ايه اللي حصل للناس؟؟؟؟

**dasboot** · 12-05-2009 09:12 PM

لو مكانك اقسم بالله العظيم لازم ابعتلهم عربية نص نقل من المزرعة تساويهم بأسفلت الملف

**Samah AbdAllah** · 12-05-2009 10:31 PM

مش عارفة الناس جرالها ايه افتقدوا الادب العام وكل حاجة
طيب هم مش خايفين ييجوا الونش يشيلها
يارب ياخدوا مخالفات

**Ahmed Nouh** · 12-05-2009 11:54 PM

لف فى شوارع مدينه نصر الجانبيه وانت تشوف الموضوع ده بطريقه مستفزه واكاد اجزم ان مفيش شارع الا وفيه المنظر ده

والله فى شوارع لازم تاخدها من اولها لاخرها علشان البهوات واخدين اليوتيرنات كلها بالطول ولا كأنها جراج عمومى

**samirayad** · 13-05-2009 12:14 AM

ياريت كان على كده بس .......دا فيه ناس أكتر من كده بكتير فى قلة الزوق وخلافه .......وماخفى كان أعظم.............

_ وكل اللى بنشوفه فى حياتنا دلوقتى بيصدق على صدق نبوة المصطفى (ًص)..........حيث قال .....

_ خير القرون قرنى ثم اللذين يلونهم ثم اللذين يلونهم .......صدق رسول الله (ص)............

_ يعنى اللى جاى ألعن وأدل سبيل زى مابيقولوا كده ...........

**أشرف فتحى** · 13-05-2009 12:19 AM

يا شباب هدوا اعصابكم !!!

بعيد عن حرقه الدم المتواصله ومسلسل السخافات المستمر فى الركنه وفى سلوكيات الناس فى الشارع!!

عندى ملحوظه يمكن تكون صح!!

مفيش بنى أدم عاقل هيركن بالشكل ده مش عشان خايف على حركه المرور ولا اى حاجه زى كده!
لأ لنه كده فى ملطش وزى ما حضراتكم عارفين الشوارع الجانبيه فى مصر الجديده لا تخلوا من عربيات الزباله والتروللى بتاع الروبابيكيا وبياعين الخضار والميكوباصات اللى بتهرب من مواقع اللجان الثابته او امناء الشرطه فى الاشارات!!

يعنى لو ركنت عربيتك كده هترجع تلاقيها بقت زى كيس الشيبسى!!

طب ازاى بقوا كده؟؟

لو انا فهمت صح وحسب ما بيحصل قدامى كل يوم لانى مكتبى فى مصر الجديده!

العربيات دى كانت راكنه صف تانى وقافلين على واحد مش عارف يخرج بعربيته ولان القاعده معروفه لما تركن صف تانى لازم تسيب فرامل اليد عشان اللى انت قافل عليه يزق ويطلع بعربيته!!

لكن اللى بيزق العربيه وبيطلع عمره ما بيرجع عشان يرجعهم وكمان أحيانا يتعمد يسيب العربيه فى نص الطريق أدبا للى أتجرأ وقفل على العربيه!!

يعنى انا بقترح ان العربيات دى اتزقت عشان قافله على حد وطلع وساب العربيات ف نص الطريق!!!

ممكن؟؟!!

**Ahmed Nouh** · 13-05-2009 12:28 AM

المشاركة الأصلية كتبت بواسطة أشرف فتحى

العربيات دى كانت راكنه صف تانى وقافلين على واحد مش عارف يخرج بعربيته ولان القاعده معروفه لما تركن صف تانى لازم تسيب فرامل اليد عشان اللى انت قافل عليه يزق ويطلع بعربيته!!

لكن اللى بيزق العربيه وبيطلع عمره ما بيرجع عشان يرجعهم وكمان أحيانا يتعمد يسيب العربيه فى نص الطريق أدبا للى أتجرأ وقفل على العربيه!!

يعنى انا بقترح ان العربيات دى اتزقت عشان قافله على حد وطلع وساب العربيات ف نص الطريق!!!

ممكن؟؟!!

مفتكرش يا استاذ اشرف لانهم بالفعل راكنين بطول الرصيف ولو كانت العربيه حد زقها كانت هتبقى فى وسط الشارع لان اللى زق مش هيعرف يكسر الدركسيون ويغير المكان

انا المنظر ده بشوفه كتير جدا فى مدينه نصر بالطول وبالعرض واحيانا 3 صفوف

**MoOoD** · 13-05-2009 01:00 AM

انا لو منك أزقها لحد ما أسد الشارع الرئيسى ويقف الشارع والناس هتتكفل بالباقى.
بس انا هقف مخصوص أتفرج على إلى هيحصل

**KHALED AYMAN** · 13-05-2009 01:09 AM

امال تقولو ايه لما واحد ييجى على مزلقان الجراج بتاعك و يركن العربيه فوقه عشان محدش يخبطها ؟؟
او يحطهالك فى وش البوابه ؟؟
مع ان الشارع فاضى !!
بس عشان عربيته تبقى فى الامان !!!
(بس الامان ده مش عندى )..

**AymanPt** · 13-05-2009 05:10 AM

البيه صاحب الرينو راكن بكل ثقة ,, كأنه في جراج بيتهم

واخد مسافة بعيدة عن اللي قدامه و سعيد ,,

الله يهديهم ..

الموضوع: ايه اللي حصل للناس؟؟؟؟

LinkBack

أدوات الموضوع

عرض

-

-

-

-

-

المواضيع المتشابهه

سؤال للناس اللي عملت فرش الكراسي جلد

سؤال للناس اللي كتبت قايمة قبل الجواز

سؤال للناس اللي سافرت بره

للناس اللي دخلت الجيش

سؤال للناس اللي فاهمة دايو

الكلمات الدلالية لهذا الموضوع

المفضلات

المفضلات

ضوابط المشاركة