بعت الشاهين- أرجو النصيحة

**jisso82** · 18-05-2009 09:04 AM

المشاركة الأصلية كتبت بواسطة yaskhl

طيب قدامى هيونداى اكسيل 1500 كاملة ماعدا الفتيس فابريكة جوه, وبره راشه جنبين. اللون اسود. عداد 69000 حقيقى موش ملعوب فيه. موش محتاجة حاجة. ومطلوب فيها 35000
السعر كده كويس ولا ايه؟؟؟؟
أرجو الافادة بسرعة مع الشكر

حاول تنزل زى ما قالك العضو الزميل بس لو مانزلتش مازال سعرها منافس حتى فى حالة السوق السيئة اللى بنمر بيها دلوقتى

**ZALABANY** · 18-05-2009 09:42 AM

شوف تمبرا يا باشا عربيه حلوه بس قطع غيارها فيها حاجات عاليه شوية

**yaskhl** · 18-05-2009 04:49 PM

المشاركة الأصلية كتبت بواسطة zalabany2007

شوف تمبرا يا باشا عربيه حلوه بس قطع غيارها فيها حاجات عاليه شوية

التمبرا النضيف لايقل عن 35000 برضه يبقى الهيونداى افضل على ما أظن
مع الشكر للجميع

**sha2e** · 18-05-2009 05:19 PM

طالما وصلت لـ 35 يبقى تذود عليهم الفين او تلاته وتجيب كيا سيفبا 99 ودى برقبة الهيونداى الالفين او التلاته مش مبلغ كبير بس هيطلعوك لحاجة اعلى

1- موتور أقوى من الهيونداى وبرغم كده موفر جدا فى البنزين وتديك متعه فى سواقتها
2- عربيه عائلية يعنى واسعه وتشيل 3 وره عادى ( الاكسيل تشيل اتنين بس او تلات اطفال )
3- ثابتها اعلى بكتير جدا لو قارنتها بالهيونداى والعفشه بتعتها مش محتاجة تربيط علطول زى الاكسيل
4- اعتمادية بشكل كبير وقليلة الاعطال ومحدش اشتكى منها ابدا

لو جينا نبص على عيوبها :
1- قطع غيارها مش منتشرة اوى زى الهيونداى ( بس فى المقابل أعطلها مش كتير وقطع غيارها بتعيش مش زى الهيونداى )
2- صاجها ضعيف وأى حاجة تأثر فيه ( وده تشترك فيه الاكسيل برضو )

وبرضو هيبقى فيه ؤدامك اختيارات تانيه زى :
اوبل فيكترا 1600 موديل 94 هتبقى فى حدود 36
هوندا سيفيك 1500 موديل 92 هتبقى فى حدود 38 او 39

وطبعا كل واحده فيهم ليها مميزاتها وعيوبها

**yaskhl** · 18-05-2009 06:08 PM

المشاركة الأصلية كتبت بواسطة sha2e

طالما وصلت لـ 35 يبقى تذود عليهم الفين او تلاته وتجيب كيا سيفبا 99 ودى برقبة الهيونداى الالفين او التلاته مش مبلغ كبير بس هيطلعوك لحاجة اعلى

1- موتور أقوى من الهيونداى وبرغم كده موفر جدا فى البنزين وتديك متعه فى سواقتها
2- عربيه عائلية يعنى واسعه وتشيل 3 وره عادى ( الاكسيل تشيل اتنين بس او تلات اطفال )
3- ثابتها اعلى بكتير جدا لو قارنتها بالهيونداى والعفشه بتعتها مش محتاجة تربيط علطول زى الاكسيل
4- اعتمادية بشكل كبير وقليلة الاعطال ومحدش اشتكى منها ابدا

لو جينا نبص على عيوبها :
1- قطع غيارها مش منتشرة اوى زى الهيونداى ( بس فى المقابل أعطلها مش كتير وقطع غيارها بتعيش مش زى الهيونداى )
2- صاجها ضعيف وأى حاجة تأثر فيه ( وده تشترك فيه الاكسيل برضو )

وبرضو هيبقى فيه ؤدامك اختيارات تانيه زى :
اوبل فيكترا 1600 موديل 94 هتبقى فى حدود 36
هوندا سيفيك 1500 موديل 92 هتبقى فى حدود 38 او 39

