باركولى ياجماعه خلاص جبت جين تو موديل 2007 مانيول سبورت
ماشاء الله العربيه تحفة
وبصراحة مش عارف الى قال على عيوب الجين تو ده كان بيقارنها بعربيه بى ام دبلو ولا ايه؟

مع احترامى الشديد لكل الاعضاء اللى قالت العربيه فيها عيوب
محدش يزعل منى دى اراء و وجهات نظر
واكيد بتفرق طبعا هو بيقارن الجين تو و أيه

اللى بيقول العفشه ناشفه ده بيتكلم على انه كان راكب طيارة مش عربيه ماشيه على الارض
بصراحة انا شايف انها مش ناشفه اصلا
وانا بقارن بالنسبه الى عربيتى السابقة وهى لانوس

واللى يقول تكيفها ضعيف اكيد ده كان قاعد جوا تلاجة مش عربيه

واللى يقول نقلتها قريبه قوى اكيد ده كان راكب تريلا او كان سواق قطر

ومرة قريت واحد بيقول الساوند سيستم مش قد كده اكيد ده بيشتغل فى صاله ديسكو

واللى يقول الفرامل بعيده ولا مش عارف ايه ده اصلا شكلو مش طايل الدواسه
ابقى قرب الكرسى شويه يا أستاذ

المشكله الوحيدة اللى قابلتى موضوع صوت الخبطة فى اخر الدريكسون سواء يمين أو شمال أعتقد ان ده شىء طبيعى لأن ده بيبقى اخر مجال الدريكسون
اكيد كان ممكن يعملوا كوتش فى اخر مشوار الدريكسون عشان يمنع الصوت ده
بس ماعلينا انا شايف انه عادى ومش فارقة معايا

وطبعا صوت الموتور فعلا عالى شويه بس لما قفلت الازاز وشغلت الكاسيت والتكيف بقيت فى دنيا تانيه
ولا يفرق معانا الكلام ده خالص

سحب العربيه ملحقتش اجربوا قوى بس احسن من الانوس والفرنا بمراحل

النقطة اللى قلقان منها موضوع تيل الفرامل اللى بيخلص بسرعة
انا لسه طبعا مجربتش الموضوع بنفسى
وبصراحة انا متابع الموضوع فى المنتدى واعتقد ان فى حل ان شاء الله

بصراحة فرق شااااااااااااااااااسع

الجين تو حدوته بجميع المقايس
فعلا عربيه تستاهل
يدوب مشيت بيها 60 كيلو وخلاص انا دوبت فى العربيه دوووووووووووب