم فى الألف الأولى؟

لأن واحد صاحبى معاه زيها فى السعودية قالوا له ماتزودش عن 90-95 كم
فى حبن إن مسئول المبيعات فى التوكيل قاللى 120-140 عادى بس ما تقرصش على الغيار
ولو مش ها أقرص على الغيار يكون الrpm أقصى حاجة كام؟

لاول 300 كم :
تجنب الفرامل المفاجئة

لاول 1000 كم :
لا تقود السيارة بسرعة عالية جداً أكثر من 140
تجنب التسرع المفاجىء الrpm أقصى حاجة 3000
لا تستمر بقيادة السيارة على سرعة منخفضة طوال الوقت
لا تستمر بقيادة السيارة بسرعة ثابتة لفترة طويلة جداً

اظن ان المروحة في النظام ده بتكون متغيرة السرعات زي مروحة البروسيسور كده

دي الية دوران المروحة فعلا

المروحه ليها سرعتين فقط

لكن اللى بيحافظ على حرارة المياه عند مستوى معين هو الترموستات الذى يقوم بإغلاق المياه ومنعها من المرور أو يفتحها ويسمح لها بالمرور لكى تقوم بالتبريد