وطبعا كل واحده فيهم ليها مميزاتها وعيوبها

ياريت سيفيا بس سعرها دلوقت لايقل عن43000

**sha2e** · 18-05-2009 08:46 PM

المشاركة الأصلية كتبت بواسطة yaskhl

ياريت سيفيا بس سعرها دلوقت لايقل عن43000

43 دى بتببقى بداية الكلام لكن بعد الكلام و الفصال والذى منه بتقل التلاته الل فوق الاربعين
وبعد الفرجة وساعة التخليص بتوصل ل 38 وانت وشطرتك كمان
هوا ده سعرها الحقيقي الل التاجر او المعرض بيشترى بيه ويبعها هوا ب 43 سواء كانت سيفيا او سيفك 92 علشان الاتنين تقريبا نفس السعر

ال 43 دول يجبولك تيوتا كرولا عيون موديل 98 كويسه

الاسعار دى لو انت هتخلص من البايع مش التاجر او المعرض

ده لينك بتاع كونتكت كار بتاع السيفيا شوفه
http://www.contactcars.com/UsedCars_...23&ModelID=157

**yaskhl** · 19-05-2009 04:49 AM

ألف شكر لكل الإخوة اللى تعبتهم معايا وأتمنى تكون آخر إستشارة منكم وأقرر بعدها الشراء إن شاء الله.

بالإضافه للهيونداى السابق ذكرها واللى وصلت فيها لـ 34000 ودى فى حدود إمكانياتى حاليا.
ظهر أمامى لانوس كاملة موديل 2003 عداد 92000 فابريكة دواخل بحالة جيدة جدا وصاحبها أجنبى معاه من الزيرو مطلوب فيها 40000 نهائى ومحتاجة مصاريف حوالى 500 جنيه تقريبا ودا طبعا خارج إمكانياتى وهاأضطر أستلف 5000
المهم السؤال دلوقتى: هل سعر الانوس أفضل من الهيونداى؟ وسعر إعادة البيع لأيهما أفضل لو حبيت أغير فى المستقبل لو ربنا أحيانا؟ وأيهما عملية أكثر وقليلة الأعطال لأنى ماعنديش وقت كافى لوقفة الصنايعية.
ردكم عليا هايمثل 75% من إتخاذ قرارى إن شاء الله
ومرة تانية ألف ألف شكر للجميع

**DR.M** · 24-05-2009 01:01 PM

المشاركة الأصلية كتبت بواسطة NaviGator_13

حضرتك تسمحلى غلطت لما بعتها بس مش علشان السعر
دلوقتى حضرتك حطيت 5000 تقريبا على السعر اللى بعت بيه
ودا برده ميجبش غير شاهين
او عربية وهتكون مش بعيد عن الشاهين برده وموديل قديم

**shiko308** · 24-05-2009 01:16 PM

المشاركة الأصلية كتبت بواسطة yaskhl

لسه بايع عربيتى الشاهين موديل 96 دواخل فابريكة بالكامل -عفشة جديدة - جنوط اسبور- سنتر - زجاج كهرباء- انذار بالريموت- لا تحتاج غير اكصدامين. غير كده موش محتاجة حاجة. اتباعت بـ 28750 نظرا لان اسعار المستعمل فى النازل زى ماسمعت.
هل كده كويس ولا اتضحك عليا؟
الغريب انى عاوز عربية دلوقتى بدالها وكل مااشوف اعلانات الاقى اسعار غريبة وقال صاحبها كاتب للجادين؟؟؟؟؟ ازاى للجادين اذا كان هو اصلا موش جاد فى البيع.
حسيت فعلا دلوقت انى غلط فى بيع الشاهين وانى كنت جاد فعلا فى البيع.
عموما انا معايا دلوقت فى حدود 33000 وموش عارف اجيب سيارة عائلية. ممكن تنصحونى بأيه اشتريه فى اليومين دول.
مع الشكر للجميع

بالنسبة لبيع العريبة الشاهين اظن ان ثمنها مناسب كدة او كان ممكن تزود شوية وبالنسبة لل33 الف ممكن تشترى بالسعر ده عربية اكسنت هى ده افضل حاجة اظن