مياة البطارية

**abouzaid555** · 13-05-2009 12:26 AM

اول انبارح قولت يا واد انت بقالك يجى سنة ما بصتش على البطارية المهم فتحت الغطيان لقيت الربع اليسار الالواح الداخلية باينة و مفيش فيه ولا نقطة مياة المهم جريت جبت زجاجة ماية بطارية تركيز 30 % و زودت الربع ده و قلت ازود الباقة بالمرة فسؤالى لحضراتكم اللى انا عملته ده صح و لا كان لازم احط ماية مقطرة احسن من الماية اللى تركيزها 30 % و هلى نقص الربع ده يدل على ان شحن الدينامو مش مضبوط مع العلم ان مفيش ماية بتخر من تحت البطارية و لا ايه راى حضراتكم و اسف على الاطالة و شكرا لردودكم مقدما

**samirayad** · 13-05-2009 12:32 AM

لا هو صعب أن ميبقاش فيه ولا نقطة ميه ....والا كانت البطاريه شيعت .......وحتلاقى بس الميه أتبخرت والألواح مكشوفه بتاعة الربع ده .........والمفروض كنت تزود ميه مقطره بس

_ وممكن تطمن على كثافة الحامض بقياسه بالهيدروميتر عند أى كهربائى ....وتابع البطاريه....

**MMamdouh** · 13-05-2009 12:58 AM

لازم تراجع مية البطارية كل شهر

MMamdouh

**abzoabzo** · 13-05-2009 09:48 AM

المشاركة الأصلية كتبت بواسطة MMamdouh

لازم تراجع مية البطارية كل شهر

MMamdouh

كلام الناس العقلين

**abouzaid555** · 13-05-2009 10:40 PM

الف الف شكر على قادتى وعائلتى و اخوانى اخى محمد ممدوح و اخى سمير عياد وده شرف كبير جدا لى ان حضراتكم من اول من قامو بالرد عليا و بكدة الواحد يطمن على نفسه معاكو

**samirayad** · 13-05-2009 10:53 PM

بص يا أخى أبو زيد ......روح قيس الكثافه ........

_ لو طلعت كتير وأنا أتوقع ذلك .....الكهربائى بيخففها أزاى ..............

_ بيجيب حقنه كبيره نظيفه ......ويشفط من كل ربع شويه .......وبعد كده بيحط ميه مقطره فقط ..........

_ لأن تركيز الألكتروليت ( الماء + الحامض)الزياده بيأكل ألواح الأرباع ....وبيقصر عمر البطاريه ................

_ وبعد كده أنت بنفسك شهريا مثلا .....تكشف على مستوى الميه فوق الألواح ......

_ المفروض الميه تغطى الألواح بأرتفاع واحد سم فقط ........لضمان عدم الفوران مع زيادة الشحن لأى سبب من الأسباب ...(زى زيادة خرج الدينامو مثلا فجائيا )....

_ ودايما أتعود أنك ماتزودش الا ميه مقطره فقط .....لأن الميه هى اللى بتتبخر مع الشحن ....أما الحامض....لا

...

**abouzaid555** · 14-05-2009 01:14 AM

المشاركة الأصلية كتبت بواسطة samirayad

بص يا أخى أبو زيد ......روح قيس الكثافه ........

_ لو طلعت كتير وأنا أتوقع ذلك .....الكهربائى بيخففها أزاى ..............

_ بيجيب حقنه كبيره نظيفه ......ويشفط من كل ربع شويه .......وبعد كده بيحط ميه مقطره فقط ..........

_ لأن تركيز الألكتروليت ( الماء + الحامض)الزياده بيأكل ألواح الأرباع ....وبيقصر عمر البطاريه ................

_ وبعد كده أنت بنفسك شهريا مثلا .....تكشف على مستوى الميه فوق الألواح ......

_ المفروض الميه تغطى الألواح بأرتفاع واحد سم فقط ........لضمان عدم الفوران مع زيادة الشحن لأى سبب من الأسباب ...(زى زيادة خرج الدينامو مثلا فجائيا )....

_ ودايما أتعود أنك ماتزودش الا ميه مقطره فقط .....لأن الميه هى اللى بتتبخر مع الشحن ....أما الحامض....لا

...

ربنا يبارك فى حضرتك يا بشمهندس سمير و متشكر جدا جدا على فتح صدرك لنا و اوعدك انى ان شاء الله حاعمل اللى حضرتك قولت عليه

**samirayad** · 14-05-2009 01:25 AM

المشاركة الأصلية كتبت بواسطة abouzaid555

ربنا يبارك فى حضرتك يا بشمهندس سمير و متشكر جدا جدا على فتح صدرك لنا و اوعدك انى ان شاء الله حاعمل اللى حضرتك قولت عليه

ياباشا بالتوفيق........وتحت أمرك فى أى حاجه ممكن أعرفها...................................... .........

_ وفيه حاجه عاوز أقولك عليها برضه .....أزاى ممكن تعرف أن منسوب الميه فوق الألواح ....1سم ...............بسيطه

_ هات أى شريحه بلاستيك أو خشب نظيفه وطولها قول 15 سم .........

_ وأنت فاتح ربع ربع ......حطها لحد ماتلمس الألواح .......ومن خلال علام الميه عليها حتعرف تحدد قيمة الواحد سم ......

_ على فكره أنا كنت بأعمل كده فى عربيتى الأولانيه ( لما كان فى أمكانى قياس المنسوب )......

_ أنما البطاريه اللى معايا دلوقتى مقفوله وحامضيه برضه .......وحطين فيها جهاز هيدروميتر (لقياس الكثافه ).....وبيضحكوا علينا ويقولوا جافه.....بس ماشى الحال.....

الموضوع: مياة البطارية

LinkBack

أدوات الموضوع

عرض

العرض المتطور

مياة البطارية - انشر الموضوع فى :

-

-

المواضيع المتشابهه

إحذر ..! البطارية السائلة تتلف بعد تغيير مياه البطارية

البطارية الجافة جايبة مياة

مياة خضرة معا مياة عادية

مغامرات لمبة البطارية ولمبة البطارية ...؟

مياة البطارية

الكلمات الدلالية لهذا الموضوع

المفضلات

المفضلات

ضوابط المشاركة